mánadagur 4. juli 2011síða 10

Mánadagur 4. juli 2011 · Nr. 76 10 Sosialurin Tekstur: Rógvi Nybo Myndir: Claus Boesen, MediaPress BankNordik yvirtók fríggja­ dagin teir sokallaðu sunnu partarnar av Amager­banken. Avtalan við Fíggjar­ligt Støðufesti er undir­skrivað, og í morgun lat bankin upp aftur fyri nýggjum kundum. Fyrstu tíðina fer bankin ikki at broyta navn, men fer framvegis at eita Amager­ banken. Janus Peter­sen, forstjóri, sigur, at orsøkin er at tað fyrst og fremst var umráandi at fáa bankan skjótt í gongd aftur. – Hetta er ein banki, sum fór fallit. Hann hevur virk­að, men hevur ikki havt møgu­ leika at lánt pengar út ella nakað sum helst tað seinasta hálva árið. Tí var tað øgiliga umráandi fyri okkum at fáa gongd á bankan, soleiðis at vit kunnu taka nýggjar kund­ ar inn, sigur Janus Petersen, og leggur afturat, at seinni verður tikið støða til navnið. Mest privatkundar Við keypinum hevur Bank­ Nordik yvirtikið umleið 92.000 nýggjar kundar, harav umleið 70 prosent eru smáir privatkundar og smærri vinnufeløg. Samstundis yvir­tekur bankin 13 deildir av teimum upprunaligu 25. Upprunaliga var ætlað at yvirtaka 11 deildir og okkurt um 150 starvsfólk. Men bankin hevur gjørt at vaksa um henda partin við tveimum deildum og upp­ aftur 50 starvsfólkum. Sostatt hevur Bank­Nordik yvirtikið 11 deildir í Keypmannahavn - har­av 6 liggja á Amager - og tvær deildir í ávikavist Odense og Aarhus. Hetta merkir at Bank­ Nordik hevur yvirkitið um­ leið helvtina av deild­unum á Amager, sum vóru áðrenn krakkið. Janus Petersen sigur, at leiðslan í BankNordik leggur dent á at hava stórar deildir. – Vit halda, at tað er um­ ráandi at hava stórar deildir og at savna eks­pertis­una. Kund­arnir í dag eftirspyrja alt meira spesiali­ser­aðari tænastu, og tí er neyðugt at hava ser­frøð­ingarnar savnaðar á størri deildum, fyri at kunna veita eina betri tænastu, sigur Janus Petersen, forstjóri. Leita ikki longur Leiðslan í BankNordik legði á tíðindafundinum fríggja­ morgunin dent á, at Bank­ Nordik ikki hevur í hyggju at keypa fleiri bankar. Við keypinum av Amager­ banken hevur BankNordik eitt innlánsyvirskot á 1,6 milliardir krónur og ein solvens upp á 15 prosent. rogvi@sosialurin.fo Amagerbanken komin á føroyskar hendur Bankar Í rúma tíð framyvir fer Amagerbanken enn at eita Amagerbanken. Tað boðaði leiðslan í BankNordik frá fríggjadagin, tá avtalan við Fíggjarligt Støðufesti varð undirskrivað Ovasta leiðslan í BankNordik var fríggjadagin savnað í høvuðssætinum hjá Amagerbanken, har endaliga yvirtøkan av bankanum varð kunngjørd á tíðindafundi Ovasta leiðslan í BankNordik og Amagerbanken. F.v. Janus Petersen, forstjóri, John Rajani, stjóri, og Jan Ulsø Madsen, landastjóri hjá BankNordik í Danmark