mánadagur 25. juli 2011síða 15

15 Mánadagur 25. juli 2011 · Nr. 85 Sosialurin Ítróttarblaðið Hilmar Jan Hansen Seinnu árini hevur EB/Streymur verið eitt lið, ið gjarna hevur staðið seg betur og betur, sum tað er liðið út á kappingina. Og í summarsteðginum hevur liðið í Europa League víst, at roknast kann við onkrum, tí tað var altso um reppið, at tað eydnaðist at spæla seg víðari í Europa. – Nú vit fara í gongd aftur, møta vit Víkingi, ið er framman fyri okkum, og síðani spæla vit fyrst landskappingardyst og síðani eisini steypafinalu ímóti ÍF, sigur Heðin Askham, venjari hjá EB/Streymi. – Bara fyri at kunna fylgja við, eru vit noyddir at fáa stig frá Víkingi, so tí ber til at siga, at næstu dystirnir hjá okkum allir eru sum ein finala. Fyrst og fremst fara vit eftir steypafinaluni og mugu síðani taka restina, sum tað kemur. Í steðginum hevur EB/Streymur fingið ein málverja aftrat, sum er Jóan Pauli Dahl Jakobsen, og einasti spælari, sum er farin, er Bárður Olsen, ið skal hjálpa AB at koma uppaftur í bestu deildina. Sostatt er ikki nógv broytt hjá sundalagsmonnum, nú kappingin byrjar aftur. – Higartil hevur B36 verið flúgvandi í kappingini. Tað verður torført at fylgja teimum, men tað ætla vit so at gera, sigur venjarin hjá EB/Streymi, sum á triðja plássi er fimm stig aftan fyri oddaliðið, nú kappingin heldur fram eftir summarsteðgin. hilmarjan@sosialurin.fo Hilmar Jan Hansen Einasta av hinum liðunum, ið hevur megnað at fylgt við oddaliðnum, B36, hevur verið Víkingur, sum á stigatalvuni bara er tvey stig aftanfyri. – Ja, vit eru í løtuni nummar tvey, og nú kappingin fer í gongd aftur, taka vit tað haðani. Fyrru kappingarhálvu hava vit leverað, men kunnu einki gera við, at eitt annað lið hevur verið uppaftur betri, sigur venjarin hjá Víkingi, Jógvan Martin Olsen. – Okkara lið hevur klárað seg væl, men B36 hevur bara verið heilt framúr. Men vit fara við góðum treysti undir restina av kappingini og vóna, at tað fer at gangast líka væl. Meðan tey flestu av hinum liðunum bæði hava fingið og mist fólk í summarsteðginum, hevur Víkingur ongan mann mist úr hópinum, men hinvegin hevur fingið Andreas Lava Olsen aftur, eftir at hann hevur roynt seg í donskum fótbólti í hálvtannað ár. – Tað vísir seg, at Andreas er væl fyri, og tá er hann ein spælari, ið gevur okkum fleiri álopskendar møguleikar aftrat, sigur Jógvan Martin, ið eisini kann frøast um, at ein annar álopsspælari er klárur aftur. – Páll Klettskarð, sum var skaddur alla fyrru hálvu, hevur nú vant í ein mánað við fullari ferð, so við fólki sær bara gott út hjá okkum. hilmarjan@sosialurin.fo Hava leverað higartil Fótbóltur – Fyrru kappingarhálvu hava vit leverað, men kunnu einki gera við, at eitt annað lið hevur verið uppaftur betri, sigur Jógvan Martin Olsen, venjari hjá Víkingi Hvør dystur ein finala Fótbóltur Eftir tveir europeiskar dystir, ið mundu endað sum eitt ævintýr, fer EB/ Streymur fyrst eftir steypakappingini og roynir at halda standa í landskappingini EB/STREYMUR Tilgongd: Jóan Pauli Dahl Jakobsen Frágongd: Bárður Olsen Víkingur Tilgongd: Andreas Lava Olsen Frágongd: eingin