fríggjadagur 19. august 2011síða 39

23 Fríggjadagur 19. august 2011 · Nr. 95 Sosialurin Ítróttur Vodafonedeildin Tróndur Arge KÍ og HB hava samanlagt vunnið 38 FM heitið og eru søguríkastu feløgini í landinum. Sunnudagin bresta tey saman í Klaksvík. Bæði KÍ og HB eru tættari upp á niður­ flytingarstrikuna enn tey kundu hugsa sær. KÍ hevur eftir eina góða byrjan mist stevið og stevnir beint móti botninum, men mikukvøldið fingu teir eina lítla uppreins í Runavík. Hóast KÍ var aftanfyri tvær ferðir, so komu teir aftur og fingu javnleik. HB fekk somuleiðis uppreins í heimadystinum móti ÍF. Tað er tí tvey kroyst lið við góðum upp­ livingum frá mikukvøldinum, ið bresta saman í Klaksvík sunnu­ dagin. Vespur í Gundadali Seinast NSÍ var í Gundadali spældu teir málleysan javnleik móti HB. Nú er mótstøðan oddaliðið B36, sum mikukvøldið tapti fyri fyrstu ferð í ár í landskappingini. NSÍ megnaði ikki at vinna á KÍ á heimavølli og er enn í ongamannalandi á stiga­ talvuni. Í árstalsfelaginum skulu tey reisa seg eftir tapið í Streymnesi. B36 hevur í ár vunnið nógvar tættar dystir og lagið í hópinum er fram­úr. Nú skal felagið so prógva, at tað eisini tolir eitt tap. Fær B36 fult í hesum dystinum og javnleik í Gøtu umfarið eftir, so sær gott út hjá B36. Grannauppgerð í Fuglafirði Fuglfirðingar hava í alt ár fríggjað við niðurflytingarstrikuni. Ósig­urin í Gundadali sendi tap­andi steypa­ finalistarnar undir niður­flytingar­ strikuna. ÍF vísti í Gundadali, at teir eru bara ein áleypara frá at koma í gongd. Teir høvdu sínar møguleikar, men inn vildi bólturin ikki. Tapur ÍF og liðini rundan um fáa stig, stendur illa til. Víkingur tók ikki av, tá B36 snávaði. Teir eru framvegis á næst­ fremsta plássinum, men nú bara eitt stig aftanfyri B36. Talan er um eina grannauppgerð og tá hevur stigatalvan sjáldan nógv at siga, men skal Víkingur vinna FM á fyrsta sinni sum felagslið, so er ein sigur týdningarmikil á fløtugerði. B68 kann slíka seg leyst Á Toftum kemur 07 Vestur á vitjan. B68 hevur vunnið seinastu tveir heimadystirnar, umframt at liðið var bara tveir minuttir frá at fáa javnleik í Gundadali móti B36. Heimasigarnir hava skumpað B68 upp á fimta pláss, trý stig frá niður­ flytingarstrikuni. Vinnur B68 sam­ stundis sum NSÍ tapur í Gundadali, so kunnu toftamenn so smátt byrja at hyggja uppeftir. 07 Vestur hevur fleiri ferðir í ár víst, at teir hava eitt evnaríkt lið. Seinast móti Víkingi í Sørvági. Spæla menn sum Badara, Jovan Panic og Clayton væl, so er ikki óhugs­andi, at okkurt verður við í við­førinum teir vágamonnum tá teir seta kósina heim. B71 skútan steðga? B71 legði bragliga fyri eftir summar­ steðgin og vann tveir dystir á rað. Mikukvøldið gekk tó ikki longur og teir taptu 3-1 á Toftum. EB/ Streymur er greiður favorittur at vinna dystin á Sandi, men koppa marginalarnir til fyrimuns fyri ­ B71, so er møguleikin fyri stig til staðar. trondur@sosialurin.fo Risarnir kempa fyri lívinum Fótbóltur Um vikuskiftið bresta søguligu risarnir í føroyskum fótbólti saman í Klaksvík, ið einum dysti, sum kann fáa avgerandi týdning fyri hvør flytur niður í ár. Í Gundadali skal B36 verja oddasessin móti vespunum, meðan grannauppgerð er í Fuglafirði klassikarin Stórfeløgini, HB og KÍ, bresta saman í klassikara í Klaksvík, men hesuferð liggja bæði feløgini tungt í niðara endanum, og kempa tískil fyri lívinum. Í Havn vunnu teir bláu ein tryggan 4-1 sigur Mynd: Álvur Haraldsen