mánadagur 29. august 2011síða 20

Mánadagur 29. august 2011 · Nr. 98 20 Sosialurin Ítróttarblaðið Hilmar Jan Hansen Líka síðani fyrstu føroysku ser­sam­ bond­ini í 70-unum fingið altjóða lima­skap, hevur viðurkenning frá al­tjóða olympisku nevndini, IOC, ver­ið ein stórur føroyskur dreymur. Men hóast ein ítróttargrein fyri og onn­ur eftir hevur vunnið sær al­ tjóða viðurkenning, eru Før­oy­ar ikki slopnar upp í part í olymp­isk­ um høpi. Nú ungi vágbingurin, Pál Joen­ sen, hevur svomið seg til olympisku leik­ir­nar í London næsta summar, har hann skal umboða Danmark, tí annað ber ikki til, er kjakið um al­tjóða olympiska viðurkenning kykn­að av nýggjum. – Vit søktu upprunaliga í 1984 um at fáa limaskap í IOC, og aftur í 2004 var umsóknin endurnýggjað við enn fleiri grundgevingum, men vit kunnu bara staðfesta, at vit enn ikki hava fingið altjóða olympisku viður­kenningina, men fyri tað gev­ ast vit ikki á hondum, sigur forsetin í Ítróttasambandinum, Petur Elias Petersen. – Okkara sjónarmið er, at vit fram­vegis vilja halda fast við, at okkara umsókn um limaskap eigur at verða viðgjørd eftir teimum treyt­um, sum vóru galdandi í 1984. Enn eru vit ikki blivin hoyrd, men eiga hinvegin nógvar og góðar vin­ ir í ítróttinum, ikki minst í olymp­ iskum høpi, so eingin orsøk er til at gevast við stríðnum fyri viður­kenn­ ing og IOC-limaskapi. Minna á gamla umsókn Sum nevnt, varð fyrsta føroyska OL-­umsóknin send avstað í 1984, men viðgerðin av henni var einki ser­lig. IOC vildi í fyrsta umfari hava Før­oyar at gera onkrar smávegis til­la­g­ingar í lógunum hjá ÍSF, men hóast tað var gjørt beinanvegin, hoyrd­ist einki aftur frá IOC. – Eitt nú royndu okkara norð­ur­ lendsku vinir at skunda undir eina við­gerð av føroysku umsóknini, men tað gekk ongan veg. Seinni hava vit so funnið útav, at spanski IOC-forsetin, Samaranch, bein­ leið­is arbeiddi ímóti føroysku við­ ur­kenningini, tí hon kundi havt við sær positivar avleiðingar fyri Gibralt­ar, sum tá eisini søkti um OL-limaskap, sigur Petur Elias Peter­sen. – Sjálvt um reglurnar fyrst í 90-unum blivu broyttar, so nýggj lima­lond í IOC nú skuldu vera sjálv­støðugar tjóðir við ST-lima­ skapi, hava vit áhaldandi víst á, at okkara umsókn frá 1984 eigur at verða viðgjørd eftir teimum treyt­ um, sum tá vóru galdandi. Higartil hev­ur tað tó einki givið, men vit æt­la at blíva við, tí vit trúgva upp á samráðingarvegin í hesum máli­ num. ÍSF-forsetin vísir á, at um­ framt norðurlendskan stuðul í OL-málinum, hevur føroyska við­ur­kenningin í altjóða ítrótti annars givið nógvar vinir, ið fegn­ ir vilja hjálpa Føroyum fram á leið. Í europeiskum høpi verða um­boð fyri ÍSF boðin við sum eyg­leið­ar­ar til árligu aðalfundirnar í euro­pe­ isku olympisku nevndini, EOC. – Sjálvt um vit bara eru við sum eyg­leiðar­ar, sleppa vit har at gera vart við okkara sjónarmið, og tað fløv­ar væl at merkja, at fleiri taka und­ir við okkum og vilja rætta okk­ um eina hjálpandi hond, sigur Petur Elias Petersen. Vilja samráðast Gibraltar, sum heldur ikki hevur fing­ið olympiska viðurkenning, hev­ur valt at farið rættarliga vegin fyri at fáa sín rætt, men uttan at tað í veruleikanum hevur givið nakað. Mill­um annað hevur Gibraltar roynt at fingið sítt mál tikið upp í altjóða ítróttardómstólinum, CAS, men enn er eingin endalig niður­ støða gjørd har. – Vit kundu sjálvandi valt at gjørt tað sama, men eftir okkara tykki gevur tað onga meining, at vit royna at trýsta okkum inn upp á tann mátan. Heldur vilja vit fáa í lag veruligar samráðingar við IOC um, hvussu vit kunnu fáa limaskap, sig­ur Petur Elias Petersen. – Hetta er nakað, ið tekur tíð, men vit vilja heldur royna at brúka tey góðu viðurskifti, sum vit frammanundan hava við hópin av fólki í olympisku rørsluni, tí vit trúgva nógv meira upp á tann veg­ in. Og enn hevur Gibraltar ikki fing­ ið nakað meira burturúr enn vit, við at fara í rættin. OL-arbeiðið stendur við OL – Fyri tað um vit enn ikki hava fingið olympiska viðurkenning, gevast vit ikki á hondum, sigur ÍSF- forsetin, Petur Elias Petersen. Føroyar søktu í 1984 um altjóða olympiska viðurkenning og mintu í 2004 á umsóknina og at Føroyar áttu at fingið OL-limaskap eftir treytunum, ið vóru galdandi í 1984 TRÝSTA IKKI – Eftir okkara tykki gevur tað onga meining, at vit royna at trýsta okkum inn í IOC umvegis rættarskipanir. Heldur vilja vit fáa í lag veruligar samráðingar við IOC um, hvussu vit kunnu fáa limaskap, sigur Petur Elias Petersen, ÍSF-forseti Mynd: Finnur Justinussen/Fotostudio