fríggjadagur 22. juli 2011síða 47

Sosialurin nr. 84 · 22. juli 2011 15 Starv: Havi júst tikið MA í bókmentafrøði Yndisbók: Havi nógvar, millum aðrar Alheimsins einglar, Søguna um bláa knøttin, Don Quijote, Móðir sjeystjørna og Njáls søga. Mær dámar eisini væl alskyns matbøkur. Vánaligasta bók: Ótrúliga ringt at nevna eina. Kanska Shopaholic? Hvat er ein góð bók (hvørju kriteriu skal hon uppfylla?) Ein góð bók er vælskrivað. Hon megnar at hugfanga lesaran og varðveita hann inni í hennara universi. Harumframt dámar mær væl bøkur, sum eru upplýsandi og hava ein skilvísan boðskap. Nær og hvar dámar tær best at lesa: Tað kann vera nær sum helst og hvar sum helst. bókabrell lagt til rættis: Eydna Skaale Sanna Andrassar­ dóttir Dahl Søgan um bláa knøttin Høvundur: Andri Snær Magnason Forlag: Bókadeild Føroya Lærarafelags Ár: 2001 (1999) Hvat snýr bókin seg um: Bókin byrjar sum ein utopisk frásøgn á einari bláari planet. Har liva bert børn, og har eru eingi vaksin at órógva. Soleiðis liva tey í samljóði og gleði, inntil ein vaksin maður stígur á planetina. Tá byrjar dystopiska tíðarskeiðið á planetini: børnini læra at misnýta hvørt annað og náttúruna. Bókin kann m.a. lesast sum ein allegori upp á vesturheimin vs. triðja heimin. Bókin er spennandi, og so eru myndirnar serstakliga sterkar, flottar og litríkar. Hví skal hendan bókin lesast? Eg elski barnabøkur. Tær kunnu hava ein greiðan og einfaldan boðskap uttan at vera klisjefullar og moraliserandi mótsett øðrum genrum. Barnabøkur hava eina serstøðu. Tær eru oftast skrivaðar í tveimum løgum, eitt sum talar til barnið, og eitt, sum talar til tann vaksna. Lesarin fyllir sjálvur í tey listarligu tómrúmini, alt eftir aldri, upplivingum og royndum. Hendan bókin hevur sanniliga nakað at bjóða øllum lesarum. Tey yngru hava møguleika at droyma seg burtur í annan heim, og tey eldru kunnu grunda yvir, hvørjar fyrimyndirnar kunnu vera aftan fyri vaksna mannin, og hvat boðskapurin man vera. Hvør skal lesa hesa bókina: Øll Hvør skal ikki lesa hesa bókina: Øll áttu at lisið hana – ung sum gomul. Drømmelandet. Selvhjælpsbog for en ængstelig nation Høvundur: Andri Snær Magnason Forlag: Tiderne Skifter Ár: 2009 (2006) Hvat snýr bókin seg um: Hon snýr um Ísland her og nú. Dreymalandið lýsir eitt samfelag, sum stendur við eina krossgøtu. Skal tann vakra og óspilta náttúran varðveitast, ella hvussu langt skal menniskjan fara fyri at vinna meira orku úr td. aluminiumsverkum. Magnason leitar víða, eitt nú til Okinawa og til Jamaika til samanburðar, og hann verður alsamt meira harðrendur og didaktiskur, jú longur tú lesur. Sera spennandi, órógvandi og tiltrongd bók. Hví skal hendan bókin lesast? Eg eri ógvuliga hugtikin av økokritikki. Tað er ein relativt nýggjur kritiskur skúli, sum granskar sambandið millum bókmentir og tað fysiska umhvørvið. Økokritikkur flytur fokusið frá tí innara til tað uttara. Hann hevur eina jarðarsentreraða tilgongd til bókmentirnar, og tí setur hann fokus á menniskjans samband við náttúruna, og at menniskjað má steðga síni áleypandi atferð móti náttúruni. Hetta er júst tað, Dreymalandið viðger. Hvør skal lesa hesa bókina: Henda týdningarmikla bók átti at verið á lesilistanum hjá einum og hvørjum. Hvør skal ikki lesa hesa bókina: Tað er eingin, sum ikki hevði havt gott av at lisið hesa bókina. Alheimsins einglar Høvundur: Einar Már Guðmundson Forlag: Mentunargrunnur Studentafelagsins Ár: 1996 (1993) Hvat snýr bókin seg um: Vit fylgja høvuðspersóninum, Pálli, ígjøgnum gott og ringt. Bókin er eitt slag av sjálvbiografi. Páll fortelur um sítt lív, bæði áðrenn hann er føddur, og eftir at hann er deyður - tá hann er vorðin eingil. Hesin syndraði frásøgumaðurin avspeglar eisini Pállsa skisofreni, og bókin er júst um dualismuna millum eitt ”normalt” samfelag og hini; tey ”øðrvísi og uttanfyri”. Hví skal hendan bókin lesast? Bókin er vakurt og væl skrivað. Hon er ótrúliga syrgi­lig, men eisini stuttlig, og vendir øllum á høvdið. Er tað Páll ella sam­felagið, sum er sjúkt? Einar Már segði soleiðis um Inferno eftir Strindberg: “værket viste mig helt tydeligt, at digtningen kan give et bedre indblik i sygdomme og fantasier end fagskrifter eller individuelle erfaringsbeskrivelser.” Tað sama kann sigast um Alheimsins einglar, har lesarin ígjøgnum Páll upplivir, hvussu lívið kann síggja út hjá einum sinnisveikum. Einar Már skrivar sympatiskt, syrgiligt, men samstundis vakurt og skemtiligt. Fantastisk bók, sum eg havi lisið fleiri ferðir. Eg síggi okkurt nýtt hvørja ferð, tí hon er á tremur við intertekstualiteti. Hvør skal lesa hesa bókina: Tey, sum eru hugað at lesa um mannalagnur, sum eru flættaðar inn í søguligt og sosialt høpi. Hvør skal ikki lesa hesa bókina: ,Tey, sum ikki tíma at lesa kensluligar bøkur um syrgiligar menniskjalagnur. CHILL OUT WITH A COLD ONE NÝTT! SOFT ICE Við sós: 9 kr. 7 kr.