hósdagur 5. februar 2004síða 6

10 Nr. 24 - 5. februar 2004 Nr. 24 - 5. februar 2004 11 Í takkarrøðu síni eftir løgmansvalið seinasta týs- dag legði Jóannes Eidesgaard stóran dent á breiða samstarvið og breiðar semjur. Hetta er sera skila- gott og hetta er positivt. Ein tann størsti veikleikin hjá fráfarandi samgongu var, at hon hevði so smalt mandat. Eitt smalt mandat er sjálvandi í principp- inum eins legalt og eitt breitt mandat, ein meiriluti er jú ein meiriluti, og í fólkaræðinumm ræður meirilutin sum kunnugt. Hinvegin má ásannast, at har talan er um stórar og lagnutungar avgerðir, avgerðir, ið fara at fáa víttrøkkandi fylgjur fyri land og fólk, er smala mandatið ein vansi. Í slíkum førum er best fyri allar partar, at landsstýrið hevur eitt breitt mandat, at eitt landsstýri hveur ein breiða og haldgóðan meiriluta aftan fyri seg. Eingin einstakar tingmaður ella smáflokkur eigur at kunna taka eitt samlað landsstýri sum gíssla undir slíkum umstøðum. Hartil kemur, at tað hevur almennan týdning, at víttrøkkandi avgerðir hava breiða undirtøku í fólkinum. Tað var jú vanlukkan við fullveldisleiðini, at hon ikki hevði breiða fólkslig undirtøku. Tann samgongu, sum júst er komin til valdið, skal taka stórar og tungar avgerðir. Løgting og lands- stýri skulu finna eina breiða tjóðskaparliga semju um framtíðar viðurskifti okkara við Danmark. Henda semja skal í meginregluni vera í samsvar við Tvøroyararskjalið, um Fólkaflokkurin skal kunna liva við henni. Men henda semja skal eisini vera so mikið mýkt, at veljarar Javnaðarflokksins fyri ikki um at tala veljarar Sambandsflokksins skulu kunna góðtaka hana. Hetta verður fyrsta stóra forðingin á vegnum hja nýggju samgonguni. Kunnu flokkarnir finna eina loysn, sum lýkur krøvini hjá øllum trimum landsstýrisflokkum og helst Sjálvstýrisflokkinum við, so eru útlitini fyri, at landsstýrið situr tíðina út, góð. Men har eru aðrir snávingarsteinar á vegnum. Skattalógaruppskotið hjá sambandsflokkinum hevur skapt stór misnøgd og órógv millum lág- lønarbólkar. Vit loyva okkum at mæla lands- stýrinum til at rudda upp í hesum hurlivasa sum skjótast, og støðga kavabóltinum, áðrenn hann fer á rull. Tað skal ikki tað stóra politiska kynstrið til at greiða hesa skattapoltitisku kisuna, so her er bara at fara til verka sum skjótast. Annar snáving- arsteinurin er pensionsmálið. Uppleggið er frálíkt og heilt í tráð við teir tankar, sum eru frammi um øll Norðurlond. Kunnu flokkarnir semjast um ein hóskandi leist, so er nógv vunnið. Eisini á hesum øki eigur at vera roynt eftir breiðum semjum t.v.s. út um sitandi samgonguflokkar, tí tann loysnin, sum kemur, verður galdandi fyri eitt langt tíðar- skeið fram. Vit venda aftur til røðu løgmans í eini seinni oddagrein. DAGSINS MEINING Sosialurin Breiða semjan VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Finnbjørg Nattestad finnbjorg@sosialurin.fo Durita Simonsen durita@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Heri á Rógvi heri@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Dagfinn Olsen dagfinn@sosialurin.fo