mánadagur 1. august 2011síða 42

vika 31 l 1. august 2011 10 Vikutema Summar Festivalurin Rasmus Seebach er stóra gulleggið í donskum tónleiki. Hann stóð fyri 7 pro­sentum av samlaðu fløgusøluni í Danmark í fjør. Fyrsta útgávan hjá honum hevur selt 180.000 eintøk, og tað hevur givið honum 9 platiplátur. Ein uppgerð yvir fløgusøluna í Dan­ mark í fjør vísur, at Rasmus Seebach var best seljandi danski tónleikarin – framman fyri Kim Larsen og Medina. Gingið skjótt Eftirnavnið er á ongan hátt ókent í donsk­um tónleiki. Men hóast hann hev­ur virkað innan tónleikaídnaðin í nógv ár, so eru tað minni enn tvey ár síð­ani, at Rasmus Seebach gav sína fyrstu fløgu út, men fløgan gav hon­um eitt rimmar gjøgnumbrot bein­an­vegin. Eftir ongari tíð kundi Ras­mus Seebach kappast við tey størstu nøvnini í donskum tónleiki – bæði á hit­listunum og í sølutølunum. Ja, sjálvt Kim Larsen mátti víkja fyri nýggju popp­stjørnuni á hitlistunum. Rasmus Seebach hevur í meira enn 10 ár skrivað og framleitt tónleik saman við beiggja sínum Nicolai. Teir hava gjørt tónleik til kendar danskar bólkar og einstaklingar. Men í 2009 valdi Rasmus Seebach at geva sína egnu fløgu út, og tað gjørdi hann til eina ta størstu poppstjørnuna í Norð­ ur­londum. Fleiri stór hitt Við sangum sum Engel, Den Jeg Er, Lidt I Fem og Glad Igen vann Rasmus Seebach upp á tónatindarnar, inn á dansgólvini og – ikki minst – inn á út­varpsrásirnar. Sangurin Engel var ársins lurtarahitt á P3 í 2009, og sangurin hevur eisini verið nógv spæld­ur í Føroyum. Rasmus Seebach hevur higartil selt meira enn 180.000 eintøk av fyrstu fløgu síni, og á Zulu Awards í fjør vann hann tríggjar heið­ urs­lønir. Seebach hevur fleiri ferðir áður vitjað í Føroyum. Bæði á dansistøðum og sum gestur í undirhaldssendingini, Hvonn Live, hjá Rás2. Men enn hevur hann til góðar at spæla á størsta før­ oyska tónleikapallinum. Tann fram­ førslan verður leygkvøldið, og sjálvur hevur Rasmus lovað, at talan verður um eitt rimmar popp-brak, har hann fer at leiða stóru fjøldina gjøgnum tað besta av tí besta í donskum tónleiki. Størri enn Kim Larsen Rasmus Seebach er heilt stóra navnið í donskum tónleiki í løtuni. Einsamallur stóð hann fyri sjey prosentum av samlaðu donsku fløgusøluni í fjør Á danska tindinum Rasmus Seebach er gulleggið í donskum tónleiki. Hann stóð fyri 7 prosentum av samlaðu fløgusøluni í Danmark í fjør. Rasmus Seebach er tað stóra hittið í donskum tónleiki. Fyrsta útgávan hjá honum hevur selt 180.000 eintøk, og tað hevur givið honum 9 platiplátur. Ein uppgerð yvir fløgusøluna í Danmark í fjør vísur, at Rasmus Seebach var best seljandi danski tónleikarin – framman fyri Kim Larsen og Medina. Rasmuss Seebach, sum spælir á Summar Festivalinum í august, gevur nýggja fløgu út í heyst. 1 - Rasmus Seebach: ’Rasmus Seebach’ 2 - Kim Larsen: ’Mine Damer og Herrer’ 3 - Medina: ’Velkommen til Medina’ 4 - Tina Dickow: ’Welcome Back Colour’ 5 - Thomas Helmig: ’Past Forward’