mikudagur 3. august 2011síða 21

21 Mikudagur 3. august 2011 · Nr. 88 Sosialurin Ítróttur Tróndur Arge KÍ er liðið omanfyri øll liðini í kvinnu­fót­bólti. Liðið hevur verið einaráð­andi síðani aldarskiftið. Ein­as­ta kappingin har nakar hev­ur megnað at knúgvað KÍ er í steypa­ kapp­ingini. – Tað er altíð trýst á KÍ at vinna í kvinnudeildini og tað er tað aftur í ár, sigur Erik Nielsen, venjari hjá KÍ. Men fyrireikingarnar hjá teim­ um hava ikki verið optimalar. Nýtt gras­líki er lagt á vøllin í Klaksvík og tað hevur tikið longri tíð enn væn­ta. – Vit hava vant á Fossanesi á ein­ um sparkivølli í góðar tvær vikur. Nú sleppa vit framat í Leirvík. Bæði besta og næstbesta liðið hjá monnunum hava vant har framman­undan, sig­ur Erik Nielsen um torføru um­støðurnar. Liðið er sett Erik Nielsen hevur longu sett liðið, sum skal spæla steypafinaluna, men tað kemur illa við at Suffía Purk­hús er burturstødd. – Suffía er til nakað, ið eitur “Teen­Street” í Týsklandi, so hon verð­ur ikki við. Eg havi arbeitt við at loysa hendan trupulleikan og vit hava funnið eina loysn, sigur Erik Niel­sen. Tað verður unga Eyðvør Klaks­ tein, ið skal manna álopið. – Vit hava fleiri ungar leikarar og millum tær er Eyðvør Klakstein. Hon kemur at taka yvir plássið hjá Suffíu Purkhús í álopinum. Tað hava vit arbeitt við síðani eg fekk at vita, at Suffía ikki fór at verða tøk, sigur Erik Nielsen. Hugsa ikki um Champions League KÍ skal týsdagin til Serbia at lut­taka í UEFA Women Champions League. Tey hava tí úr at gera hjá KÍ kvinn­ um. Men fyribils eru eyguni vend móti steypafinaluni. – Vit tosaðu fyrr í ár um hvat vit skulu seta fokus á. Vit komu til tað niður­støðu, at vit taka steypa­kapp­ ing­ina fyrst og so kunnu vit hugsa um Champions League aftaná, sig­ ur Erik Nielsen at enda. KÍ og AB vóru í 2009 í steypa­ finalu­ni. Tá vann AB 2-1. Í fjør vann KÍ steypakappingina aftur, við at vin­na á Skála í finaluni. trondur@sosialurin.fo Tróndur Arge Lagið er gott á Argjum og í gjár vóru heili 21 leikarar til venjing, tá AB legði seinastu hond á fyri­ reik­ing­arnar til steypafinaluna hó­s­kvøld­ið. AB eltir aftur í ár KÍ í lands­kapp­ingini, men í steypa­kapp­ ing­ini verður alt avgjørt upp á 90 minutt­ir. – Tað týdningarmesta er, at vit trúgva upp á tað. Vit mugu ikki ræð­ast KÍ um vit skulu hava nakran møgu­leika fyri at vinna á teimum. Tað er eisini týdningarmikið, at vit stríðast allan dystin á tamb og ikki missa trúnna upp á tað mitt í dystinum. Tað hava vit verið út fyri fyrr, sigur Mona Breckmann, lið­skipari hjá AB. AB gjørdi tað í 2009 Í 2009 var steypafinalan millum somu liðini. Tá vann AB 2-1, eftir at hava verið á odda 1-0 í hálv­leiki­ num. Mona Breckmann skoraði bæði málini í tí dystinum. Liðið er nakað broytt síðani tá, men á Argj­ um er tey klár at endurtaka søgu­ liga finalusigurin. – Tað merkist væl at steypa­final­ an nærkast. Venjingin í kvøld(í gjár blðm.) var sera góð og allar eru í góð­um lag og ikki minst spentar, sig­ur Mona víðari. Kapping um plássini Meðan liðið hjá KÍ longu er sett, so vita kvinnurnar á Argjum ikki hvør slepp­ur við fyrr enn í kvøld. Tær eru fleiri um boðið. – Tað er kapping um plássini á liðnum og tað er bara gott. Nú fyri­ reika vit okkum allar upp á at vit skulu spæla, men sjálvandi verða onkrar vónbrotnar, sig­ur Mona. Eins og hjá KÍ, so eru onkrir smáskaðar, men ikki nakað álvars­ligt. – Vit hava onkrar smáskaðar, men eg haldi at tá samanum kemur, so verða allar klárar til hóskvøldið, sig­ur Mona Breckmann at enda. So er spurningurin um AB megn­ar at endurtaka bragdið frá 2009? trondur@sosialurin.fo KÍ kvinnur gera klárt í torførum umstøðum Steypafinalan hjá kvinnum er í Klaksvík, so KÍ burdi havt ein fyrimun. Sannleikin er tó, at liðið enn ikki hevur roynt nýggja vøllin, tí hann ikki er klárur. KÍ kvinnurnar hava tí verið í Leirvík og Fossanesi og fyrireika seg Mugu ikki ræðast KÍ Tað sigur AB liðskiparin, ið metir at tað mentala kemur at hava stóran týdning fyri um AB kann vinna eina steypakapping móti KÍ aftur