mikudagur 3. august 2011síða 18

Mikudagur 3. august 2011 · Nr. 88 18 Sosialurin Eirikur Lindenskov Í morgin og komandi dagar­nar verður Summar Festival­urin hildin í Klaksvík. Nógvir festivalgestir eru longu komnir til býin, og roknað verður við nógvum fólki afturat komandi dagarnar. – Áhugin fyri festivalinum í ár er eins stórur, og hann var í fjør, tá ið vit helst høvdu størstu áhoyrarafjøld til nakra konsert í Føroyum, sigur Erik Biskopstø, sum er ein av fyriskiparunum av Summ­ ar Festivalinum. – Tað hevur ein kombina­tión av stórum útlendskum nøvnum, góðum føroyskum bólkum og hugnaligum festi­valumhvørvi, sum hevur gjørt Summar Festivalin so væl umtóktan mill um føroy­ingar, heldur hann. Runda 60.000 Hetta er áttanda ferðin, at Summar Festivalurin verður hildin, og í ár fer samlaða talið á vitjandi á festivalinum at runda 60.000 fólk. Tað byrjaði við einum miðal­ stór­um festivali í 2004, har 3.500 fólk hugnaðu sær í fantastiskum summarveðri. Síðani hevur festi­ valurin vaksið seg stóran og sterkan, og upp ímóti 10.000 fólk hava verið á festivali. Samanlagt hava umleið 55.000 vitjandi verið á Summar Festivalinum hesi árini, festivalurin hevur verið hildin. Og aftur í ár verður roknað við full um húsi til festivalin, og samstundis fer talið á vitjandi væl upp um 60.000 fólk. Føroyskt og útlendskt Summar Festivalurin bjóðar bæði kendar útlendskar tón­leika­bólkar og føroysk nøvn. Í ár koma eitt nú country­legend­ an Bobby Bare, popp­stjørnan Ras­ mus Seebach, rockbólkurin D-A-D og X-Factor sangararnir Babou og Basim úr útlandinum. Og mill um føroysku nøvn­ini eru Frændur, Anna Faroe, Páll Finnur Páll , Hjarnar, Jens Marni, Hanus G. Johansen, Kim Hansen, Divaz. Orka og fleiri. Summar Festivalurin hevur ført seg fram sum tann hugnaligi familjufestivalurin, og tað sæst eisini aftur í skránni, sum bæði bjóðar nýggjan og eldri tónleik – tónleik til yngri og eldri fólk. – Vit vilja verða tann fólks­ligi festivalurin, sum bjóðar góðan og kendan tónleik til fólk í øll um aldri, sigur Erik Biskopstø. Fólk flokkast í Klaksvík Áhugin fyri at koma á Summar Festivalin í ár sæst aftur á nógvum økjum. So at siga all ir campingvognar í Føroyum verða í Klaksvík um vikuskiftið, og øll campingplássini eru umbiðin. Leitað hevur verið eftir fleiri pláss, so eisini tey seinastu kunnu sleppa við. Roknað verður við, at næstan 200 húsvognar verða í Klaksvík um vikuskiftið. Øll pláss á gistingarhúsum og øll summarhús eru langt síðani bíløgd, og bátaplássini fóru herfyri at ganga undan. Fólk tjalda eisini á Summar Festivalinum, og økið, sum er sett av til familjutjalding, er fult. Pláss er framvegis eftir til ungdóms­ tjaldingina. Summar Festivalurin byrjar hóskvøldið kl. 18.00, og síðani verður tónleikur og undirhald í tríggjar dagar. Seinasta framførslan verður sunnunáttina kl. 03.00, tá ið Eyðun & Terji fara at spæla. FESTIVALUR Atgongumerkjasølan gongur sera væl, øll campingplássini eru bíløgd, familjutjaldingin er útseld, bátaplássini ganga undan, og øll gistingarhús og summarhús verða á tremur við fólki, tá ið Summar Festivalurin verður hildin um vikuskiftið Vænta nógv fólk á Summar Festival