mánadagur 4. juli 2011síða 26

Mánadagur 4. juli 2011 · Nr. 76 26 Sosialurin Hósdagin 6. juli verður Henry Debes Joensen á Argjum 75 ár Henry er ættaður úr Fám­ jin, sonur Henriettu Karolinu, f. Gaard, úr Fámjin, og Joen Magnus Joensen frá Gjógv. Henry tók læraraprógv á Føroya Læraraskúla í 1960 og var lærari í heim­bygdini, Fámjin, frá 1960 til 1965. Hesa tíðina røkti hann eisini dekna- og urgutænastuna í bygdini. Í 1965 flutti hann til Argir at búgva, tá hann gjørdist lærari við Argja skúla. Hetta starv røkti hann til 1. august 1998. Í hesum tíðarskeiði var hann bæði fyrstilærari, varaskúlastjóri og settur skúlastjóri. Henry hevur í mong ár verið organistur við guds­ tænastur á Lands­sjúkra­hús­ inum og við jarðarferðir í Kirkjugarðskapellinum. Síð­ an Kirkju- og Missións­húsið kom á Argjum í 1974, hevur hann eisini verið deknur og urguleikari har. Í 2005 fekk hann “tjenestemedalje i sølv” frá Margrethu drottning. Henry er giftur Katrin, f. Johannesen, av Skála. Tey eiga tríggjar synir: Jón Magnus, Bergur og Heðin. Jón Magnus er giftur Anne­ lisu Joensen, og eiga tey børnini Teit og Tanju. Bergur er giftur Astu Joensen, og eiga tey børnini Beintu, Heina og Vilhelm. Familjan býr øll á Argjum. Føðingardagurin verður hildin saman við familju og systkjum. Nøvn Henry Debes Joensen 75 ár Kunngjørt verður fyri ætt, vinum og kenningum, at okkara kæri Dánial Johansen av Strondum andaðist í heiminum sunnudagin 3. juli,   53 ára gamal. Familjunnar vegna Áki Bertholdsen Tann 1. januar 2013 skulu tað bara vera sjey ella átta kommunur í Føroyum. Tað eru politiskir flokkar á Løgtingi samdir um. Síðani ABC samgongan skrædnaði, hevur Helena Dam á Neystabø, lands­ stýriskvinna í inn­lendis­ mál­um roynt at finna eina nýggja semju um ætlanina at leggja kommunurnar sam­ an. Og tað hevur hepnast so mikið væl, at á Ólavsøku fer hon at leggja uppskot fyri Løgtingi um at leggja Føroyar saman í sjey ella átta kommunur frá 1. januar í 2013. Hon hevur eisini fingið undirtøku í landsstýrinum fyri ætlanini. Einasta ivamál er um Fuglafjørður og Eystur­ komm­una verða lagdar sam­ an í eina kommunu, ella um tær báðar kommunurnar skulu vera í eini savnaðari Eysturkommunu. Tað avgerðina skulu tær báðar kommunurnar hava tikið í seinasta lagi 1. juni í 2012. Men eru tær ikki komnar til eina niðurstøðu tá, verða tær lagdar saman í eini savnaða Eysturoyar Kommunu og so verða tað sjey kommunur í land­in­un­ um. Nú skal lands­stýris-kvinn­ an eisini hava fund við bæði kommunufeløgini um ætl­ anina og tey fáa hana síðani til hoyringar. Málið er búgvið Helena Dam á Neystabø hevur raðfest málið um komm­unusamanlegging og tí hevur hon samráðst við politisku flokkarnar í summar í eini roynd at finna eina semju. Og tað arbeiðið hevur nú borið frukt so væl, at hon heldur, at stundin er komin at leggja uppskot fyri Løgtingið um kommunusamanlegging og tað fer hon at gera á Ólav­ søku. – Eg meti, at uppskotið er búgvið at leggja fyri Løgtingið nú, tí eg meti, at tað fer at vera til at fáa meiriluta fyri tí. Men hon staðfestir, at tað er ikki fyrrenn málið kemur til viðgerðar, at endalig greiða fæst á tí. Kortini heldur hon, at verður ikki ein avgerð tikin nú, so at kommunurnar verða lagdar saman 1. januar í 2013, tá ið eitt nýtt valskeið byrjar, skulu vit bíða í minst fýra ár afturat og tað heldur hon er ov leingi. – Málið hevur verið so leingi á skrá, at dettur tað niður fyri nú, tað er komið so nær, verður helst seinur dagur, áðrenn nakar hættar sær undir tað aftur, heldur hon. Tað er greitt, at bæði Sam­bandsflokkurin, Javn­ aðar­flokkurin, Sjálv­stýris­ flokkurin Framsókn og Sjúrð­ur Skaale, uttan­floks­ ting­limir, hava boðað frá, at teir taka undir við ætlanini. Harumframt er væntandi, at onkur fólkafloksfólk taka undir við ætlanini. Eitt nú hevur kommunu­ samanlegging verið eitt hjarta­mál hjá fyrrverandi lands­stýriskvinnuni í inn­ lendismálum, Ann­iku Olsen, sum nú er ting­kvinna. Hinvegin er greitt, at part­ur av Fólkaflokkinum er ímóti ætlanini og heldur ikki hava Tjóðveldi og Mið­ flokkurin vilja bundið seg til nakað. Landsstýriskvinnan sig­ ur, at í hesum sambandi verður eldraøkið lagt undir kommunurnar at verða um­ sitið 1. januar 2014. aki@sosialurin.fo Kommunur skulu leggja saman í 2013 NÝGGJ SEMJA Nú er ein nýggj politisk semja gjørd um at leggja kommunurnar saman uma hálvtannað ár Tøkk   Hjartaliga takk fyri sýnda samkenslu og hjálpsemi, tá kæra systir mín Solgerd Jacobsen doyði og varð jarðað. Takk fyri blómur, kransar, heilsanir og peningagávur til Heimið við Vallalíð. Ein serstøk tøkk til starvsfólkið á Heiminum við Vallalíð, fyri teirra kærleika og umsorgan. Tøkk til tykkum øll, sum fylgdu henni til hennara seinasta hvíldarstað. Familjunnar vegna Svanhild Samanlegging Kommunusamanlegging hevur verið á skrá í mong ár og er umrøtt á nógvum fundum. Her hevur Helena Dam á Neystabø orðið á einum slíkum fundi, men nú fer hon at leggja uppskot fyri Løgtingið um at skipa Føroyar í sjey ella átta kommunur. Myndin er frá fundi í Vestmanna um kommunusamanlegging Mynd: Jens Kristian Vang