mánadagur 4. juli 2011síða 16

Mánadagur 4. juli 2011 · Nr. 76 16 Sosialurin Ítróttarblaðið Hilmar Jan Hansen Hóast bæði Føroyar og Bermuda liggja í Norðuratlantshavi, er frá­ støðan so mikið stór – í beinari linju um 6.000 kilometrar – at tað er púrasta óhugsandi, at ferðast verð­ ur beinleiðis til Bermuda, tá oyggja­ leik­irnir verða har í 2013. Helst verð­ ur neyðugt at fara umvegis Ísland ella Danmark til USA og so víðari til Bermuda. At tað er dýrt at ferðast, vita vit frá teimum frá Bermuda, ið tosa um nógvar pengar, ið skulu til, hvørja ferð tey skulu til oyggjaleikir um okkara leiðir. So givið er, at leik­irnir um tvey ár fyri føroysku ítróttar­ fólkini verða teir dýrastu nakran­ tíð. – Uttan at vit enn hava kannað prísirnar nágreiniliga, kunnu vit nokk siga, at kostnaðurin er so mikið stórur, at ein ítróttar­grein sum flogbóltur, ið skal avstað við kanska 34 fólkum, helst vil hugsa seg væl um, um farast skal til Bermuda ella ikki, tí fyri somu peng­ar ber til at fara til fleiri altjóða kapp­ingar nærri Føroyum, sigur Petur Elias Petersen, ÍSF-forseti. – Ein annar bági við at fara til Bermuda, er stóri hitin har mitt um summarið, sum ger, at best er at vera í góðari tíð. Tí kundi eitt hugskot verið, at føroysku ítróttar­ fólkini fóru á venjingarlegu undan leikunum, eitt nú eina viku áðrenn, so tey fingu vant seg til veðurlagið áðrenn sjálvar leikirnar. Tað kostar sjálvandi eisini, men er næstan neyð­ugt, skal ferðaíløgan svara seg ítróttar­liga eisini. Landið má spæla við Frá fleiri av hinum oyggja­sam­fel­ øg­unum, vit kappast við á oyggja­ leikum, vita vit, at har er góður al­mennur stuðul inni í myndini, tí hjá fleiri teirra hevði slett ikki borið til at verið við til leikirnar utt­an almenna hjálp, tí tað annars hevði verið alt ov kostnaðarmikið. Spurn­ ingurin er tí, um ikki eisini tað al­ menna í Føroyum átti at verið meira beinleiðis við sum ein stuðul. – Vit í Ítróttarsambandinum vóna, at landið sær týdningin av oyggja­leikunum og hjálpir til, og tað kundi eitt nú verið gjørt við beinleiðis hjálp til fígginginga, ið kundi komi frá mentamálaráðnum, sigur Petur Elias Petersen, ið vísir á, at ítrótturin bara hevur fingið minni og minni av pengum. – Játtanin til ítróttin er skerd, men tað, sum er komið til úr­vals­ ítróttin, hevur munað væl. Nú skuldi bara eisini komið ein játtan til uttan­lands tiltøk, har oyggjaleikir kundu fingið annaðhvørt ár og aðrar ítróttar­hendingar annaðhvørt ár. Ein langtrøkkandi ætlan á hes­ um øki hevði komið væl við, so allir partar vistu, hvussu arbeiðast kundi frameftir. ÍSF-forsetin vísir somuleiðis á, at tað hevur stóran týdning, at føroyingar møta rímiliga væl­mann­ aðir upp í Bermuda, nú vit liggja framvið at fáa oyggjaleikirnar í 2019 í Føroyum, tí um bara eitt lítið »krúkkulið« møtir upp á Bermuda, tí vit ikki hava ráð til meira, kann tað gerast ein fótongul fyri ætlanirnar um at hýsa leikunum her. hilmarjan@sosialurin.fo Undan einum oyggjaleikum er altíð áhugavert at vita, hvørjar ítróttargreinar eru við, tí tað er nú upp til vertirnar at gera av, hvørjar greinarnar verða. Fyrr vóru seks fastar ítróttargreinar, og so kundu vertirnir velja tær síðstu átta, men nú hava vertirnir fult ræði á, hvørjar greinar verða. Næstu ferð, tá oyggjaleikir verða í Bermuda í 2013, verða ítróttar­greinarnar badminton, fimleikur, flogbóltur, fótbóltur, frælsur ítróttur, golf, kurvabóltur, sigling, skjóting, súkkling, svimj­ ing, squash, tennis og triatlon. Tað vil siga, at ein av okkara allardrúgvastu ítróttargreinum, bogaskjóting, ið hevur vunnið Føroyum fleiri teggjur av gull­ heiðursmerkjum, ikki verður við í Bermuda, men helst kemur inn­aftur í Jersey í 2015. Hinvegin er ein onnur ítróttargrein, sum onkrar leikir hevur roynst sera væl, fim­leikur, aftur at síggja í Bermuda. Soleiðis er tað næstan hvørja ferð, at summar rúka út og aðrar koma innaftur, sum ruku út síðst. Judo, sum plagar at roynast væl, er ikki við í Bermuda, men tað er hinvegin súkklingin, ið kom við aftur í Isle of Wight, eftir at hava verið úti í Álandi fyri tveimum árum síðani. Bogaskjóting út, fimleikur inn Bermuda-leikirnir verða dýrir Oyggjaleikir Um tvey ár skal Bermuda hýsa oyggjaleikunum, sum uttan síðustykki verða nógv teir dýrastu hjá føroysku ítróttarfólkunum nakrantíð, tí ferðast skal langa leið. – Tað er alneyðugt, at landið spælir við fíggjarliga, sigur ÍSF-forsetin, Petur Elias Petersen LANDIÐ MÁ VIÐ – Vit í Ítróttarsambandinum vóna, at landið sær týdningin av oyggjaleikunum og hjálpir til, sigur ÍSF-forsetin, Petur Elias Petersen, sum ásannar, at tað verður sera dýrt at senda føroysk ítróttarfólk til leikirnar í Bermuda um tvey ár Mynd: Álvur Haraldsen