mánadagur 22. august 2011síða 21

21 Mánadagur 22. august 2011 · Nr. 96 Sosialurin Ítróttarblaðið vodafonedeildin Teitur Gestsson bjargaði HB Fótbóltur Málmaðurin, ið er uppvaksin í KÍ, skoraði langt inni í yvirtíðini í gamla klassikarinum og tryggjaði samstundis HB eitt stig. Norðoyingar vóru ikki í iva um, at tá Álvur Christiansen legði KÍ á odda tveir minutir fyri, at nú vóru trý stig í hús Tróndur Arge – Klaksvík Bólturin fer av baklinjuni og Eiler Rasmussen gevur tekin um, at tað er hornaspark til HB. Tíðin er langt síðani farin og tað eru teir fýra minuttir, ið dómarin legði afturat næstan eisini. Í eini sein­asti roynd at fáa okkurt burtur úr gamla klassikarinum í Klaksvík rópar HB venjarin, Sigfríður Clementsen, á mál­ verjan hjá sær og veipar við ørm­ unum. Tað er ikki til at taka feil av hvat boðskapurin er. Teitur Gestsson skal framvið í horna­ sparksstøðuni. Innfyri royna fleiri at fáa fatur á bóltinum. Havnarmenn og klaksvíkingar stríðast fyri lívinum bæði í brotsteiginum og í landskappingini. Bólturin endar við at detta fyri føtur­nar á manninum í grønu málmans­ troyggjuni, sum er komin heilt tætt undir málið. Hann ivast ikki og smekkar til sum var tað eitt útspark. Eitt brotpart av einum sekundi seinni brestur bólturin í netmeskarnar. Eina løtu valdar tøgn. Norð­ oy­ingar standa sum kánus, meðan viðhaldsfólkini hjá havnar­liðnum ikki trúgva sín­ um eygum. Eina løtu er óvist um málið er viðurkent, men við eitt byrjar maðurin í grønu mál­ mans­troyggjuni hjá HB at tuska móti útskiftingsbonkinum við hondunum hægst. Jú, fólkini kring vøllin við Djúpumýru hava akkurát verið vitni til eitt serstakt mál í føroyskari fótbóltssøgu. Hanus trívist væl í Klaksvík Hanus Thorleifsson hevur skotið trý mál fyri HB síðani hann kom til felagið á summri 2009. Tvey av teimum hevur hann skotið í Klaksvík móti KÍ. Tað fyrra var eitt nógv umtalað mál í 2009, ið klaksvíkingar ikki mettu skuldi havt verið góðkent. Í gjár var Hanus aftur í Klaks­ vík og aftur skoraði hann. Hesa ferð var einki gali við málinum, sum kom eftir uppspæl í vinstru síðu. Klokkan á KÍ høllini er illa nokk komin runt níggju ferðir og HB hevur verið leikliga omaná og er á odda. Í eitt korter er eingin ivi um hvør er uppflytari og hvør er verandi føroyameistari. HB er omaná, men KÍ prógvaði so seint sum mikukvøldið, at teir ikki leggja kongin fyri tað um teir koma aftur um. Hjalgrím javnar Fyrri hálvleikur er bara eitt korter gamal, tá javnvág kemur í. Álvur Christiansen verður feldur uttanfyri HB brotsteigin í høgru síðu. Landsliðsleikarin og liðskiparin hjá KÍ, Hjalgrím Elttør, tekur sær av deyð­bólt­ inum. Fyrsta skotið fer beint í mann­garðin hjá HB, men Hjalgrím gevst ikki so. Bólturin kemur út aftur til manninum við 10-talinum á rygginum og hesa ferð liggur betri fyri. Hann sendir bóltin við beinari kós móti stong­ini longst vekk frá honum. Teitur Gestsson í HB málinum kann einki annað gera enn at standa og hyggja, meðan bólturin um­vegis stongina fer í mál. KÍ omaná Restina av fyrra hálvleiki spældi KÍ sum eitt lið í oddinum í før­ oyskum fótbólti. Maskinrúmið hjá klaksvíkingum, ið er mannað við Nenad Stankovic, Høgna Madsen og Hjalgrím Elttør, setti seg nú á dystin. Fleiri ferðir vísti Høgni Madsen sínar dygdir, tá hann sendi langar avleveringar út á vongin, har eitt nú Kristoffur Jakobsen fleiri ferðir tók ímóti. Tað var eisini nógv lív í KÍ liðskiparinum, ið royndi at bjóða av og annars stýra restina av KÍ liðnum. Tættastur við at leggja KÍ á odda var Sigmund G. Jacobsen, tá hann úr vinstru meddaði til bóltin. Einasta orsøkin til at bólt­urin ikki brast í málið var, at Teitur Gestsson fekk hondina á harða skotið. Í ein hálvan tíma var KÍ omaná og spælið hjá teim­ um var gott og skapandi. HB spælið hekk hinvegin illa saman og fleiri feðir stóð Sigfríður á síðulinjuni og ýldi á sínar leik­ arar um at spæla bóltin runt, ið staðin fyri at sparka langar bóltar í høvdið, ella væl omanfyri høvdið á Andrew av Fløtum og Jón Krosslá Poulsen. Linur seinni hálvleikur Var fyrri hálvleikur undirhald­ andi og spennandi at hyggja at, so er ilt at siga tað sama um seinna. Bæði liðini høvdu hug at hála í hondbremsuna og tí var sjáldan vandi á ferð. HB hevði bóltin, men megnaði sjáldan at spæla seg fram til nakrar mál­møguleikar. KÍ lá og bíðaði eftir HB og royndi at fanga teir í nøkrum skjótum mótálopum. Tættastur fyri klaksvíkingar mundi helst verða Hjalgrím, tá ein góður tími var leiktur, men roynd­in fór framvið málinum. Fyri HB var Jón Krosslá Poulsen, ið byrjaði inni í dag, tættastur við at skora, tá hann kom í góða støðu góðar tíggju minuttir fyri tíð. Tíverri fyri hann, so fór skot­ royndin omanfyri. Álvur avgerð dystin – halda teir Tá klokkan á KÍ høllini vísur 88 minuttir sendir Høgni Madsen eina frálíka langa avlevering úr egnari hálvu oman í vinstra borð. Heilt úti við síðulinjuna tekur Kristoffur Jakobsen ímóti og setur kós móti HB málinum. Hann roynur seg við dribbling og skoti, men HB verjan stendur í vegin. Bólturin kemur útfrá til Hjalgrím Elttør, ið meddar til. Teitur Gestsson hálvbjargar og so er Álvur Christiansen fyrstu á og leggur KÍ á odda. Tey eru fá, ið ikki halda, at Álvur hevur avgjørt dystin. Eina seinastu roynd Teir seks minuttirnar, ið eftir eru av dystinum, tveir minuttir av vanligari leiktíð og fýra minuttir av eykatíð, roynur HB at leggja trýst á. Millum annað verður Fróði Benjaminsen kroyrdur úr verjuni og fram í álopið. HB lið­skiparin ger eisini um seg beinan­vegin og stutt inni í yvir­ tíðini er hann nær við at javna, men bólturin ferð eina Sim-korts long viðsíðuna av. Var nakar í iva áðrenn, so er ongin í iva nú. KÍ hevur vunnið dystin millum risarnir í føroyskum fót­bólti og bjargingin er nærri, men bara til maðurin í grønu mál­mans­ troyggjuni kemur fram við. trondur@sosialurin.fo bjarging Ungi málverjin bjargaði HB við at skora útjavnandi málið í evstu løtu Mynd: nordlysid.fo KÍ 2 HB 2