mikudagur 4. februar 2004síða 2

2 Nr. 23 - 4. februar 2004 Nr. 23 - 4. februar 2004 3 Tríggir eykamenn úr Fólkaflokkinum verða at síggja í tinginum, nú flokkurin hevur kosið sær landsstýrismenn: Jákup Mikkelsen fyri Jógvan við Keldu, Poul Michelsen fyri Bjarna Djurholm og Kjartan Joensen fyri Jógvan á Lakjuni NÝTT LANDSSTÝRI Eirikur Lindenskov eirikur@sosialurin.fo Í Norðoya valdømi gjørdist Anfinn Kallsberg stóri atkvøðuslúkurin. Hann fekk 819 persónligar at- kvøður. Næstur honum var Jógvan við Keldu við 198 og bert fýra atkvøður aftari var Jákup Mikkelsen, sum nú altso skal røkja ting- sessin fyri Jógvan við Keldu. Í Suðurstreymoyar val- dømi var Bjarni Djurholm fremstu av fólkafloks- monnunum. Hann fekk 595 persónligar atkvøður. Næstur honum var Óli Breckmann við 450 at- kvøður. Síðani kom Poul Michelsen við 335 at- kvøðum. Hann tekur í morgin sæti á tingi fyri Bjarna Djurholm, sum heldur fram í landsstýrin- um. Í Eysturoyarvaldømi var Jógvan á Lakjuni fremstur á fólkaflokslistanum. Hann fekk 409 persónligar at- kvøður, og næstur honum var Kjartan Joensen í Leir- vík. Hann fekk 155 atkvøð- ur - og verður tað hann, ið fer at røkja tingstarvið, nú Jógvan á Lakjuni verður landsstýrismaður. Varatingmenn hjá Johan Dahl og Bárði Nielsen verða ávikavist Olav Eno- moto úr Vestmanna og Jaspur Vang á Tvøroyri NÝTT LANDSSTÝRI Eirikur Lindenskov eirikur@sosialurin.fo Nú Bárður Nielsen og Johan Dahl fara í lands- stýrið, koma Jaspur Vang og Olav Enomoto á ting Báður Nielsen fekk eitt sera gott persónligt val í Norðstreymoyar valdømi á valinum 20. januar. Hann fekk heilar 357 atkvøður. Næstur á list- anum var Olav Enomoto, sum við 78 atkvøðum er næstur – og fær hann tí sæti á tingi so leingi Bárður Nielsen er lands- stýrismaður. Johan Dahl var við 245 persónligum atkvøðum fyrstur á sambandslist- anum í Suðuroy. Næstur honum er Jaspur Vang við 174 atkvøðum, og verður hann løgtings- maður fyri Sambands- flokkin í Suðuroy so leingi Johan Dahl er fiskimálaráðharri. Johan Dahl í Vági og Bárður Nielsen í Vestmanna verða landsstýrismenn Sambandsfloksins NÝTT LANDSSTÝRI Eirikur Lindenskov eirikur@sosialurin.fo Bárður Nielsen í Vest- manna verður landsstýris- maður í fíggjarmálum, og Johan Dahl úr Fámjin verður landsstýrismaður í fíggjarmálum. Bárður Nielsen er 31 ára gamal. Hann er sonur Gunnvá Winther og Boga á Steig. Hann er giftur Rakul, sum er dóttir Jórun og Jóan Magnus Lamhauge í Havn. Bárður er roknskapar- leiðari hjá Kollafjord Pela- gic síðani 2001. Framman- undan var hann grann- skoðari hjá P/F Rasmussen og Weihe frá 1993-2000. Báður Nielsen varð valdur á ting í 2002 og varð afturvaldur á valinum 20. januar við 357 persónligum atkvøðum. Johan Dahl er 44 ára gamal. Hann er sonur Ebbu, f. Albinus, nú Hov- gaard, og Jógvan Dahl úr Vági. Hann er giftur Lindu Herdalur. Johan er útbúgvin banka- maður í 1981 og hevur ávís prógv innan merconomút- búgving. Hann var stjóri hjá A/S J. Dahl Gørðum og Vágs Skipasmiju frá 1982- 90, stjóri í World Seafood 1991-1992, í Spf. Faromar frá 1997 og síðani 1998 í Faroe Coldstores. Johan Dahl varð valdur á ting í 2002 og afturvaldur á valinum 20. januar við 245 atkvøðum. Fólkaflokkurin hevur kosið sær Jógvan á Lakjuni og Jógvan við Keldu sum lands- stýrismenn aftur at Bjarna Djurholm, sum heldur fram í Vinnumálastýrinum NÝTT LANDSSTÝRI Eirikur Lindenskov eirikur@sosialurin.fo Jógvan á Lakjuni fer at um- sita mentanarmál, Bjarni Djurholm vinnumál, og Jógvan við Keldu fer at umsita nýggja aðalráðið, Innlendisráðið. Hvørki