mikudagur 13. juli 2011síða 16

Mikudagur 13. juli 2011 · Nr. 80 16 Sosialurin G! Í morgin, hósdagin, byrjar festivalurin, sum broytir Syðrugøtu frá at vera ein púra vanlig føroysk bygd, meinlík so mongum øðrum, til eitt sentrum fyri tónlistarligari nýhugsan, skapandi list og skeivari tankagongd. Á hesum báðum síðum varpa vit ljós á skránna og tær upplivingar, vit serliga gleða okkum til og kunnu viðmæla G!-festivalurin 2011 Hetta má u Movits! Vælsvingandi og festligi svenski bólkurin er eitt navn, vit ikki einans skulu leggja til merkis á ársins G! Festivali, men sanniliga eisini á altjóða tónatindunum komandi tíðina. Eftir eina sending í tiltiknu sjónvarpssendingini The Colbert Report hjá Stephen Colbert struku teir beint til tops hittlistum hjá bæði iTunes og Amazon. Movits svinga á svenskum og kennir tú ikki bólkin, er lagið »Fel Del Af Gården« eitt gott stað at byrja. Fallulah 26 ára gamla Maria Apetri, sum býr handan songkvinnuna Fallulah, hevur av sonnum staðfest sítt navn ein tónleikari, ið skal takast við stórum álvara. At popptónleikarin hevur rumenskt blóð og hevur útbúgvið seg vestan hav, hoyrist aftur í tónleikinum, har íblásturin frá bæði balkan og indierákinum troyngja ígjøgnum. Lagið »Bridges« varð mest spælda lagið á útvarps­rásini P3 hjá DR í Danmark í 2010. Hoyrdi tú ikki hetta lagið, so hevur tú ivaleyst hoyrt »Out Of It«, sum var eyðkennislagið til sera vælumtóktu sjónvarpsrøðina Lykke, sum varð víst á DR í ár. Hevur tú einki hoyrt av hesum, eigur tú heilt víst at lurta eftir Fallulah hóskvøldið. Hamferð Doom-metal kalla teir sjálvir tónleikin. Hamferð vann tónleika­kappingina Sement 2010 og varð eisini kosin Ársins Nýggi Bólkur á Planet Awards í fjør. Hamferð, sum spælir harðan og myrkan rocktónleik, hevur spælt fleiri konsertir kring landið síðani bólkurin varð stovnaður í 2008. Haraftrat hevur Hamferð givið út fløguna »Vilst er síðsta fet«, sum millum annað telur eina endurinnspæling av sálminum »Harra Guð, títt dýra navn og æra«. Sangurin er at finna á YouTube og lýsir væl, hvat Hamferð er fyri nakað. Meshuggah Uttan iva størsta navnið, sum nakrantíð hevur vitjað í Føroyum innanfyri metalumhvørvið. Svenski bólkurin hevur havt sera stóra ávirkan á metaltónleikin, sum hann er í dag og stutt eftir midnátt fríggjakvøldið fáa føroyingar høvið at upplivað mætu mennirnar í bólkinum á Gøtusandi. Bólkurin er 24 ára gamal, hevur eitt ótal av útgávum í skjáttuni og ein fjepparaskara í Føroyum, sum ivaleyst er eina uppliving verdur í sær sjálvum. Við Meshuggah á G! er lagt upp til eina av teimum tungu, men samstundis heilt stóru løtunum í søgu festivalsins. Swanga Dangah Hetta verður bæði forkunnugt, fríkst og føroyskt. Swangah Dangah eru fyrstu føroysku gangsta-rappararnir nakrantíð. Teir tríggir Sten Róin, Kári og Ragnar frá Svanga í Havn, hava vit løgum sum »Gentan er farlig« og øðrum prógvað, at teir teljast millum heilt áhugaverdu nøvnini, sum eru ávegis upp á føroyska tónleikapallin. Lagið »Frá bygd yil bý« hevur staðfest hetta við maner, og nú vit bíða eftir fløguni frá bólkinum, sum er ávegis, gleða vit okkum til at hoyra bólkin í feita karminum, sum Grundin er. Lagt til rættis: Rólant Waag Dam FRÍG HÓsDAGUR sAnDUR sp sAnDUR spæLipLáss GRUnD 16 00: ro 25: ka 00: guðrun&bartal 40: andy irvine (ir) 17 10: ma 20: annamarie Zimakoff 18 00: mar rev 50: nive 40: giPs 10: sPÆlimenninir 19 10: lisa í dali 40: mirror men 20 20: Petur Pólson 10: sic 21 00: amne 10: budam 40: movits! (se) 00: Hamferð 22 00: travis (gb) 50: mugison (is) 23 40: Högni 50: fallulaH (dk) 00: dj mrgillis (se) 00 30: mesHuggaH (se) 50: Humanwoman (is) 01 30: Picture book (FO 02 00: Übernörd 03 SK 14.–16