mikudagur 6. juli 2011síða 5

5 Mikudagur 6. juli 2011 · Nr. 77 Sosialurin Rógvi Nybo Fyrr í mánaðinum gjørdist greitt, at enn eina ferð noyð­ ist sjúkrahúsverkið at finna sparingar. Játtanin til ser­ viðgerðir uttanlands fer ikki at halda, og Dimma­lætt­ing skrivar mánadagin, at sum tað sær út í løtuni, fara 6 milliónir at resta í við árs­ enda til at halda áfram við hes­um viðgerðum. Tí boðaði John Johanne­ sen, landsstýrismaður við heilsumálum, sjúkra­hús­un­ um frá, at frá nú av skulu bert bráðneyðugar viðgerðir uttanlands fremjast. – Tað harmar meg mikið at taka hetta stig, men tíverri røkka pengarnir ikki til. Tað er ein skylda hjá mær at halda lógarfestu játtanina. Tí havi eg boðað sjúkrahúsunum frá, at einans sjúklingar við bráðfeingis tørvi á viðgerð verða ávístir til viðgerðir uttanlands, boðaði John Jo­ hannesen frá. Eisini boðaði landsstýris­ maðurin frá, at hann fer at biðja um eina eykajáttan til serviðgerðir uttanlands. Vistu um hetta At játtanin til serviðgerðir uttanlands ikki fer at halda, eigur tó ikki koma óvart á landsins myndugleikar. Tað vísir seg, at í Fíggjar­ lógini fyri 2011 hevur Løg­ tingið skrivað, undir kontuni til serviðgerðir uttanlands, at »Samlaða játtanin til høv­uðskontuna er fram­ skriv­að við 7 milliónum krón­um, sum er væl minni enn væntaði vøksturin í við­gerðar­útreiðslum. Hetta fer at merkja, at ein stóran part av árinum fara bert sjúk­lingar at verða sendir av land­inum, ið hava brúk fyri bráð­neyð­ugari viðgerð.« Sostatt vistu bæði Løgting og Lands­stýri um henda trupul­ leika, tá fíggjarlógin fyri 2011 varð samtykt. Spurningurin er hví Tann brennandi spurn­ing­ ur­in, sum stendur eftir, er hví Løgtingið, tá tað sam­ tykti fíggjarlógina fyri 2011, hevur avgjørt at játtanin til serviðgerðir uttanlands skal verða so lítil, at helvtina av árinum verða bert bráð­neyð­ ugar viðgerðir uttan­lands framdar. At Løgtingið og Lands­ stýrið frá ársbyjan hava vit­ að, at játtanin fór at verða uppi á hálvum ári, og at landsstýrismaðurin tí verður noyddur at biðja um eina eykajáttan, kann av mongum tykjast sum ein ábendig um, at Fíggjarlógin fyri 2011 er »sminkað«, soleiðis at hon á pappírinum sær betur út enn veruligu tølini fara at vísa, tá eykajáttanin er samtykt. Ein annar møguleiki er, at ætlanin við hesum er at útseta sparingar, soleiðis at tær ikki komu í samband við viðgerðina av fíggjarlógini í heyst, men ístaðin nú skulu finnast innan heilsumál, utt­ an at tað skal ganga út yvir samlaðu játtanina. Dýrur heilivágur eisini ein trupulleiki Afturat játtanini til servið­ gerðir uttanlands, sær heldur ikki út til at játtanin til dýran heilivág fer at halda. Dýri heilivágurin sær í løtuni út til at kosta 1 til 2 milliónir krónur meira, enn roknað er við. Vit hava roynt at fingið fatur á landsstýrismanninum í heilsumálum, John Jo­ hanne­sen, men áðrenn hetta blaðið fór til prentingar, hevur hetta ikki eydnast. rogvi@sosialurin.fo Vistu at játtanin var ov lítil Serviðgerðir Uttanlands Bæði Løgtingið og Landsstýrið vistu, at játtanin til serviðgerðir uttanlands fór ikki at halda, og at eykajáttan tí er neyðug Hetta kann vera ein ábend­ ing um, at Fíggjarlógin 2011 er sminkað Bæði løgting og landsstýri vistu, tá fíggjarlógin 2011 varð samtykt, at játtanin til serviðgerðir uttanlands bert fór at halda ein part av árinum Mynd: Savnsmynd