fríggjadagur 5. august 2011síða 47

Sosialurin nr. 84 · 22. juli 2011 15 Starv: Nýútbúgvin heimspekingur og bókummælari Yndisbók: Um ein bók skal nevnast fram um aðrar, so er tað “Rosens navn” eftir Umberto Eco. Fyrsta veruliga skaldsøga eg nakrantíð las. Eg var seldur frá fyrstu síðu. Bergtakandi, stimbrandi, avbjóðandi, spennandi og undirhaldandi. Eg skyldi nokk Umberto Eco mín áhuga fyri bókmentum. Vánaligasta bók: Eg havi lisið fáar vánaligar bøkur, tí eg gevist at lesa aftaná uml. 150 síður, um bókin ikki hevur nakað at bjóða uppá. Men av teimum, eg havi lisið úr enda í annan, kann eg nevna “Alkymisten” eftir Paulo Coelho, ið má vera tann mest yvirmetta bókin, eg havi lisið. Hvat er ein góð bók: Fortreytirnar fyri eini góðari bók eru altíð relativar í mun til sjangruna. Men generelt dámar mær væl, at bókin gevur mær okkurt meir enn bert eina lesiuppliving. Hon skal helst vika míni sjónarmið, provokera, geva mær okkurt at hugsa víðari um – ikki sleppa mær, sjálvt um eg havi lagt hana frá mær. Nær og hvar dámar tær best at lesa: Nær sum helst, hvar sum helst – bert so at ongin situr og tosar vð meg samstundis. bókabrell lagt til rættis: Eydna Skaale Pætur Marjunar­ son Dahl Everything is Illuminated Høvundur: Jonathan Safran Foer Forlag: Houghton Miffin Ár: 2002 Hvat snýr bókin seg í stuttum um? Ein ungur ukraniskur maður, í felag við abba sín, hjálpir einum jødiskum/amerikanskum rithøvunda at leita eftir forfedrum sínum í Ukraine, serliga hvat hendi undir 2. veraldarbardaga í bygdini omma hansara er ættað. Samstundis verður søgan hjá jødisku ættini í hesi bygd fortald í einum langum afturlopi. Hví skal hendan bókin lesast? Tí hon er eitt nútímans meistaraverk. Reint málsliga og søguuppbygnaðarliga brýtur bókin upp av nýggjum, og sum ein avbjoðandi lesiuppliving er hon framúrskarandi. Hvør skal lesa hesa bókina? Hetta er ein bók fyri tey, ið søkja eina avbjóðing og okkurt nýtt. Fyri tey, ið søkja okkurt meira enn bert eina søgu. Hvør skal ikki lesa hesa bókina? Hetta er ikki ein bók fyri tey, ið vilja hava eina bók til at hugna sær við aftur við temunninum. The Unbearable Lightness of Being Høvundur: Milan Kundera Forlag: Faber & Faber (á enskum) Ár: 1984 (á enskum) Hvat snýr bókin seg í stuttum um? Fer fram í Prag í 1968, har Tomas, skurðlækni, og kona hansara, Tereza, verða útsett fyri eksistentiellum royndum sum ótrúskap, kærleika, sjálvs-realisering og einræðishugsan. Bókin snýr seg um tann ótolandi lættleikan við lívinum, ið er fullkomuliga meiningsleysur í tí stóra perspektivinum, men sum tó samstundis hevur ein ómissandi týdning fyri tað einstaka menniskja. Hví skal hendan bókin lesast? Bókin er ein tann besta hjá Kundera, ið er ein fantastiskur rithøvundur. Bókin nemur við huglagið hjá eksistentialismuni, uttan at tykjast betrivitandi ella dogmatisk. Man hóvar, at bókin hugsar og kennir á sær saman við einum, meðan man lesur. Hetta er ein heildarbók, ein bók sum uppfyllur allar fortreytirnar fyri eini góðari bók. Hvør skal lesa hesa bókina? Henda bókin er sera kærkomin hjá einhvørjum, ið hevur borið við tann eksistentiella tankan. Hvør skal ikki lesa hesa bókina? Aftur er tað lættissópa lesararaflokkurin, ið skal velja sær okkurt annað. Les heldur “Alkymisten” Foucault’s Pendulum Høvundur: Umberto Eco Forlag: Secker & Warburg (á enskum) Ár: 1989 (á enskum) Hvat snýr bókin seg í stuttum um? Ein ungur ritstjóri á einum italienskum forlagið verður innblandaður í eina morðgátu, tá hansara starvsfelagi og mentor brádliga hvørvur. Tann ungi ritstjórin endaðar við at berjast ímóti øllum heimsins samansvørjingum og okkultum felagsskapum fyri at bjarga sær sjálvum og sínum mentor. Hví skal hendan bókin lesast? Bókin er ein innleiðing í tann dáraskap, ið uppstendur, tá minni ment fólk royna seg við alheimsins torføru og torgreiddu loyndarmálum. Í hesum føri eru tað fólk, ið royna seg við tempulriddarum og Jesu Hon er andsøgnin til “The Da Vinci Code” eftir Dan Brown. Hvør skal lesa hesa bókina? Fólk, ið elska eina krimi við einum eyka mentanarligum og hugvekjandi ískoyti. Hvør skal ikki lesa hesa bókina? Tey, ið halda “The Da Vinci Code” eftir Dan Brown er góð. CHILL OUT WITH A COLD ONE NÝTT! SOFT ICE Við sós: 9 kr. 7 kr.