mikudagur 3. august 2011síða 6

Mikudagur 3. august 2011 · Nr. 88 6 Sosialurin Hava goldið sítt Sea Shepherd hevur nú goldið »loysigjaldið« fyri at fáa skipið Steve Irwin leyst frá bretsku myndugleikunum í Hetlandi Rólant Waag Dam 

Skipið hevur verið afturhildið í havnini í Lerwich í meira enn tvær vikur. Sea Shepherd varð álagt at gjalda 520.000 pund í trygd fyri at fáa skipið leyst, eftir at eitt felag á Malta hevði lagt endurgjaldskrav móti skipinum, sum er á veg til Føroya at stríðast móti grindadrápi.

 Paul Watson váttar fyri Sosialinum, at trygdin nú er goldin og at at skipið fer úr Lerwick í dag.
 
Felagið á Malta hevur kravt 760.000 evrur frá Sea Shepherd, eftir at Steve Irwin skaddi tunfiskaveiðu hjá einum skipi hjá felagnum í eini atsókn í fjør.

Eftir øllum at døma er Sea Shepherd felagsskapurin sloppin við at gjalda eina minni upphædd enn hana, sum upprunaliga varð kravd sum trygd.

Men Paul Watson er sambært BBC Scotland vísur í, at tey fáa peningin aftur frá bretsku myndugleikunum: 

- Hetta er bara enn ein roynd at gera okkum ónáðir. Vit hava lært at verja okkum móti slíkum gjøgnum árini, segði Paul Watson. Fara úr Het­ landi í dag Stewe Irwin hevur verið afturhildin í Hetlandi seinastu vikurnar. – Vit hava gjørt okkara og fingið pengarnar til vega, og tí stevnir Stewe Irwin móti Føroyum í dag, sigur Paul Watson Rólant Waag Dam Paul Watson er ikki staddur í Hetlandi, har skipið »Steve Irwin« hevur verið afturhildið seinastu vikurnar. Skipið loysir í dag, og tað verður uttan Paul Watson umborð.

 Shetland News skrivar, at hann er í Australia á fyrilestrarferð, og at hann flýgur til Hetlands fríggjadagin – og verður flogin út á »Steve Irwin« við tyrlu. Aðrastaðni á hesum síðum greiðir Paul Watson frá, just nær og hvussu hann kemur til Føroya. Skipið hevur tyrlu og tyrlupall umborð.

Umborð á »Steve Irwin« eru 40 umhvørvisaktivistar – og teir skulu allir við til Føroyara, har skipið »skal hjálpa Birgitte Bardot at steðga árliga grindadrápinum«.

 – Nú er trygdin goldin og vit hava fingið loyvi at loysa, sigur Paul Watson við Sosialin í dag.
 
Við Shetland News hevur hann eisini sagt, at hann er sera fegin um móttøkuna, sum mótmælisfólkini hava fingið í Føroyum hesar seinastu vikurnar.

 - Eingin hvalur er dripin, meðan Birgitte Bardot hevur verið har. Vit gera stór framstig við at tosa við fólkið. Eg haldi, at vit hava stóran stuðul til okkara uppgávu í Føroyum. Vit kenna tað eisini stimbrandi, at rættiliga nógv fólk í Føroyum ikki eru nøgd við grindadrápið, segði hann sambært Shetland News. Rólant Waag Dam Paul Watson hevur ongantíð sett fót sín á føroyska jørð. Iva­samt er, um hann fer at gera tað á hesum sinni, nú hann kemur til Føroya leyg­ ardagin. - Eg flúgvi til Hetlands og verði so flogin víðari umborð á Stewe Irwin, fortelur Paul Watson úr telefonini í Avstral­ia. Paul Watson var fá­orð­að­ ur, tá vit høvdu hann á máli, men hann ger greitt, at hann ikki óttast at koma henda veg­in. - Eg eri ikki bangin fyri at koma til Føroya. Eg havi hoyrt, at eg eri eftirlýstur, men eg dugi ikki at siga hví og fyri hvat, sigur hann. Eftir práti­num at døma er eyðsæð, at Kaptein Watson, sum tey kalla hann, ikki hevur lisið væl uppá. Oddamaðurin í Sea Shep­ herd hevur nevniliga frítt at fara, tá hann kemur henda vegin, sum tað stendur at lesa aðrastaðni á hesum síð­ um. - Men verði eg handtikin, so ger tað einki. So verður bara uppaftur meiri ljós varpa á Sea Shepherd, og í síðsta enda tænir tað okkara enda­máli. Røkka longri við Stewe Irwin Tá Paul Watson, Stewe Irwin og Brigitte Bardot eru savnað í Føroyum, telur bátafylgið hjá Sea Shepherd kring oyggj­ar okkara tveir bátar. Sam­bært Paul Watson er tað ikki óneyðugt oysl at koma henda vegin við tveimum bát­um. - Við Stewe Irwin aftrat Bri­gitte Bardot røkka vit nógv longri. Okkara endamál á túrinum er at bjarga hval­ u­m. Við tveimum bátum er lættari hjá okkum ferðast kring oyggjarnar, finna grind og fáa hana burtur aftur, greið­ir Paul Watson frá. Torir ikki at flúgva til Føroya Paul Watson kemur til Føroya leygardagin. Men hann torir ikki at flúgva her til. – Eg flúgvi til Hetlands og síðani víðari við tyrlu umborð á Stewe Irwin