mánadagur 15. august 2011síða 21

21 Mánadagur 15. august 2011 · Nr. 93 Sosialurin Ítróttarblaðið 1. deild menn/kvinnur Tróndur Arge Úrslitini um vikuskiftið kundu illa laga seg betri fyri FC Suðuroy enn tey gjørdu. Á heimavølli hevði FC Suðuroy lítlar og onar trupulleikar av næstbesta liðnum hjá Víkingi. FC Suðuroy var á odda 3-0 aftaná ein hálvan tíma. David Asare legði FC Suðuroy á odda tá dysturin var tíggju minuttir gamal. Síðani økti John T. Poulsen til bæði 2-0 og 3-0 fyri hálvleik. Í seinna hálvleiki minkaði Ingi Sørensen fyri Víking, áðrenn David Asare og Tóki Brattalíð øktu til endaliga úrslitið 5-1. Javnt á Argjum Á Argjum var toppuppgerð millum nummar tvey, AB, og nummar trý, TB. Argjamenn hava strykt seg við Ebba Kristin Thomsen, Stig-Roar Søbsted og Bárði Olsen. Men síðani summarferiuna er tað blivið til tveir javnleikir og ein sigur. Javnleik á útivølli móti NSÍ og leygardagin á Argjum móti TB. TB kom á odda longu eftir 11 minuttir við máli, ið Dan Mortensen skoraði. Í seinna hálvleiki javnaði Milan Kuljic fyri AB til endaliga úrslitið 1-1. Úrslitið merkir, at AB nú liggur trý stig aftanfyri FC Suðuroy, sum eisini hevur spælt ein dyst færri. TB hevur eitt stig færri á triðja plássi, men hevur eins og FC Suðuroy spælt ein dyst færri enn argjamenn. FC Hoyvík vann í evstu løtu Í Gundadali vann FC Hoyvík 2-1 á teimum næstbestu hjá HB. Tað var annars HB, ið kom á odda við máli, sum Jákup Slættalíð skoraði eftir hornaspark. Eyðun Højgaard javn­aði tá dysturin var ein tíma gamal. Innskifti Jan M. Laursen rak seg leysan í brotsteiginum og legði bóltin fyri føturnar á Eyðuni, sum javnaði úr stuttari fjarstøðu. Avgerandi málið kom ikki fyrr enn í evstu løtu, tá Eyðun Højgaard var fyrstur á eftir horna. NSÍ vann á EB/Streymi Teir næstbestu hjá NSÍ vunnu 4-2 við Løkin móti teimum næstbestu hjá EB/Streymi. Jóannes Hansen legði heimaliðið á odda tíðliga í fyrra hálvleiki. Lítla løtu seinni javn­aði Arnar Dam fyri Eb/Streym. Tveir minuttir fyri hálvleik legði Arni Gregersen NSÍ á odda 2-1. Aftur javn­aði EB/Streymur innanfyri heilt stutta tíð. Hesa ferð við máli, ið Andru Poulsen skoraði. Í seinna hálvleiki skoraði Viggo Johannesen tvey mál og avgjørdi dystin til fyrimuns fyri NSÍ. Skála vann uttan dyst Á Skála vann heimaliðið uttan dyst, tí 07 Vestur ikki megnaði at manna lið. Teir næstbestu hjá 07 Vestur hava einki stig fingið í ár og liggja einsamallir á niðasta plássi. Hetta er fyrstu ferð í ár, at eitt ikki megnar at manna lið til ein dyst í 1.deild. Skála liggur á fimta plássi. trondur@sosialurin.fo FCS - Víkingur 5-1 (3-1) 1-0 David Asare, 10 2-0 John T. Poulsen, 18 3-0 John T. Poulsen, 30 3-1 Ingi Sørensen, 48 4-1 David Asare, 51 5-1 Tóki Brattalíð, 81 HB - FCH 1-2 (1-0) 1-0 Jákup Slættalíð, 18 1-1 Eyðun Højgaard, 60 1-2 Eyðun Højgaard, 90 Skála - 07 Vestur 3-0 (Uttan dyst) AB - TB 1-1 (0-1) 0-1 Dan Mortensen, 11 1-1 Milan Kuljic, 52 NSÍ - EB/Str. 4-2 (2-2) 1-0 Jóannes Hansen 1-1 Arnar Dam 2-1 Arni Gregersen 2-2 Andru Poulsen 3-2 Viggo Johannesen 4-2 Viggo Johannesen FC Suðuroy við kós móti Vodafone Fótbóltur FC Suðuroy greiddi sína skyldu á heimavølli móti Víkingi, meðan AB og TB spældu javnt á Argjum. Í botninum vann FC Hoyvík ein kærkomnan sigur á HB og leitar vekk frá niðurflytingarstrikuni Myndir: Álvur Haraldsen Tróndur Arge Í einsamalla dystinum í bestu kvinnudeildini vann B36 3-2 á Skála í Gundadali. Katarina K. Saxov legði B36 á odda bæði 1-0 og 2-0 í fyrru hálvu av fyrra hálveiki. Fyrra málið kom eftir tíggju minuttir, meðan seinna málið kom sjey minuttir seinnni. Stutt fyri hálvleik økti Vár Næs til 3-0 og so var ongin í iva um, at B36 fór við sigrinum. Í seinna hálvleiki kom tó vend í. Tjúgu minuttir fyri tíð minkaði Birna T. Johannesen um munin til 3-1. Bara fýra minuttir seinni mink­aði Skála aftur um munin. Hesa ferð við máli, sum Fríðrún Danielsen skoraði. B36 megnaði tó at halda fast um leiðsluna og vinna dystin 3-2. HB fær ikki mannað lið Víkingur skuldi eisini taka móti HB um vikuskiftið, men dysturin varð avlýstur, tí HB ikki megnaði at manna lið. Hetta er annar dysturin í teimum fremstu føroysku kapp­ inginum um vikusiftið, ið varð av­ lýstur, tí feløg ikki megna at manna lið. Víkingur vinnur dystin 3-0 uttan at hava spælt. trondur@sosialurin.fo B36 heldur fast um bronsuna Fótbóltur Bara ein dystur var um vikuskiftið í bestu kvinnudeildini. KÍ er í Serbia og spælir Champions League, meðan HB ikki fekk mannað lið til útidystin móti Víkingi B36 - Skála 3-2 (3-0) Katarina K. Saxov, 10 Katarina K. Saxov, 17 Vár Næs, 43 Birna T. Johannesen, 70 Fríðrún Danielsen, 74 Víkingur - HB 3-0 (uttan dyst)