mánadagur 25. juli 2011síða 14

Mánadagur 25. juli 2011 · Nr. 85 14 Sosialurin Ítróttarblaðið Hilmar Jan Hansen Nú farið verður undir síðstu 14 umførini í Vodafodedeildini, er B36 oddaliðið, hini skulu jagstra. Eftir kappingarárini 2009 og 2010, har lítið og einki riggaði, hevur tað í ár gingið sum fótur í hosu hjá B36, sum síðani fimta umfar hevur verið fremst – og enn ikki hevur tapt í landskappingini. – Vit eru øgiliga væl nøgdir við, hvussu tað hevur gingist, og eingin av okkum hevði væntað, at tað fór at eydnast so væl. Alt tað, sum vit sjálvir hava ávirkan á, er eydnast, og serliga fegnir eru vit um, at vit hava funnið eina so góða rútmu, hóast útskiftingarnar hava verið stórar í hópinum, sigur Mikkjal Thomassen, sum saman við John Petersen er venjari hjá B36. Nú kappingin heldur fram eftir summarsteðgin, er B36 á odda við 31 stigum, sum er tvey fleiri enn Víkingur og fimm fleiri enn EB/ Streymur. NSÍ, sum leingi fylgdi við B36, er átta stig aftanfyri. – Eg haldi, at restin av landskappingini sær øgiliga spennandi út. Sjálvt um kappingin er brotnað í helvt, so fýra lið líkasum mynda toppin, kunnu øll taka stig frá øllum. Burtursæð frá B71, so hava øll liðini higartil verið javntsterk, heldur B36-venjarin. – At vit eru oddalið, kann vera slítandi, um fólk og tíðliga fara at tosa um meistaraheiti og sovorðið. Hjá okkum ræður um at halda fokus í seinnu hálvu, tí meistaraheitið verður altso ikki avgjørt fyrr enn í oktober, so vit kunnu bara halda fram við at arbeiða við tí, vit hava ávirkan á. hilmarjan@sosialurin.fo Hilmar Jan Hansen Ofta er tað tungt at koma upp sum uppflytari, men soleiðis hevur tað ikki akkurát sæð út hjá KÍ, sum alt kappingarárið higartil hevur megnað at hildið sær í ovaru hálvuni av stigatalvuni. Ikki minst, tí fleiri av fyrstu úrslitunum vóru góð. – Tað hevur verið í lagi hjá okkum higartil, men vit kunnu iðra okkum um, at vit fyri tað nógva hava mist stig, tí vit hava gjørt mistøkini og annars ikki enn hava allar tær royndirnar, sum skulu til, sigur venjarin hjá KÍ, Aleksandar Djordjevic. – Klára vit at avmarka mistøkini og vísa, at vit hava lært nakað av fyrru hálvu, síggi eg ljóst upp á teir dystirnar, sum eru eftir. Fáa vit marginalarnar í okkara part, koma vit at fáa nógv stig aftrat. Aleksandar leggur tó dent á, at í KÍ hava teir góðar stundir, tí við hesi ungu manningini er uppgávan fyrst og fremst at stabiliserað liðið og at varðveita plássið í bestu deildini, tí tíðin hjá hesum spælarunum skal nokk koma. – Hjá okkum ræður um at byggja eitt lið upp, men vit hava góða tíð til tað. Um tvey ár eru vit í toppinum, tí eg rokni ikki við, at tað fer at taka longur tíð hjá okkum við tí fólkinum, vit hava, sigur KÍ- venjarin. – Eg havi til hvørja venjing 25 hugagóðar spælarar, sum eg síggi eina framtíð í, og tað vænti eg ikki, at nógvir aðrir venjarar kunnu breggja sær av at hava. hilmarjan@sosialurin.fo Eingin væntaði hetta Fótbóltur – Eingin av okkum hevði væntað, at tað fór at eydnast so væl, sigur B36- venjarin, Mikkjal Thomassen, um kappingarárið hjá oddaliðnum higartil Vit hava góða tíð Fótbóltur – Hjá okkum ræður um at byggja eitt lið upp, men vit hava góða tíð til tað. Um tvey ár eru vit í toppinum, sigur bjartskygdi KÍ-venjarin, Aleksandar Djordjevic B36 Tilgongd: Atli Danielsen Mahmud Suleiman Frágongd: Rúnar í Lon Jacobsen KÍ Tilgongd: Steffan Kalsø Leon Bjartalíð Monrad H. Jacobsen Frágongd: John Hammer