Magnus Gunnarsson maggi@sosialurin.fo Páll Holm Johannesen pall@sosialurin.fo Heini í Skorini heini@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 228909 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Niklái Petersen tjóðveldismaður Í valsendingini í SVF týs- dagin 6. januar - hvar val- evnir fyri Norðurstreym- oyar valdømi luttóku - førdi undirritaði fram, at uppskot sambandsfloksins um skattalættar kom at kosta landskassanum minst 328 mió.kr., og kom als ikki teimum lægstløntu til góð- ar. Hetta afturvísti Bárður Nielsen uppá tað harðasta, og segði millum annað, at skattalættin als ikki kom at kosta 328 mió.kr. og so langt frá tí. Hesi vóru orð- ini hjá nývalda fíggjar- málaráðharranum. Hetta kann lurtast eftir í banda- savninum hjá SVF, um nak- ar hevur áhuga í tí. Somuleiðis er komið undan kavi, at kommunur- nar fáa eina væl minni skattainntøku, tøl um 53 mió.kr. eru nevnd, eftir at fólk á Toll og Skattstovu Føroya hava hugt uppskotið leystliga ígjøgnum. Undir valstríðnum førdi Bárður Nielsen ferð eftir ferð á valfundum fram, at tann sokallaði skattare- formurin hjá sambands- flokkinum kom teimum lágløntu tilgóðar. Vit hoyra nú í fjølmiðlunum at hetta er ikki so, og nú ásannar komandi fíggjarmálaráð- harrin alment, at tað verða tær góðu inntøkurnar, sum fá størsta skattalættan í krónum og oyrum, um skattalættin verður framd- ur, soleiðis sum ABC - samgongan hevur sett sær fyri. Við øðrum orðum verður gjógvin djúpari og djúpari millum tey lágløntu og so hini, um hesin leisturin verður fylgdur. Gamalt hevur verið í Føroyum, at man letur tær sterkastu herðarnar, taka tað tyngsta takið, men her sær út til at vera vent í hol- uni nú ABC - samgongan slapp framat. Javnaðarflokkurin hevur altíð sagt seg vera fyri samhaldsfesti - verja tey lægstløntu og veiku í sam- felagnum - teir hava kanska selt seg fyri mammon ? Vónið ikki, at hetta verð- ur framt í verki á tann hátt, sum nývaldi fíggjarmála- ráðharrin hevur verið tals- maður fyri. Kundi verið áhugavert, at vita frá fíggjarmálaráð- harranum hvussu skatta- reformurin skal fíggjast, samstundis sum sosialir batar skulu fremjast. Annars fari eg at ynskja nývalda løgtinginum og landstýrinum góðan byr framyvir. Nicolina Jensen Beder Sjóstúkan hin síða hvønn halgidag man prýða og fríðka abba tín; ikki prýður abba mín kotið gamla víða. Hans A. Djurhuus. Heitið kot á føroyskum hevur bert verið nýtt til eitt ávíst plagg, sermerkt av tilfari og útsjónd. Væl varð farið um, tá ið ull skuldi fáast til vega til kotavadmal, sjálvt í bóndans garði kundi tað henda, at tey máttu hava fleiri áseyðaroytingar, fyri at fáa nóg nógv av svartari ull, hetta valdaðist sjálvsagt um, hvussu nógvan svartan seyð, tey høvdu. Havi hoyrt, at tey á bóndagarðinum »Á Hellu« í Kvívík høvdu væl av svørtum seyði, júst við kotavadmalinum fyri eyga. Hans, bóndi, segði, at um ein skuldi velja sær lamb við svartari ull, skuldu end- arnir á ullini vera reyðlittir, tá gránaði ullin ikki so illa. Kona Hans, Bina, var ófør til hendurnar, vav bæði kota- og buksuvadmal. Tað má