mánadagur 1. august 2011síða 41

vika 31 l 1. august 2011 9 Vikutema Summar Festivalurin Hjartaliga vælkomin til klaksvíkar! www.klaksvik.fo Sosialurin / KvR 34 18 00 Komandi dagarnar verður Summar­ festivalurin hildin í Klaksvík fyri áttandu ferð. Stóra tónleikatiltakið, sum í 2004 varð hildið fyri fyrstu ferð, bjóðar aftur í ár eina spennandi skrá, har gestirnir sleppa at uppliva stór og kend nøvn úr útheiminum og góðar føroyskar bólkar spæla her í Klaks­ vík. Summarfestivalurin er blivin størsta og týdningarmesta tónleikatiltakið í Føroyum, og samstundis er Summar­ festivalurin so nógv meira enn bert eitt tónleikatiltak. Festivalurin snýr seg ikki bert um tónleikin á pallunum ­ hann snýr seg eisini um hugna og prát millum fólk, gleði og látur. Hetta eru dagar, tá ið vit taka okkum av løttum, hittast og práta og njóta nakrar góðar summardagar. Tað er eitt megnar arbeiði at skipa fyri einum so stórum tiltaki ár eftir ár, framhaldandi at menna festivalin, gera hann viðkomandi hjá einari stórari fjøld, og ferð eftir ferð geva fólki eina so góða uppliving, at tey koma aftur næstu ferð. Hetta hava fyriskipararnir dugað væl. Summar Festivalurin er blivin ein hugnaligur og breiður festivalur, sum eisini tekur atlit til heimlig viðurskifti. Vit eiga at fegnast um, at vit eiga nýskapandi og eldhugað fólk, sum duga at skipa fyri, og sum ikki spara seg fyri at skapa nakað stórt her í býnum. Hetta er nakað, sum ríkar bý og land okkara. Og vit eiga eisini at fegnast um, at Summarfestivalurin hevur góða undirtøku í lokalsam­ felagnum, og at føroyingar annars taka so væl undir við tiltakinum. Vit gleða okkum øll til hesar há­ tíðardagar í Klaksvík. Ung sum gomul kunnu enn einaferð njóta ein góðan Summarfestival, og vegna Klaksvíkar Býráð ynski eg øllum klaksvíkingum og gestum ein góðan Summar­ festival! Vinarliga gunvá við keldu Borgarstjóri