mikudagur 3. august 2011síða 25

25 Mikudagur 3. august 2011 · Nr. 88 Sosialurin Ítróttur Tróndur Arge Hóast hetta er fyrstu ferð í ár, at HB er undir niðurflytingarstrikuni, so kemur tað ikki so óvart á. Liðið hevur ikki spælt væl og til tíðir er tað eisini blivið út spælt av mót­ støðu­liðnum. – Tað er ikki panikkur í HB. Vit hava vita í eina tíð, at hetta kundi henda. Tað hava verið fleiri javnir dyst­ir síðani eg kom til, men tíverri eru teir koppaðir skeivan veg, sigur Sig­fríð­ur Clementsen, venjari hjá HB. Holgar leggur 07 Vestur á odda Dysturin var bara fýra minuttir gamal, tá Holgar Durhuus legði 07 Vestur á odda. 07 Vestur fór í mótálop og tað endaði við, at Holgar Dur­huus kom at standa einsa­mall­ ur við HB málverjanum. Hann var tryggur og legði heimaliðið á odda. – Vit gera eina verjuvillu tiðliga í dystinum og tað kostar dýrt. Aftaná tað, so er bestemma 07 Vestur eitt sind­ur hvussu dysturin verður mynd­aður. Teir hava nakrar góðar út­lendskar leikarar, ið eru góðir í um­stillings­spælainum. Hinvegin so skapa vit nakrar møguleikar og tað manglar bara tað síðast so fer bólturin inn, sigur Sigfríður Clement­sen um fyrra hálvleik. Í seinna hálvleiki heldur 07 Vestur fast og vinnur seg úr botni­ num. HB hevur á áttinda sinni tapt í ársins landskapping. – Í seinna hálvleiki flyta vit fólk­ið fram og tað gevur sjálvandi 07 Vestur møguleika at spæla upp á mótáolp. Tí koma bæði liðini til møgu­leikar í seinna hálvleiki. Hevði onk­ur av okkara fari í málið, so tað kanska loyst upp fyri nógvum, sigur Sigfríður Clementsen. Mugu standa saman HB er í svárari kreppu og lítið skil er á leikarum, ið koma og fara frá felagnum. Í gjár vóru tveir blaðungir menn í verjuni, meðan ein av lyklaleikarunum frá í fjør, Doddi, var sendur heim miðskeiðis í fyrr hálvu og ongin er komin í stað­ in. Venjarin er skiftur, men gongdin er tað sama. – Um vit halda at vit yvirliva ikki tí vit eita HB, so klára vit tað ikk. Vit mugu skilja álvarin beinanvegin og standa saman sum felag. Eg haldi, at vit vístu ein góðan vilja í gjár og talan er aftur um ein tættan dyst. Men vit mugu taka útgangsstøði í støðuni sum hon er. Og hon er, at vit liggja til niðurflyting og eru í harðari kapping við fimm onnur lið, sigur Sigfríður Clementsen. HB hevur í ár brúkt 27 leikarar og tveir venjarar. Millum annað hava tríggir málmenn staðið í mál. Tað tykist sum felagið ikki hevur nakra plan fyri hvussu trupulleikarnir skulu loysast. Verjan er tann triðj ringasta í landinum. HB hevur bara skotið 21 mál, meðan grannarnir hava skotið 35 mál í teimum fyrstu 15 umførinum. HB hevur fýra lands­liðsleikarar, tað er ein fyri hvønn vunnan dyst í ár. Jóhan Nielsen prógvar seg enn eina ferð Við sigrinum í gjár kom 07 Vestur upp á fimta pláss. Tað er bæði ein lýs­ing av góðu gongdini undir Jóhan Niel­sen og hvussu tøtt kappingin er. 07 Vestur lá undan dystinum undir niðurflytingarstrikuni. 07 Vestur spældi eisini væl í Gundadali móti B36 á ólavsøku. Lítið røkist fyri at 07 Vestur flytur niður í ár, men tað skal bara eitt umfar til at venda botinum á høvdiðið. trondur@sosialurin.fo 07 Vestur – HB 1-0 (1-0) 1-0 Holgar Durhuus, 4 Dómari: Eiler Rasmussen 07 Vestur: Kristian Joensen - Torstein Mýlingstind, Kingsley Amunike, Tehe Aristide, Rógvi E. Nielsen(Jóhan Petur á Stongum, 66) - Holgar Durhuus, Jovan Panic, Eli Nielsen, Joseph Bassene, Badara - Clayton

 Á bonkinum: Eli Poulsen, Jens Erik Rasmussen, Jákup S. Olsen og Hans Arni Ellefsen Venjari: Jóhan Nielsen HB: Teitur Gestson - Jógvan Rói Davidsen, Rógvi Holm, Pál M. Joensen, Hendrik Rubeksen - Hanus Thorleifsson(Jógvan Skeel Nolsøe, 75), Fróði Benjaminsen, Kári Nielsen, Hallur Hannson(Bogi R. Petersen, 71), Rógvi Poulsen - Andrew av Fløtum(Jón Krosslá Poulsen, 78) Á bonkinum: Heðin Stenberg og Ólavur í Ólavstovu Venjari: Sigfríður Clementsen HB í svárari kreppu Havnar Bóltfelag hevur ongantíð verið í næstbestu deildini við sínum besta liði. Aftaná 15 umfør liggur HB undir niðurflytingarstrikuni. Jóhan Nielsen prógvar enn eina ferð, at hann er ein tann besti venjarin vit eiga