fríggjadagur 22. juli 2011síða 9

9 Fríggjadagur 22. juli 2011 · Nr. 84 Sosialurin Nøvn Solgerd er fødd við Toftir í Hvalba, seinri flutti familjan á Heyggj, har Solgerd er upp­vaksin og hevur slitið sínar barnaskógvar. For­eldr­ini vóru Kristina og Jens Eysturberg. Solgerd er triðelst av seks systkjum. Solgerd fór til Havnar 17 ára gomul, arbeiddi í saltfiski á Bacalao, og seinri fór hon at verða húshjálp hjá Hannu og Óla Kristian Skála í Skálabúðini, har hon giftist út frá í 1966, við Høgna Hansen, sonur Atlantu og Jens Hjørleif í Stoffalág. Hanna pyntaði hana brúður, og tað er Solgerd sera stolt av. Solgerd og Høgni hava livað saman í hjúnabandi í 45 ár í ár. Hjartaliga tillukku tit bæði. Og er tað eisini gjøgnum trúð­ skap til okkum øll í familjuni Skála, at vit báðar hava knýtt so sera góð vinarbond. Í sjeyti árinum vóru vit báðar títt og ofta saman við øðrum, úti serveraðu til stór­ar veitslur, rundar føð­ing­ar­dagar og brúdleypir, eina tíð á Hotel Hafnia, ein góð tíð. Vit báðar hava eisini búð í sama grannalagi. Vit í Dr. Jacobsensgøtu og tit í Trøndar­gøtu. Tá komu vit nógv til hvørja aðra, seinri fluttu tit í tykkara nýggja heim á Konmansmýru. Okkara góði gamli bindi­klubbur ið skjótt rundar 40 ár, hava ferðast nógv frá Sandi til Aberdeen. Búðu á Brend Wood Hotel, runnu runt á danskari jørð, búðu á 9 små hjem, áh teir góðu túrar. Solgerd er røsk til hend­urnar, hev­ur bundi troyggjur, húgvur og heitar hosur. Altíð er tú hjálpsom, gávu­mild og blíð. Hjartalag so gott sum fáur. Gongur runt og hjálpur øllum. Hevur ofta fult hús av vinum og kenn­ingum, har sum hjartarúm er, er eisini húsarúm. Tað kann so sigast um teg góða Solgerd, tú er ein megn­ar kvinna, tað skal tú eiga frá mær. Solgerd hevur verið so sera trúðføst, tá ið serligir merkisdagar hava verið hjá mínum systkjum og foreldr­um, Hon hevur altíð verið klár við einari hjálpandi hond. Tá hon var á sjúkrarhotellinum við sínum manni, var eg við mínum sjúka beiggja, tá var hon ein hollur stuðul fyri meg og gjørdi tungar dagar lættar. Eg sigi tær hjartaliga tøkk fyri alt góða Solgerd. Børnini eru 5 í tali. Heðin býr í Havn, Jens Hjørleif og Sylvia búgva í Hoyvík, Anna Kirstin og Heidi búgva í Danmark. Solgerd hevur frá børnini vóru smá, lært tey at luttaka í øllum arbeiði, so tey hava haft nemt at koma út í lívið at tikið fætt. Solgerd hevur verði heima og fjálga um síni børn. Ommubørnini eru 8 í tali. Helena, Silja, tvíburarnir Høgni og Helgi, Viktoria, Isabella, Arni og Naima. Tey eru sera heppin at eiga ommu, sum er so góð við tey. Solgerd var úti fyri at missa ommubarnið lítlu Lea, sum bert bleiv 3 ár. Hesin sangurin bleiv sungin til jarðar­ferðina. Hann kemur so ofta fram fyri meg. Gud hvønn ein smáfugl hevur skapt, hann føðir, varðar teir, menn elskar hann enn fuglarnar, meg elskar hann tó meir. Hann elskar meg, hann elskar meg, eg veit, hann elskar meg, hann elskar tann, sum lítil er, og so hann elskar meg. Solgerd eigur eina lang­ommu­dóttir, og ber hon navnið Lea. Góða Solgerd, hjartaliga tillukku og Harrans ríku signing, til tín og øll tíni, fyri dagin og komandi dagar. Marin Skála Solgerd Hansen 65 ár Sunnudagin 24. juli fyllir mín góða vinkona Solgerd Hansen 65 ár Randi Jacobsen Fyri tveimum vikum síðan hevði Sosialurin myndir av nøkrum føroyskum børnum, avmyndað í 1965 á ólavsøku. Eitt norskt ferðalag tók myndirnar, og ein í ferða­ lagnum hevur júst verið í Før­oyum og helt tað vera stutt­ligt at fáa at vita, hvørji børn­ini vóru. Gentan á myndini eitur Guðrun Dal Poulsen. Hon var seks ára gomul, tá ið myndin varð tikin. Dreingirnir eru synirnir hjá Julionnu Didriksen í Havn, Andreassen-beiggj­ar­ nir. Teir eru Kjartan (55 ár), Jón Magnus (53 ár), Árni og Marner (52 ár), Jóan Petur (47) og Dan Ingi (46 ár), sum var so lítil, at hann lá í barna­ vogni og ikki kom við á myndina. randi@sosialurin.fo Beiggjarnir hjá Julionnu Børnini, sum avmyndað vórðu á ólavsøku 1965, og sum myndir vóru av í Sosialinum herfyri, eru øll kend aftur Sunnvard Andreasen fekk prógv sum Bygnings­ konstruktør í januar 2011. Gerda Joensen fekk prógv sum Professions­ bachelor som Pædagog í juni 2011. Bæði hava gingið á VIA University College í Horsens. Prógv Føðingar 12. juli fekk Brestir ein lítla beiggja. Hann var 53 cm langur og vigaði 4000 g. Foreldrini eru Anna Elisabeth og Sámal Jákup Gøte, av Nesi (Eysturoy). 1. juni fingu Durita og Bergur Rask Olsen, Keypmannahavn, eina dóttur. Hon var 52 cm long og vigaði 3955 gr. 12. juli fingu Annika og Jón Eli Ole- Jacobsen úr Miðvági ein son. Hann vigaði 3.810 g og var 53 cm langur. 15. juli fingu Turid og Sakaris Frederiksen, Hoyvík, eina dóttur. Hon var 54 cm long og vigaði 4525 gr.