hava verið hugaligt hjá bóndafólkunum, tá ið tey vóru felags um áhugan fyri besta tilfari. Mamma mín, Súsanna, bóndadóttur úr Lamba, segði mær, at so væl skuldi ullin nappast til kotavadmal, at tá ið hon helt seg vera lidna at nappa, lat hon ullina liggja náttina yvir, fyri at taka hana aftur morgunin eftir og halda hana upp ímóti ljósinum, fyri at hyggja eftir brodda- hárum. Tíðirnar broyttust, og kotini vóru vovin úr tí tilfari, ein kundi keypa frá spunavirkjunum. Hóast hetta kundu vit kalla tað fyri kot. Frá einans at hava verið vovið, varð nú farið bæði at binda og tøva og samstundis kalla tað fyri kot. Hetta haldi eg vera stórt spell. Vit hava nøkur føroysk heiti, sum vísa á nakað heilt sermerkt, sum vit eiga at verja. Verður funnið uppá nakað nýtt sum tildømis við kotinum sum íblástur, eigur viðkom- andi plagg at hava egið heiti. Tað, sum fekk meg at taka pennin í hond, var lýsingin í Dimmu 27. jan. »Jósef og ótrúliga litfagra dreymakotið.« Har verður greitt frá, at sangleikurin er bíbilskur og snýr seg um Jósef, sum av brøðrunum verður seldur til Egypta- land. Víðari verður greitt frá, at ósemjan millum brøðurnar stóðst av, at páp- in gjørdi mismun teirra millum og Jósef, við at geva Jósefi eitt ótrúliga fagurlitt kot, meðan teir noyddust at ganga í seyða- skinnum. Skal sangleikurin eitast at vera bíbilskur, var tað løgið, at lata Jósef í kot og brøðurnar í skinn. Í Bíbli- uni stendur: Mós. 37,3. Og Ísrael unti Jósef fram um allar synir sínar, av tí at hann var ellissonur hans; og hann læt gera honum ein síðan ermakyrtil. – Kyrtil, hálv sýtt, leyst og vítt klædnaplagg, – ofta við belti – til menn og kvinnur. Tað einasta, vit kunnu siga út frá hesi upplýsing, er at brøðurnir bert áttu stuttan kyrtil og helst ermaleysar, tá nú ermarnar verða nevndar. Jósef hevði heldur ongan dreym um nakað kot. Mós. 37,6. »Hoyri nú henda dreym, sum meg hevur droymt! Sí, vit fing- ust við at binda bundi úti á akrinum, og sí, tá reis bundi mítt og stóð beint upp; meðan bundi tykkara stóðu kringum og lútaðu mínum bundi.« Henda lýsing minnir meg um, einaferð ein ommuson- ur hevði verið í sunnudags- skúla, og eg spurdi hann, tá ið hann kom heim aftur, hvat hann hevði hoyrt: Jú, segði hann, vit hoyrdu um Nóa, tá ið hann sendi eina kráku út at leita eftir blekki. Ommusonurin hevði ivaleyst býtt um í huga- heimi sínum, ravnin, við krákuna, og grøna olju- viðarblaðið við blekkið. Er nýggi landsstýrismaðurin í fíggjarmálum Bárður Nielsen sannorðaður? Kotið VIÐMERKINGAR Ásmundur Guðjónsson Samgonguskjalið millum A,B,C viðgerð gransking í fleiri støðum. Fleiri áhugaverdar vendingar í eru um gransking, sum eiga at verða viðgjørdar nærri. Tað er torført at at meta um, hvussu langt ein kann loyva sær at tulka samgonguskjalið. Men givið er tó, at tað er væl tugt ígjøgnum av fleiri politikkarum, og tað sum har stendur, er ikki komið av tilvild, men rættiliga medvitað. Granskingin verður nevnd í trimum støðum í samgonguskjalinum. Tað, sum er sermerkt er, at hetta bara er undir vinnupolitikkinum, mill- um annað har