mánadagur 8. august 2011síða 32

Mánadagur 8. august 2011 · Nr. 90 32 Sosialurin Ítróttarblaðið Hilmar Jan Hansen – Hetta er nógv betur enn í fjør, tí hetta hevur so øgiliga nógv at siga. Vit hava havt nógvan mótburð í ár, so hetta hevur bara so nógv at siga, stað­festi venjarin hjá EB/Streymi, Heðin Askham, so skjótt sum final­ an var liðug og EB/Streymur hevði vunn­ið 3-0. – Vit hava havt eina fína upp­ takt saman, so spælararnir vóru øgi­liga uppsettir. Allir vistu væl, at hetta hevði øgiliga nógv at siga. Eg má siga, at eg skilti ikki, hví fugl­ firð­ingar byrjaðu so verjukent og líkasum lógu og bíðaðu eftir okk­ um. Vit mistu so trýstið eina løtu í fyrra hálvleiki, men komu væl aftur­í­aftur. Vit fingu kjansirnar, vit skul­du hava, vóru kaldur og tóku tað, vit kundu fáa. Eisini liðformaðurin hjá EB/ Streymi, Egil á Bø, helt steypa­sig­ ur­in hesa ferð hava serliga nógv at siga fyri felagið: – Hetta er heilt ótrúliga stuttligt. Eg haldi, at vit hava brúk fyri ein­ um sovorðnum ljóspunkti í EB/ Streymi. Nú hevur gingið ímóti á so nógvum frontum, at hetta er gott fyri felagið, segði hann. – Eg haldi, at vit royndu at stýra dystinum væl. ÍF kom til kjans­ir, men eg helt, at vit høvdu nøku­lun­ da stýr á tí allíkavæl. Ein finalan er altíð opin, og 1-0 var ikki nóg mikið hjá okkum. Teir trýstu eisini øgiligt ímóti endanum á fyrra hálvleiki, so einki var avgjørt, tá seinni hálv­leik­ ur byrjaði. Men tá tað var 3-0, var eg vísur í, at vit fóru at klára tað, og eisini tá tað var 2-0, helt eg, at vit ikki kundu missa tað. hilmarjan@sosialurin.fo Kærkomin sigur Fótbóltur Steypavinnararnir hjá EB/Streymi hildu eftir finaluna, at sigurin veruliga var tiltrongdur, nú tað annars hevur gingið so nógv ímóti hjá felagnum. – Eg haldi, at vit hava brúk fyri einum sovorðnum ljóspunkti í EB/Streymi, segði Egil á Bø Hilmar Jan Hansen Liðformaðurin hjá ÍF, Bartal Eliasen, staðfesti beint eftir dystin, at tað var keðiligt at tapa finaluna, samstundi sum hann tók í egnan barm: – Tá vit ikki skora upp á kjansirnar, er vónleyst at vinna, tí vit skaptu nógvar kjansir. Teir skoraðu eitt mál tíðliga, men restina av hálvleikinum áttu vit og skuldu fingið fleiri mál. Í seinna hálvleiki gekk javnt á og bæði lið høvdu kjansir, men 3-0 var ikki munurin, segði hann. Bartal var sjálvur partur í einari støðu, tá ÍF annars helt seg fáa mál. Bólturin kom innfyri úr høgru síðu og Bartal setti høvdið á og stýrdi bóltinum í málið. Men linjudómarin og dómarin kolldømdu málið. – Um tað er rangstøða, tá hinir leggja bóltin inneftir, so eru tað nýggjar reglur. Eg haldi heilt vist, at vit har blivu snýttir fyri eina útjavning, segði Bartal Eliasen, sum løtu seinni mátti síggja EB/Streym økja til 2-0 við brotssparki. Ivi um brotsspark Eisini tann støðan var ein, sum teir í ÍF settu spurnartekin við. Leif Niclasen sneiddi fram við Jákupi Mikkelsen eftir eina geniala sending frá Daniel Udsen, men fór so um koll. Tað var ikki brotsspark, tí eg fekk alla hondina á bóltin, og eg má viðganga, at tað er øgiliga sjáldan, at eg síggi hatta verða dømt. Vit vóru avgjørt ikki trý mál verri, men vóru fult við, til dómarin gjørdi av at geva teimum málið til 2-0, staðfesti ÍF-málverjin, Jákup Mikkelsen. Eins og hinir hjá ÍF, var hann sera vónbrotin eftir taptu finaluna: – Hetta er eina ferð um árið, og vit hava glett okkum leingi til hetta. Vit liggja ikki serliga væl fyri í kappingini, so hetta var tað, vit høvdu hopað uppá. Tí er hetta altso rættiliga súrt at tapa ein sovorðnan dyst, ið hevur so nógv at siga fyri okkum, segði Jákup. hilmarjan@sosialurin.fo Fuglfirðingarnir kendu seg snýttar Fótbóltur Fuglfirðingar vóru ógvuliga vónbrotnir, tá ið dómarin hevði bríkslað fyri síðstu ferð í steypafinaluni, tí teir hildu seg hava spælt upp til steypavinnararnar og harmaðust um, at teir ikki fingu mál burtur úr sínum møguleikum Mynd: Álvur Haraldsen Mynd: Álvur Haraldsen