Jógvan við Keldu ella Jógvan á Lakjuni hava áður roynt seg í landsstýri, men báðir hava hollar royndir frá tingarbeiði – og Jógvan við Keldu hevur harumframt drúgvar roynd- ir í kommunalpolitikki í ein mansaldur. Hann hevur verið borgarstjóri í Klaks- vík í 16 ár. Jógvan á Lakjuni er 51 ára gamal og úr Fuglafirði. Hann er sonur Mariu og Jákup Oluf á Lakjuni og er giftur Odvør, sum er dóttir Herborg og Gunnar Gunn- arsson í Havn. Jógvan er útbúgvin lærari. Hann var sjómaður frá 1969-72 og fólkaskúlalærari frá 1977- 89 og lærari á Handils- skúlanum á Kambsdali síðani 1989. Hann hevur verið løg- tingsmaður síðan mai 1998. Hann sat sum varamaður á tingi í styttri og longri tíðarskeið frá 1989 til 1996. Jógvan við Keldu er 60 ára gamal. Hann er úr Klaksvík, sonur Giggu og Theodor við Keldu. Hann er giftur Betty, sum er dóttir Betty og Peter Skaale av Toftum. Hann er útbúgvgin innan skrivstovu- og handil frá 1961-64 hjá J. F. Kjøl- bro í Klaksvík. Jógvan hevur verið bý- ráðslimur í Klaksvík síðani 1971, býráðsformaður 1981-88 og aftur frá 1993- 2000. Hann hevur verið løgtingsmaður frá 1988-90 og aftur síðani 1998. Bjarni Djurholm er 46 ára gamal. Hann er úr Kollafirði, sonur Gündu og Niels Paula Djurholm. Hann er giftur Eydnu Djur- holm, f. Jacobsen. Bjarni Djurholm er út- búgving lærari. Hevur starvast sum lærari á Skúl- anum á Trøðni 1982-84 og á Tekniska Skúlanum í Havn frá 1984-96. Síðani 1996 hevur hann verið varaskúlastjóri á Eystur- skúlanum, higani hann hevur havt farloyvi síðani hann varð landsstýrismaður í august 2000. Johan fiskimálaráðharri og Bárður fíggjarmálaráðharri Jógvan, Bjarni og Jógvan í landsstýrið Olav Enomoto og Jaspur Vang á ting Jákup, Poul og Kjartan á ting Nýggju tingmenninir hjá Sambandsflokkinum eru Jaspur Vang av Tvøroyri og Olav Enomoto úr Vestmanna Mynd: Jens Kristian Vang Kartin Hansen, fráfarni fíggjarmálaráðharrin, ynskir nýggja mentamála- ráðharranum, Jógvani á Lakjuni, tillukku Mynd: Jens Kristian Vang Johan Dahl Bárður Nielsen Creamy mamman: Eg fari aftur at syngja Hon bleiv heimskend í Danmark fyri nøkrum árum síðani, tá hon saman við vinkonu síni Rebecca myndaði duettina Creamy. Á sumri í 2002 fór Creamy í søguna, og fyri trimum mánað- um síðani fekk Rannvá Joensen ein son. Men hon hevur framvegis ætlanir um at fara aftur at syngja og framføra SAMRØÐA Solby A. Eliasen solby@sosialurin.fo Rannvá Joensen er 18 ára gomul og júst vorðin mamma til ein fittan drong, sum eitur Victor. Hann varð føddur tann 30. november í fjør, og Rannvá gongur nú heima og hugnar sær saman við soninum. Hon hevur ikki sungið nakað serligt síðani tær seinastu kon- sertirnar við Creamy, sum vóru á sumri í 2002. Men Rannvá hevur kortini ikki slept tónleikin- um heilt. Henni dámar framvegis líka væl at syngja, men hon tekur tað bara róligt fyri tíðina. Hon veit ikki, nær hon fer aftur í holt við tónleikin, men tann stóri dreymurin hjá henni er at geva eina jazz fløgu út. – Tað kann fara at verað um eitt ár, og tað kann eis- ini verða, tá eg eri fylt 30 ár, sigur songkvinnan, sum býr hjá foreldrunum hjá sær í Aalborg. Bíðistøða Rannvá sigur, at henni dám- ar sera væl at framføra og syngja, men hon kann sigast at vera í eini bíðistøðu nú. Tí hugurin til sang og fram- førslur er har enn, men ikki nóg góður til, at hon veru- liga ger nakað við tað. Henni hevur altíð dámt væl at framføra og syngja, men tað, sum kom í kjalar- vørrinum av Creamy og at blíva kend, var minni gott, heldur hon. – Tá fólk kenna teg aftur, mást