kappingar- føri verður viðgjørt, und- ir aling og til seinast und- ir orku. Brotið um Fiski- vinnupolitikk nevnir ikki gransking, men kanska er tað tí, at granskingin er nevnd undir vinnu- politikkinum? Men tað, sum er mest undrunar- vert, er, at granskingin er burtur í mentunarpoli- tikkinum. Setrið verður gott nokk umtalað í brot- inum um mentunarpoli- tikk, men bert sum ein útbúgvingarstovnur. Ein kann spyrja um ”Breiða semjan” hevur ætlanir um at leggja á ein heilt annan bógv viðvíkj- andi gransking og granskingarpolitikki. Samgonguskjalið kann tulkast tann vegin, at semja er um at raðfesta niður partar av gransk- ingini, sum gongur fyri seg á setrinum og rað- festa upp granskingina, sum gongur fyri seg í øðrum stovnum og er meira vinnurelaterað. Í øllum førum kann signal- virðið í samgonguskjal- inum skiljast soleiðis. Tíðin kemur at vísa, hvat hetta merkir í verki. Vinnupolitikkurin leggur upp til skapa fortreytir fyri vinnuna at mennast. Hetta skal mill- um annað gerast við at granska innan KT, gen- tøkni og lívtøkni. Har- umframt verður førleika- menning undirstrikað. Hóast hetta eru kendir setningar, ein hevur sæð fyrr, er tað framvegis líka aktuelt at satsa henda vegin! Trupulleikin er bara at fáa flosklarnar ítøkiliggjørdar og opera- tionellar. Hetta eydnaðist ikki undir seinastu sam- gongu, men nú hevur man enn ein tjans at gera nakað við hetta! Samgongan ætlar at ”skapa eitt felags gransk- ingarumhvørvi har vís- undi og vinnuáhugamál skapa nýggj virði”. Tað at skapa eitt felags granskingarumhvørvi ljóðar sera áhugavert. Vónandi snýr hetta seg ikki bara um gransk-ing- ina, sum vinnumálaráð- harrin ræður yvir, men um alla gransking. Tað verður spennandi at síggja, hvussu hesin tankin kemur at hátta sær í verki. Víðari verður sagt, at ”játtanirnar til gransking skulu samskipast”. Somuleiðis ein áhuga- verdur setningur og sipar til eitt evnið, sum hevur verið tjakað í gransking- arumhvørvi og aðra staðni. Samskipan av granskingarjáttanum eig- ur heldur ikki bert at fevna um vinnumálaráð- ið, men um alla gransk- ing. At samskipa játtanir- nar til gransking verður eitt megnartak. Her er nógv at taka hond í. Vit hava alt ov nógvar stovn- ar, sum fáast við gransk- ingarvirksemi. Hugt eig- ur at verða eftur um ikki samanleggingar og end- urskoðan hvat stovnarnir fáast við, kundi givið eina miðvísari og sterkari gransking. Sum dømi kann nevnast at vit hava einar 7 - 8 stovnar sum granska í lívfrøði. At skera hetta talið niður í helvt, uttan tó at skerja játtanirnar hevði givið møguleika til aðra gransking, sum ikki verður gjørd í dag. At samskipa leysu játt- anirnar til gransking er somuleiðis ein viðkom- andi og spennandi upp- gáva. Tað hevur fyrr ver- ið ró uppundir at fingið eitt tætt samstarv millum allar grunnarnar og kanska framtaksgrunnin eisini, soleiðis at hesin peningur verður satsaður miðvíst uppá førleika- menning og vinnufremj- andi tiltøk. Stórbroyting í Granskingini Regin Reinert hagfrøðingur, Gallup Fleiri veljarakanningar blivu gjørdar undan løg- tingsvalinum, og aftan á valið