fríggjadagur 12. august 2011síða 23

23 Fríggjadagur 12. august 2011 · Nr. 92 Sosialurin Ítróttur Hilmar Jan Hansen – Tað er hjartanemandi hvørja ferð, at fólk koma soleiðis at taka ímóti. Eing­in annar svimjari í heiminum fær eina slíka móttøku fyri eitt fjórða­pláss, sjálvt um hetta er eitt fjórða­pláss av teimum heilt góðu. Tað er altíð deiligt at koma heim eftir slíkar kappingar, segði Pál Joen­sen, tá røðurnar vóru hildnar og fólk sluppu at heilsa upp á heim­ sins fjórðbesta svimjara á 1500 metr­um. – Eg má eisini takka øllum, sum hava gjørt sítt til, at eg eri komin so langt, sum eg eri komin. Og eisini øll­um, sum geva mínari svimjing ans. Ein fitt fjøld var komin á Trygg­ ing­ina á Kongabrúnni í Havn at taka ímóti mikudagin, tá Pál Joen­ sen kom heim. Kappingin í Shang­ hai endaði á ólavsøku, men síðani hev­ur Pál havt frí. Fyrstur at siga nøkur orð, var for­maðu­r­in í Svimjisambandinum, Jon Hestoy, og síðani fingu Helena Dam á Neystabø, landsstýriskvinna við mentamálum, og stjórin í Trygg­ ing­ar­felagnum Føroyar, Regin Hammer, orðið. Eisini tók Árni Olsen orðið og takkaði vegna aling­ ina, umframt at Hergeir Nielsen, løg­tings­formaður, helt eina longri røðu. Sum vant, mátti móttøkan vera tíð­liga seinnapartin, so Pál skuldi lukk­ast at sleppa suður við Smyrli, har enn ein móttøka var á skránni. Í VB-húsinum var nógv fólk komið sam­an at taka ímóti, og har var eisini venjarin, Jón Bjarnason, við. Hon­um barst frá til móttøkuna í Havn. Ger sum hann vil Úrslitini hjá Pál Joensen í Shanghai vóru so mikið góð á 800 og 1500 metra teinunum í frísvimjing, at hann tríggjar ferðir setti norður­ lendsk met, tvær ferðir á 1500 metrum og eina ferð á 800 metr­um. Innleiðandi svimjingin á 800 metr­ um var rættiliga eina­stand­andi, tí har tók hann eitt sekund av gamla meti­num fyri hvørjar 100 metrar. Kortini hevði ikki minst avrikið á 1500 metrum týdning, tí har kláraði Pál kravtíðina til OL í London næs­ ta summar, har hann sleppur við sum partur av danska liðnum. Tað snúðu fleiri av røðunum seg um, men spurningurin er so, um Pál onkur­s­vegna megnar at smugla før­ oyska Merkið inn, skuldi hann end­ að millum heiðurs­merkja­vinnar­ar­ nar: – Eg veit ikki, hvussu er við tí, men eg havi hoyrt, at tað er nokk so torført og kann hava nokk so nógvar fylgjur við sær. Eg fari allíka­væl at gera mítt besta, segði Pál, ið hevur fingið góðar sømdir, tí hann og Jón fáa frið at fyrireika seg upp á vanliga mátan heima í Vági, áðr­enn danska svimjilandsliðið stutt undan OL fer á venjingarlegu í Spania. – Tað er deiligt at koma við á dans­ka liðið upp á tann mátan, at man sleppur at gera næstan sum man vil, tí tað er nokk eingin av danskar­unum, ið hevði sloppið tað. hilmarjan@sosialurin.fo Pál væl móttikin Svimjing Ein fitt fjøld av fólk var komin at taka ímóti heimsins fjórðbesta svimjara, Pál Joensen, ið fyrst fekk móttøku í Havn og síðani í Vági. Sjálvur var hann fegin og takksamur Myndir: Rólant Waag Dam