mikudagur 13. juli 2011síða 4

Mikudagur 13. juli 2011 · Nr. 80 4 Sosialurin Áki Bertholdsen ­– Tað var ómøgiligt at finna eina semju. Tað staðfestir Asbjørn J. Djurhuus, formaður í Kommunu­felagnum. Kommunufelagið hevur havt fund um ætlanina hjá landsstýris­kvinnuni í inn­ lendis­málum um at leggja kommunurnar saman og legga eldra­økið undir tær at umsita. Men har spurdist lítið burtur úr. – Í Kommunufelagnum er ikki semja um nakað sum helst í hesum sambandi, stað­­festi formaðurin eftir fundin. Hann sigur, at av tí sama ber ikki til at geva landsstýris­ kvinnuni nakrar felags viðmerkingar frá einum samdum Kommunufelag. – Tað verður hvør komm­ una sær, sum ger sínar við­ merk­­ingar til málið, sigur hann. Formaðurin sigur, at summar kommunur vilja ikki hoyra talan um saman­legg­ ing, men aðrar komm­unur sókn­­ast eftir teirri fólks­ligu tilgongdini, sum lands­stýrið segði var so avgerð­andi fyri nøkrum fáum mánaðum síðani. Í hesum sambandi var ætlanin at hava fólka­at­ kvøður um samanlegging, eins og landss­týrið skuldi ferðast bygd úr bygd at halda borgarafundir, men nú er alt tað fullkomiliga slept. – Summar kommunur vilja fyrst hava samanlegging og síðani skulu tær fáa málsøki at umsita, men aðrar vilja akkurát øvugt, at fyrst skulu tær fáa málsøki at umsita, so kunnu tær leggja saman, so tað er rættilig naggatódn í. Hinvegin eru tað summar kommunur, sum stúra fyri fíggjarliga partinum, tí tær vilja hava nágreiniligar út­ rokningar fyri, hvussu nógv, eldraøkið fer at kosta. ­– Vit halda, at útreiðsl­ ur­nar av eldraøkinum eru undir­mettar, leggur hann afturat. Tað eru eisini kommunur, ið eru væl fyri, sum stúra fyri at verða lagdar saman við skuldarbundnum komm­ unum og tann spurningin vilja tær eisini hava loystan. – Men eitt, semja er um, er, at kommunurnar taka løgtingsins vilja til eftirtektar, so samtykkir Løgtingið eina samanlegging, verður tað góðtikið, sigur Asbjørn J. Djurhuus. aki@sosialurin.fo Áki Bertholdsen Fleiri og fleiri tingfólk í sam­ gonguni leggjast nú afturat tí kóri, sum ikki vilja taka undir við ætlanini, sum Helena Dam á Neystabø legði fram í farnu viku um kommunu­ samanlegging. Mánadagin vóru tað Ger­ hard Lognberg og Mikkjal Sørensen úr Javnaðar­flokki­ num, sum staðfestu, at teir taka ikki undir við ætlanini. Í dag eru tað so Bjørn Kalsø og Edva Jacobsen úr Sambandsflokkinum sum heldur ikki taka undir við henni. Hvørki ja ella nei Minst avgjørd er Edva Jacobsen. Hon veit av, at málið hevur verið til viðgerðar í sam­ gonguni og sjálv hevur hon eisini verið við á summum fundum. Sa m ba n d s f l o k ku r i n hev­­ur eisini tikið undir við komm­unu­samanlegging og at fleiri máls­øki verða løgd undir kommunurnar at umsita. – Men semja hevur ikki verið um, hvussu tað skal skipast og hetta ítøkiliga uppskotið eri eg ikki kunnað um, leggur hon afturat. – Eg renni ikki undan kommunusamanlegging. Men eg eg eri ikki kunnað um hesa ítøkiligu ætlanina hjá landsstýriskvinnuni í innlendismálum. Tí vil eg heldur ikki binda meg til at taka undir við henni, staðfestir hon. Hon sigur, at hvussu hon fer at atkvøða, veldst alt um, hvussu tað sær út, tá við­gerð­ in í Løgtinginum er liðug. Hinvegin ivast hon eisini í, hvussu stór semja í veru­ leikanum er í sam­gonguni og í tinginum sum