mikudagur 3. august 2011síða 22

Mikudagur 3. august 2011 · Nr. 88 22 Sosialurin Ítróttur Jóannes Hansen Tað var tætt og spennandi í fína summarveðrinum í Runa­vík, og sum tað leið ímóti dystar­enda, stóðu víkingarnir uttan fyri girð­ ing­ina friðarligir og sum á nál­um. Tað var væl skilj­andi. Eftir nett ein tíma og horna­sparks­inn­legg úr høgru hevði miðverjin og lið­for­ maðurin, Atli Gregersen, sum var blankur við handara stólpan, við høvdi­num stýrt bóltin inn undir saman­komingina aftanfyri annars óføra Andras Gango. Púra uppløgdu málmøgu­leik­ ar­nir vóru ikki so nógvir. Spælið skifti millum báðar brotsteigarnar. Tað knípti eitt sindur at varðveita bólt­in, og tað vóru ov nógvar skeiv­ ar sendingar. Hóast NSÍ var undir­ mannað, tí miðverjin Jens Joen­sen hevði tiltuskað sær full­komu­liga óneyðugt beinleiðis reytt kort, so lúr­di møguleikin síðsta korterið, at NSÍ skuldi javna. Fyri Víking var munurin millum sig­ur og trý stig og javnleik og eitt stig í fyrra førinum framvegis at vera einasti avbjóðarin til B36 í stríð­num um FM heitið, og í seinna føri­num í gásareygum bara at savna seg um silvurmerkjaplássið. Tá ið Rúni Gaardbo, sum hevði gott tak á grannauppgerðini, bríksl­ aði fyri síðstu ferð, lætnaði tað hjá víkingunum á og kring vøllin, og tað var lætt at skilja, at teir stór­ fegn­að­ust. Tað er altíð torført hjá teimum hinu­megin Gøtueið at vitja við Løkin, og stigaposin man kennast at tyngjast eyka nógv, tá ið trý stig verða vunnin í Runavík. Gott tak á verjupartinum Í útgangsstøðuni ráddi tað hjá Víkingi um at halda tørn í verju­ parti­num. Tað eydnaðist, og tað komst partvís av góðu organ­i­ seringini. Avtalurnar í verju­parti­ num eru nógvar og eyðsýndar. Vong­verjarnir eru álopshugaðir, men bara annar sleppur fram í senn. Hjartvard Hansen í høgru og Hanus Jacobsen í vinstru bjóðaðu seg til í álopsspælinum, og teir bakk­aðu væl upp fyri miðverjarnar. Á miðvøllinum var Evrard Ble fram­úr eyðsýndur. Hann stríddist væl og nógv í verjukenda partinum, og hann var sera skilagóður í av­ spæli­num og í at flyta seg og bjóða seg fram. Tað var ikki so ofta, at Vík­ing­ur spældi seg til upplagdar mál­møgu­ leikar. Ikki so sjáldan gekk tað ov seint fyri seg at flyta liðið fram á vøllin, tá ið bólturin var vunnin, og tað bar aftur við sær, at Finnur Justinussen, sum ofta rann seg í rangstøðu, var ov einsamallur í brotsteiginum hjá mót­støðu­monn­ unum. Leita eftir málinum Hin parturin av søguni er, at NSÍ tyk­ist hava mist flogið, tá ið tað snýr seg um at skjóta mál. Christian Høgni Jacobsen og Klæmint A. Olsen eru framvegis ovarlaga á mál­tindi­num, men seinastu ferð­ir­ nar hava teir drigið svart. Sunnudagin 19. juni vann NSÍ 6-4 í Sørvági. Ta ferðina skoraði Christian Høgni tvey mál og Klæ­ m­int eitt mál. Síðani tá hava teir gulu spælt tríggjar ferðir í lands­ kapp­ingin. Tað hevur bara eydnast at skjóta eitt mál – í 1-1 uppgerðini á heima­vølli ímóti B71, tá ið Christian Høgni skoraði sjey minuttir undan síðsta bríkslinum. Síðani hevur NSÍ spælt málleysan javnleik á Ólav­søku, og nú taptu teir 1-0 ímóti Vík­ingi. Bæði ímóti HB og ímóti Víkingi hevði einki forgjørt verið, um úr­ tøk­an varð størri, enn hon bleiv, men marginalirnir eru ikki við. At tað mest sum hvørja ferð hevur verið neyðugt at gera broytingar, tí spælarar ikki eru tøkir, hevur ikki økt um tryggleikan – hvørki í verju­partinum ella í uppbyggjandi parti­num. Jústinus R. Hansen var eyð­sýnd­ ur á sentrala miðvøllinum, ­með­an Mamuka hesa ferð var blind­ur ferða­maður sammett við á Ólav­ søku, tá ið hann leikti framúr væl og var støðug hóttan í vinstra borði. Sum tað leið fram ímóti endanum, royndi Pauli Poulsen at spenna álops­bog­an, eitt nú við at senda Heðin á Lakjuni, sum hesa ferð í útgangs­støðu var vinstri vongverji, longri fram á vøllin, men tað segði tað sama. Eftir landsliðssteðgin skal NSÍ til Fuglafirðar, meðan Víkingur fær vitj­an av illa sperdu meistarunum í HB. Víkingur koyrir á Tepri sigurin við Løkin ber við sær, at teir í Eystur kommunu leggja trýst á B36 í kappingini um oddasessin, meðan NSÍ eftir 180 minuttir uttan mál hevur mist tvey tey ovastu plássini úr eygsjón NSÍ-Víkingur 0-1 (0-0) 0-1: Atli Gregersen 60. Dómari: Rúni Gaardbo NSÍ: Andras Gango - Jónhard Fredriksberg, Petur Pauli Mikkelsen, Jens Joensen, Heðin á Lakjuni - Debes Danielsen (Árni Frederiksberg, 61.), Fritleif í Lambanum (Ari Ó. Ellingsgaard, 73.), Jústinus R. Hansen, Mamuka Toronjadze (Jann Martin Mortensen, 66.) - Christian Høgni Jacobsen, Klæmint A. Olsen Gult kort: Jens Joensen Reytt kort: Jens Joensen (beinleiðis reytt) 79. Víkingur: Geza Turi - Hjartvard Hansen (Bárður Hansen, 83.), Atli Gregersen, Erling Jacobsen, Hanus Jacobsen – Sølvi Vatnhamar, Niclas Niclassen, Sam Jacobsen, Evrard Ble (Páll A. Klettskarð, 90.), Símin Hansen (Andreas Lava Olsen, 78.)- Finnur Justinussen Gult kort: Evrard Ble, Atli Gregersen, Hjartvard Hansen