fríggjadagur 26. august 2011síða 47

Sosialurin nr. 98 · 26. august 2011 15 Sum nevnt er hetta eitt greinasavn, og tá slepst ikki undan, at sumt verður tikið upp aftur, í einstøkum førum ganga somu orðingar aftur úr grein í grein. Men hetta er einki álvarsligt brek, tí í sambandi við evni sum hesi kann uppafturtøka vera gagnlig. Nú gevur so virkna bókaforlagið SPROTIN ”Orðalagslæru” hjá Jeffrei út aftur dagførda. Fyrsta útgáva er frá 2000. Í ”Mállæru”, 1997 eru 27 síður um orðalagslæru. Tann bókin er ætlað elstu flokkum fólkaskúlans. Her kemur so serstøk orðalagslæra ( 1. útgávan var 270 síður). Hon vísir, at Jeffrei, tá ið kemur til hesa sergrein, er nógv tann kønasti á økinum. Bókin er ein fongur fyri hægri útbúgving í føroyskum, á Føroyamálsdeildini og á læraraútbúgvingardeild Fróðskaparseturs Føroya. Sum hann royndist okkum trimum læraraskúlanæmingum lýsandi fyrimynd tá í 1968, er Jeffrei enn stóra fyrimyndin, tá ið kemur til at útvega tilfar til og at viðgera móðurmálsundirvísing her á landi.