mánadagur 4. juli 2011síða 22

Mánadagur 4. juli 2011 · Nr. 76 22 Sosialurin Ítróttarblaðið Heri Simonsen Isle of Wight endaði langt aft­ast í flogbóltskappingini hjá monn­um á Oyggjaleikunum. Isle of Wight var í bólki við Cayman­oyggjarnar, Grønlandi, Álandi og Jersey. Talan gjørdist um fýra greið tap, har mótstøðuliðini øll vunnu 3-0. Stigmunurin hjá Isle of Wight, aftaná fýra dystir var 145 vunnin og 300 tapt stig. Frægasta settið hjá Isle of Wight var ímóti Jersey, tá teir í øðrum setti »bert« taptu 18-25 ímóti Jersey. Flogbóltsliðið hjá Isle of Wight hevur kortini staðið fyri einum ógvuliga jaligum og lívsjáttandi íkasti til hesar oyggjaleikirnar. Á flogbóltsliðnum hjá Isle of Wight hava tey nevnliga ein super-veteran, sum eitur Dave Clark. Dave Clark er nevnliga 66 ár! Og í hesu vikuni verður hann 67 ár. Hann stríddist kortini manniliga, og ein sá hann savna nógvar bóltar upp, og hann var ikki bangin fyri at kasta seg eftir einum ringum bólti. Dave segði í samrøðu við Rás2, at hann ætlar at halda seg í form, og um Isle of Wight sendir eitt flogbóltslið avstað til oyggjaleikirnar á Ber­ muda í 2013, so ætlar hann sær at verða partur av hópinum. Í samrøðuni harmaðist Dave eisini eitt sindur um, at ein prestur, sum spælir við liðnum ikki servaði betur. Konan stuðlar væl Dave Clark sigur, at hann hevur spælt flogbólt í nærum eina hálva øld, og hann hevur eisini spælt fótbólt. Hann elskar at spæla fótbólt við tí 10 ára gamla abbasoninum. Dave harmast um, at ikki størri undirtøka er fyri flogbólti í Onglandi, sum hann heldur er ein ótrúliga góð ítrótt hjá tilkomnum fólki at íðka. Dave kann eisini fegnast um, at konan Sue bakkar hann upp. Sue hevur verið til allar flogbólts­ dystirnar hjá Isle of Wight á oyggjaleikunum, og hon dugir sanniliga at larma og stuðla, so tað væl og virðiliga hoyrist. Sue íðkar ikki nakran ítrótt sjálv, men sigur kortini, at hennara »ítróttur« er at møta upp og stuðla manninum. 66 ára gamal spældi flogbólt OYGGJALEIKIR 66 ára gamli Dave Clarke var við á flogbóltslandsliðnum hjá Isle of Wight, og hann ætlar sær eisini at verða við á næstu oyggjaleikunum. Dave Clarke harmast um, at ein prestur, sum eisini spælir við liðnum, ikki servaði betur 66 ára gamli Dave Clarke heldur, at flogbóltur er góð ítrótt hjá tilkomnum fólki at íðka Mynd: Carl-Henrik Fridén Hóast fimleikur ikki taldist mill­ um ítróttargreinarnar á oyggja­ leikunum á Isle of Wight í farnu viku, verða fimleikararnir ikki full­komuliga snýttir fyri sínar leikir. Nakrar av oyggjunum hava tikið seg saman um at hava eina serligar fimleikaoyggjaleikir hesa vikuna í staðin. Leikirnir verða á Jersey hesa vikuna, frá hósdegnum til leygar­ dagin, og har fara Føroyar at kappast við Jersey, Áland, Isle of Man, Bermuda, Cayman-oyggj­ar­ nar og Ynys Mon. Tilsamans hava venjararnir, Alida Savina og Valery Savin, tik­ ið út 11 fimleikarar til føroyska oyggja­leikalandsliðið hesa ferð. Føroyska ferðalagið telur til­sam­ ans 21 fólk, sum eru farin av land­ inum í dag og koma aftur um eina viku. hilmarjan@sosialurin.fo Fimleikarar til Jersey Mynd: ÁLvur Haraldsen