heild, um hetta málið. – Vit hava ikki havt høvi at viðgera hetta ítøki­liga málið í flokkinum, sigur sam­ bandskonan úr Fuglafirði. Nettupp Fuglafjørður er í eini serligari støðu, tí har hevur borgarstjórin staðfest, at tey vilja varðveita sína støðu sum sjálvstøðug kommuna. Tað vil Edva Jacobsen ikki gera ítøkiligar viðmerkingar til. Men hon heldur, at er tað ein politisk ætlan at landið skal leggjast saman í nakrar fáar, stórar kommunur, er lítið sannlíkt, at einstakar kommunur fara at sleppa undan samanlegging. Ikki rætt Bjørn Kalsø, sum eisini er sambandsmaður, heldur, at hetta er rætt og slætt hvørki rætta løtan ella rætta uppskotið. – Eg haldi øgliga lítið um hesa ætlanina, alla, sum hon er. Hann sigur, at hann hevur ikki verið við í arbeiðnum at leggja hesa ætlanina fram og ætlanin er eisini løgd fram uttan at eg so frægt sum eri spurdur. Tí havi eg ikki bundið meg til nakað sum helst og summar partur í ætlanini haldi eg lítið um. Yvirhøvur heldur Bjørn Kalsø, at landsstýriskvinnan í innlendismálum átti at havt tryggjað sær undirtøku fyri eini slíkari ætlan, áðrenn hon varð lagt fram. – Hetta er serliga galdandi í støðuni, vit eru í nú, tí í eini minniluta samgongu ræður um ikki at leggja nakað fram, sum tað ikki er trygt fyri at undirtøka fæst fyri Púra galið Bjørn Kalsø er ímóti at leggja kommunur saman við lóg, sum hendan ætlanin leggur upp til. Hann heldur eisini, at kommunur eiga at fáa størri frælsi at gera av, hvørjum tær vilja leggja saman við. Eitt, hann hugsar um í hesum sambandi, er at Klaksvík, Eysturkommuna og Fuglafjarðar kommuna eiga at fáa møguleika at leggja saman, er vilji til tað, men tað ber ikki til eftir ætlanini, sum nú er løgd fram. – Tað er púra galið, at kommunurnar ongar møgu­ leikar fáa at velja í. Fyri sambandsmannin hev­ur tað eisini stóran týdn­ ing, hvørja lagnu útoyggjar­ nar fáa. – Fyri tær útoyggjar, sum koma upp í eina komm­ unu, sum er væl fyri, kann saman­leggingin vera heppin. Men líka óheppin kann samanleggingin verða fyri eina útoyggj, sum endar í eini fátækari kommunu, ið ikki hevur ráð at gera nakrar sum helst ábøtur. – Hetta er ein spurningur, sum má viðgerðast. Og hann heldur eisini, at tað er skeivt at broyta kommununubygnaðin nú, í skundi, í eini minniluta samgongu, beint upp undir val. – Skulu vit leggja komm­ unur saman og legga øki undir kommunurnar, eiga vit at geva okkum stundir at viðgerða eina ítøkiliga ætlan, sigur hann. aki@sosialurin.fo KOMMUNUSAMANLEGGING Fleiri og fleiri tinglimir í samgonguni koma nú undan kavi og boða frá, at tey taka ikki undir við ætlanini um kommunu­ samanlegging, sum Helena Dam á Neystabø legði fram í síðstu viku Ómøguligt at finna semju Eg haldi øgliga lítið um hesa ætlanina Politiska semjan um samanlegging syndrast Ivast um semju Kanska hevur Helena Dam á Neystabø, landsstýriskvinna í innlendismálum, kannað sær bitan, áðrenn hon fekk svølgt hann, tí koma politikarar kropp á kroppi og ivast í semjuni um ætlanina, hon legði fram í síðstu viku um at leggja kommunur saman. Heldur ikki Kommunufelagið, sum hevur havt málið til viðgerðar, kundi semjast sum nakað sum helst Mynd: Jens Kr. Vang Tað er púra galið KOMMUNUSAMAN­LEGGING Í Kommunu­felagnum eru líka nógvar meiningar um kommunu­samanlegging, sum tað eru kommunur