vóru ávisir flokkar, ið kanska vóru ónøgdir við, at úrslitið av valinum ikki bleiv júst so sum veljara- kanningarnar høvdu spátt, og sum hildu, at allar velj- arakanningarnar høvdu ávirka úrslitið av valinum. Serliga vóru tað umboð fyri Sambandsflokkin, sum hildu seg vera við sviðusoð og meintu, at veljarakann- ingarnar ávirkaðu úrslitið av valinum. Tað er umráðandi at halda fast við, at ein velj- arakanning vísir eina støðumynd av politiska vígvøllinum. Spurt verður, hvat ið veljarin ”ætlar” sær at velja á løgtingsvalinum. Eingin trygd er fyri, at tey fólk, sum spurd eru, ikki seinni broyta meining og síðani atkvøða fyri einum øðrum flokki, enn tí, ið tey hava sagt seg vilja atkvøða fyri í veljarakanning. Aðrastaðni er vanligt at gera exit-poll kanningar, har ið veljarin verður spurdur aftaná, at hann hevur valt, um hvat ið hann valdi. Exit-poll kanningar eiga í prinsippinum at geva eitt rætt úrslit av tí, at veljarin ikki seinni fær møguleika at broyta mein- ing. Tó eru altíð onnur viðurskifti, ið eisini gera seg galdandi, og tí kann ein heldur ikki rokna við, at exit-poll kanningar raka púra beint. Vanligt er, at kanningar- stovnar brúka exit-poll kanningar til at prógva at mannagongdirnar eru rætt- ar, tá ið kanningar verða gjørdar. Um exit-poll kann- ingarnar raka skeivt, fæst ein ábending um, at manna- gongdirnar í sambandi við veljarakanningar og markn- aðarkanningar yvirhøvur eiga at broytast. Val eru einastandi høvi hjá kanningarstovnum at kanna seg sjálvar fyri at vita, um úrslitini av meiningarkann- ingum og øðrum marknað- arkanningum eru á góðari leið. Í alt 5 veljarakanningar vórðu gjørdar undan valin- um (talva 1). Løgtingsval varð út- skrivað 5. des. 2003. Fyrsta veljarakanningin aftaná, at løgtingsval varð útskrivað, kom frá Gallup longu 16. des. Sum flestu veljara- kanningar, ið annars vórðu gjørdar, síðani løgtings- valið í 2002, vísti hendan kanningin risastóra fram- gongd til Sambands- flokkin. Á valinum í 2002 fekk Sambandsflokkurin 26,0% av atkvøðunum, nú stóð hann til at fáa 29,7% av atkvøðunum. Veljara- kanningin í desember skuldi vísa seg at geva Sambandsflokkinum heili 6,0% meira, enn flokkurin fekk á sjálvum valinum 20/1. Tjóðveldisflokkurin stóð í desember til at fáa 19,4% av atkvøðunum ella 2,3% færri atkvøður, enn hann seinni fekk á valinum. Veljarakanningin, sum Gallup kunngjørdi saman við Dimmalætting og SvF 15/10 vísti, at nú stóð Sam- bandsflokkurin bert til at fáa 27,0% av atkvøðunum - ein afturgongd uppá 2,5% í mun til kanningina hjá Gallup í desember. Tjóð- veldisflokkurin sá út til at hava vunnið nakað av tí mista. Tjóðveldisflokkurin stóð nú til 20,2%, ein fram- gongd uppá 0,8% í mun til kanningina í desember. Sama dag sum næsta kanningin hjá Gallup kom, 15/1, kunngjørdi Fynd eina veljarakanning. Henda kanningin gav Sambands- flokkinum nógv betur úrslit enn Gallup-kanningin. 