mánadagur 22. august 2011síða 22

Mánadagur 22. august 2011 · Nr. 96 22 Sosialurin Ítróttarblaðið Jóannes Hansen Soleiðis sum úrslitini lagaðu seg fyrr á degnum, so var møgu­leiki bæði hjá B68 og 07 Vestur at taka stórt fet burtur frá niður­flyt­ingar­ strikuni, tá ið hesi bæði liðini í gjárkvøldið hittust í góðveðrinum á Svangaskarði. Tá ið Dagfinn Forná hevði bríkslað fyri síðstu ferð, høvdu báðir partar flutt seg eitt vet burtur frá niðurflytingarstrikuni, men fetið var ikki so stórt, sum part­arnir ivaleyst høvdu vónað. Og tá ið manningarnar hugdu aftur á avrikið og leikgongdina, so var skjótt hjá báðum pørtum at ásanna, at møgu­leikin hevði verið har, men at full nytta ikki var gjørd burtur úr honum. Útgangsstøðið hjá 07 Vestur var væl skipaður verjupartur og sera stutt fjarstøða millum ketur­ nar. Dúvað varð upp á skjótar um­ stillingar, tá ið bólturin varð fang­ aður, og beinanvegin var onkur støða, sum boðaði frá, at tað kundi gerast vandamikið frammanfyri B68 málið: Miðvallarin Joseph Bassene fekk risa møguleika, tá ið hann loftaði kiksaðari afturlegging, men skot­royndin var óneyv. Løtu seinni sendi hesin sami Joseph Bassene fríspark í stólpan, og tá ið Clayton royndi seg eftir at hava fingið tamarhald á returinum, rakti hann aftur í stólpan! Gylta B68 løtan Heimaliðið hevði yvirvág størsta partin av 1. hálvleiki, og longu eftir eitt korter eydnaðist tað at gera mál. Kristian Anton Andreassen, ið ikki hevur spælt so nógv í ár, sum hann hevur gjørt undanfarnu árini, var í 1. hálvleiki annar av fremstu monnunum í klassiskari 4-4-2 upp­ stilling. Hann takkaði fyri álitið, tá ið hann, eftir at hava drigið nakað fram eftir vøllinum, við rimmar skoti av brotsteigarmarkinum sendi bóltin í málið. So hevði B68 sína gyltu løtu. Bólturin var nógv á 07 Vestur hálv­uni, men tað varð ikki altíð so vandamikið. Ikki minst tí 07 Vestur verjan var væl skipað, og serliga eyðsýndur var stóri og stinni mið­ verjin Tehé Aristidé. Hann er sann­ ur fongur hjá vágamonnum at hava fingið. Fleiri ferðir var talan um vanda­ miklar B68 støður frammanfyri málið hjá Hans Jørgensen, men tað eydn­aðist ikki toftamonnum at økja um leiðsluna, og tað kostaði í síðsta enda. Gylta 07 Vestur løtan Heimaliðið legði eisini bragdligari fyri eftir steðgin. Tá umskipaðu teir tíðliga soleiðis, at Keita var einsamallur á toppinum, og Kristian Anton og Jónleif Højgaard vóru ytstir í miðvallaródnunum. 07 Vestur var vandamikið í skjót­ um mótálopum. Joseph Bassene var góður við bóltinum, og Jovan Panic stríddist á miðvøllinum, og hann hevði gott eyga fyri at leggja røttu sendingarnar til altíð vandamikla Clayton Soares og evnaríku ungu menninar Dánjal Róa Olsen og Holgar Durhuus. Útjavnandi málið spunnu teir burtur úr skjótum mótálopi, eftir at B68 í deyðbóltsstøðu hevði havt nógv fólk frammarlaga á vøllinum. Joseph Bassene varð feldur av Kristiani Anton Andreassen, og Eli Falkvard Nielsen sendi av brots­ teigar­markinum bóltin upp um mann­garðin og í netið. So lá tað til, at 07 Vestur skuldi kroysta undirmannaða heimaliðið, men tað tóktist sum um, at ork­an ikki var til tað. Ivaleyst mundi javn­ leikurin mikukvøldið á heimavølli ímóti Víkingi hava kostað nógva orku! vodafonedeildin Felags fyri B68 og 07 Vestur er, at liðini hava leitað sær styrk uttanfyri landoddarnar. Tað sást á liðuppstillingunum á Svangaskarði í gjárkvøldið. Á B68 liðnum vóru tríggir útlendingar – Ahmed Keita, Ndende Adama Guéye og Christian Stein Stokholm. Teir vóru allir eyðsýndir, ikki minst Christian Stein Stokholm, sum er ein fínur miðverji. Fjórði fremmanda maðurin á Toftum, álopsspælarin Ibrahima Camara, hevur verið skaddur síðani mitt í juni. Tað verður roknað við, at hann verður tøkur aftur heilt skjótt. Á 07 Vestur liðnum vóru fimm útlendingar. Onkrir teirra hava verið so mikið leingi í Føroyum, at teir í fótbóltshøpi verða roknaðir sum føroyingar. Téhé Aristide og Kingsley Amunike vóru miðverjar, Joseph Bassene og Jovan Panic vóru á miðvøllinum, og Clayton Soares var fremsti maður. Ein annar útlendingur, Badara Diedhiou, sat á beinkinum alla tíðina. Hann hevur leingi verið skaðaplágaður. Fleiri av 07 Vestur spælarunum eru skaðaplágaðir: málverjin Kristian Joensen og verjuspælararnir Sjúrður Ellefsen og Rógvi E. Nielsen eru allir skaddir. Nógvir fremmandir menn At dysturin á Svangaskarði ikki var fyrr enn klokkan 18 í gjárkvøldið komst av, at tað var jarðarferð í bygdini. Oda Højgaard varð jarðað, og undan fyrsta bríksli mintust øll á Svangaskarði hana í tøgn. Synir Odu, Aksel og Ingemar Højgaard, vóru í síni tíð stuðlar á B68 liðnum, og nú eru tað ommusynirnir, Jóhan Dávur og Oddur Højgaard, sum eru partar av liðnum. Oda og maður hennara Dávur stuðlaðu væl upp undir fótbóltin hjá næstu ættarliðunum. Eitt nú høvdu tey í fleiri ár ábyrgdina av at vaska klæðini hjá B68 og av at halda tað reint og hugnaligt í hølunum hjá spælarunum. Mintust Odu Kendu ikki vitjunartíðina Fótbóltur Toftamenn misnýttu møguleikarnar, sum teir høvdu í 1. hálvleiki, og 07 Vestur tók ikki av, tá ið vágamenn síðsta korterið vóru yvirmannaðir B68 1 07 Vestur 1 Savnsmynd