tú altíð vera tilreiðar við einum smíli ella einum autografi, og tað kann vera troyttandi ikki at kunna ganga á gøtuni uttan at vera steðgað, sigur hon. Hóast hetta, so hevur Rannvá ætlanir um at byrja aftur at syngja, hon veit bara ikki, nær tað verður. Hon hevur góðar stundir og dámar væl at ganga heima og hugna sær við soninum. Hon sigur, at tað var ein stór broyting í lívinum at gerast mamma, men hon hevur fingið nógva og góða hjálp frá mammu síni. – Eg fari aftur á pallin,tá stundin er til tað. Tað er ikki nakað, sum eg hugsi um til dagligt. Eg bíði bara til hug- urin til tað kemur aftur av álvara, og so fari eg í gongd aftur. Eg veit, at eg fari at tíma aftur, sigur føroyski songfuglurin í Aalborg púra avgjørd á málinum. Vinkonur Hin helvtin av Creamy, Rebecca býr í Hirtshals, og tær báðar síggjast ikki so nógv fyri tíðina. Tær hava hvør sítt lív. Rannvá við sínum barni í Aalborg, og Rebecca á einum skrædd- araskúla í Hirtshals. Re- becca hevur ætlanir um at gerast sniðgevi, og Rannvá hevur ikki enn tikið støðu til, hvat hon ætlar sær, tá Victor er blivin størri. – Vit síggjast ikki so nógv longur, men tá vit so síggjast, so hava vit altíð nógv at práta um. Vit eru framvegis vinkonur, greiðir Rannvá frá. Tað er áleið ein tími ímillum tær báðar at koyra, og tað ger ivaleyst sítt til, at tær ikki síggjast so ofta. Hatta var tað Creamy kom flúgvandi inn á danska marknaðin í 1999, tá tær góvu út fløguna Æblemand. Árið eftir kom so enska fløgan We got the time og í 2001 góvu tær út eina jólafløgu. Umframt út- gávurnar hildu tær nógvar konsertir, og tað var ein strævin, men stuttlig og spennandi tíð, minnist Rannvá aftur á. Tað vóru boð eftir gent- unum allastaðni, og fløgur- nar gingu sum heitt breyð. Men á sumri í 2002 høvdu tey øll fingið nóg mikið. Tey hittust øll til eitt prát, um hvat tey skuldu gera framyvir. Rannvá greiðir frá, at tey vóru samd um, at hatta var tað, og at Creamy skuldi fara í søguna. – Tað vóru sjálvandi nógv børn og ung, sum eft- irlýstu okkum og vóru hørm, men hatta vóru vit samdar um, var tað rætta at gera, sigur Rannvá, sum als ikki letur til at hava angrað avgerðina eina løtu. Aftaná fór Rannvá á eft- irskúla í eitt ár, síðani ar- beiddi hon sum húshjálp í eina tíð. – Og so var eg eisini við barn, so nógv er hent hetta hálva annað árið, og eg havi ikki havt stundir at hugsa um, um eg angri tað ella ikki. Eg sakni tað ikki so nógv, men tó sakni eg at framføra, viðgongur unga mamman. Til Føroyar Rannvá hevur júst verið í Føroyum og vitjað. Elsti beiggi hennara, Sámal, er júst fluttur aftur til Føroya at búgva, so hon og Victor fóru at vitja hann. – Eg eri sera tætt knýtt at mínum trimum beiggjum, og eg vildi sleppa at vitja hann. Og so sjálvandi at vísa Vict- or fram fyri familjuni í Før- oyum, greiðir Rannvá frá. Hon hevur sjálv ikki búð í Føroyum, síðani hon var fýra ára gomul, men hóast tað tosar hon avbera væl før- oyskt. Tey tosa føroyskt í heiminum, men uttanfyri heimið tosar Rannvá bert danskt. Hon sigur, at hon kundi hugsað sær at komið til Føroyar at búð í eina tíð. – Serliga aftaná at eg fekk Victor er hugurin og tørvur- in til at vera saman við fam- iljuni í Føroyum voksin nógv, so tað kann væl verða, at eg flyti heim í eina tíð, sigur Rannvá Joensen. – Eg njóti tíðina, sum eg havi saman við Victor. Og eg bíði tolin til hugurin at syngja og framføra av álvara kemur aftur. Tí tað veit eg, at hann ger, sigur Rannvá Joensen, sum bleiv kend í Danmark sum onnur helvtin av duettini Creamy C M Y K 3 2