fríggjadagur 12. august 2011síða 4

Fríggjadagur 12. august 2011 · Nr. 92 4 Sosialurin Leo Poulsen Jóhan Dahl var leingi heitur talsmaður fyri at fara undir at byggja nýggja nólsoyarferju longu í hesum valskeiðinum. Hann hevði eitt nú ætlanir at flyta 20 ónýttar milliónir frá bygging av nýggjum vaktarskipi til eina nýggja nólsoyarferju, men henda ætlan gjørdist tó ikki til nakað. 20 milliónir høvdu annars verið helmingurin av kostn­ aðinum fyri nýggja nólsoyar­ ferju, og tá ætlanin var, at hendan skuldi byggjast á føroysk­ari skipasmiðju, hevði tað bæði tryggjað arbeiðs­ pláss og varðveitt ta serfrøði, ið skipasmíð nú einaferð er. Nú vil Bjarni Djurholm so hava nýggja nólsoyarferju á breddan aftur, og hann hevur tí í gjár borið eitt uppskot niðan í Tingið, um at taka nýggja nólsoyarferju við í fíggjarætlanina fyri 2012. Uppskotið í sjálvum sær er stutt og greitt: »Heitt verður á lands­ stýris­mannin í vinnumálum um at raðfesta nýggju nóls­ oyar­ferjuna soleiðis, at hon verður framskundað og verður við í løguætlanini hjá lands­­stýrinum á fíggjar­lógar­ uppskotinum fyri 2012«. Í viðmerkingunum verður sagt, at fyrra ABC-lands­ stýrið fyrireikaði nýggja nólsoyar­ferju. Og á heysti 2007 var skitsuppskotið liðugt og skipað varð fyri kunn­ing fyri bygdar­fólki­ num í Nólsoy um nýggju ferjuna. Málið fall burtur Landsstýrið hevði á heysti 2007 skotið upp á fíggjar­lóg­ ini fyri 2008, at settar vóru fýra milliónir krónur av til pro­jektering av skipinum. Pro­ jekt­er­ingin skuldi vera liðug á heysti 2008 og bygg­ing­in byrja við ársenda sama ár. Nýggj nólsoyarferja kost­ aði góðar 40 milliónir krón­ ur, og var ætlanin at játta peningin yvir tvey fíggjarár. Harumframt bleiv Løg­ tingið í 2007 biðið um eina millión krónur at dýpa innsigl­ ingina til Nólsoyar Havn, so at innsiglingin gjørd­ist betur egnað til størri ferju. – Men val varð útskrivað, áðrenn fíggjarlógin fyri 2008 bleiv samtykt. Sostatt datt nólsoyarferjan og dýp­ingin tíverri burtur, sigur Bjarni Djurholm í viðmerkingunum. Og hann sigur víðari: »CHE-samgongan, sum koma aftaná, valdi ikki at hava nólsoyarskipið við á fíggjarlógini fyri 2008, hóast allar fyrireikingar frammanundan vóru greidd­ ar, so at farast kundi undir pro­jekt­eringina. Var nólsoyar­ skipið frá 2007 annars realiserað, so var nýggja ferjan liðug fyri ári síðani«. – Tá so nýggja ABC-sam­ gongan kom var væntandi, at nýggja nólsoyarferjan aftur kom á skrá, men lands­ stýrismaðurin, sum nú umsat nólsoyarfarleiðina valdi heldur at umvæla Ternuna og seta hana á farleiðina. Ternan er ikki er best egnaða skipið, umframt at hon er avloysararskip hjá SSL, sigur Bjarni Djurholm. Sostatt var næstbesta loysn­­in vald, og var tað spell, tá av­leið­­ing­arnar javnan ávirka ferða­sam­bandið mill­um Nóls­ oy og Havnina negativt. Útilokað til 2016 Einasta rætta er, at byggi­ætl­ anin frá 2007 aftur kemur á skrá, so nólsoyingar fáa nýggja tíð­ar­hóskandi ferju, bert ætlað til farleiðina um Nóls­oyar­­fjørðin. Tað er klárt at fara undir projekteringina. Eitt byggiprojekt, sum eisini man koma væl við hjá føroyskum byggismíði, gevur arbeiðspláss og víðkar um ekpertisuna hjá vinnuni. Skal Nólsoyggin mennast og bygdafólkið annars støðast, so er høvuðsfortreytin, at nólsoyingar fáa nýggja ferju til flutning um fjørðin. Tað er púra øvugt, at nólsoyingar, frá at hava Rituna burturav, nú eru endaðir við einum avloysaraskipi. Í mai-mánaða í ár samtykti minnilutasamgongan og teirra stuðulsflokkar íløgur fram til 2016, har nólsoyar­ skipið tíverri ikki var við. Tað var stórt spell og til skaða fyri ætlaðu ferjubyggingina. – Tí verður skotið upp, at landsstýrið fær nólsoyra­ ferjuna við í íløgukarmin fyri komandi trý árini og leggur hetta fyri Løgtingið í fíggjar­ lógini fyri 2012, sigur Bjarni Djurholm. Enn er ikki greitt, nær málið fær fyrstu viðgerð í Løgtinginum. leo@sosialurin.fo Vil hava nólsoyarferju á breddan aftur Ein tann, ið man hava arbeitt harðast fyri at útvega nólsoyingum bestu umstøður, bæði tá hugsað verður um havnarlag og flutningsumstøður annars, er helst Bjarni Djurholm, og nú vil hann hava landsstýrið at taka nýggja nólsoyarferju við í fíggjarætlanina fyri 2012 Skitsuprojekt er longu gjørt til nýggja nólsoyarferju, og við í upprunaligu verkætlanini var møguleikin at skifta yvir til vetnu, tá tíðin er búgvin Bjarni Djurholm bar í gjár uppskot niðan í Løgtingið um at nýggj nólsoyarferja kemur vikð á fíggjarlógina longu fyri 2012