29,0% í mun til tey 27,2%, sum Gallup-kanningin vísti. Kanningin hjá Fynd gav ongar ábendingar um, at valstríðið hjá Sambands- flokkinum kanska ikki hepnaðist nakað serligt - tvørtúrímóti gav kanningin eina framgongd uppá 0,5% í mun til kanningina, sum Fynd almannakunngjørdi 11/1. Gallup kunngjørdi sein- astu kanningina undan valinum 18/1 í útvarpinum. Av øllum kanningum, ið gjørdar vórðu undan valin- um, var hetta tann, ið rakti nógv tættast við endaliga úrslitið. Samlaða frávikið í mun til endaliga úrslitið var 6,9% ella minni enn 1% í meðal fyri hvønn av teim- um 7 flokkunum, sum still- aðu upp. Kanningin vísti samstundis, at afturgongdin hjá Sambandsflokkinum helt á - hann stóð nú til at fáa 26,1% av atkvøðunum, sum tó var 2,4% fleiri, enn flokkurin fekk á sjálvum valinum. Tjóðveldisflokk- urin stóð nú til at fáa 22,2% av atkvøðunum - hetta var 0,5% fleiri, enn flokkurin fekk á valinum tveir dagar seinni. Seinasta kanningin hjá Gallup rakti sera tætt fyri teir stóru flokkarnar, Sam- bandsflokkurin undantikin, sum framvegis stóð til at fáa eitt hampiligt val. Allar- helst hevur Sambands- flokkurin eisini mist at- kvøður seinastu dagarnar í valstríðnum. Kanningin undirmetti teir tríggjar smáu flokkarnar. Møguliga hevur Sambandsflokkurin mist atkvøður til teir smáu seinastu dagarnar undan valinum. Annars er tann lutfallsliga størsti feilurin úrslitið hjá Sjálvstýris- flokkinum. Um gravað verður í tølunum hjá Gallup, so er tað serliga stóra framgongdin hjá Sjálvstýrisflokkinum í Suðurstreymi, sum kom óvæntað. Um hugt verður í einum at teimum trimum Gallup- kanningunum, so vísti gongdin greitt, at Sam- bandsflokkurin kláraði seg ikki væl í valstríðnum og misti atkvøður, so hvørt sum valið nærkaðist. Tjóð- veldisflokkurin hinvegin stóð seg væl og vann at- kvøður í valstríðnum. Tað er ikki óvanligt at taparin í einum vali gevur veljarakanningum skyld- ina. Veljarakanningar eru bert eitt av óteljandi inn- trykkum, sum veljarin fær undir einum valstríði og sera ivasamt er hvørja ávirkan veljarakanningar hava á veljaran. Sjálvrann- sakan hevði hóska seg betur, heldur enn at givið veljarakanningum skyldina fyri vánaligt val. Dato 16-12-03 15-01-04 18-01-04 11-01-04 15-01-04 20-01-04 Stovnur Gallup Gallup Gallup Fynd Fynd Val Tal av interviewum 510 535 532 2800 1050 Fólkaflokkurin 21,1 (+0,5) 21,9 (+1,3) 20,8 (+0,2) 19,8 (-0,8) 19,3 (-1,3) 20,6 Sambandsflokkurin 29,7 (+6,0) 27,2 (+3,5) 26,1 (+2,4) 28,5 (+4,8) 29,0 (+5,3) 23,7 Javnaðarflokkurin 20,6 (-1,2) 20,8 (-1,0) 22,2 (+0,4) 22,1 (+0,3) 21,5 (-0,3) 21,8 Sjálvstýrisflokkurin 4,3 (-0,3) 3,5 (-1,1) 3,2 (-1,4) 3,9 (-0,7) 4,1 (-0,5) 4,6 Tjóðveldisflokkurin 19,4 (-2,3) 20,2 (-1,5) 22,2 (+0,5) 19,4 (-2,3) 20,6 (-1,1) 21,7 Miðflokkurin 4,9 (-0,3) 4,9 (-0,3) 4,3 (-0,9) 4,1 (-1,1) 4,4 (-0,8) 5,2 Hin Stuttligi Flokkurin 1,5 (-0,8) 1,2 (-1,1) 2,1 (-0,2) 1,1 (-1,2) 2,3 Frávik í alt 12,9 9,5 6,9 10,2 10,5 Talva 1. Veljarakanningar undan løgtingsvalinum 20/1-2004. Frávikið í mun til endaliga úrslitið stendur í klombrum. Síðsta reglan vísir frávik í alt. Kanningin ið rakti nærmast við endaliga úrslitð er kanningin, sum Gallup og Útvarpið kunngjørdu tveir dagar undan valinum. Veljarakanningar undan løgtinsvalinum 20. januar 2004 C M Y K 11 10