mánadagur 29. august 2011síða 21

21 Mánadagur 29. august 2011 · Nr. 98 Sosialurin Ítróttarblaðið Hilmar Jan Hansen Fyri einum lítlum mánaði gjørdist greitt, at Pál Joensen væl og virði­ liga kláraði kravtíðina til olympisku leik­ir­nar í London næsta summar, tá hann setti bæði føroyskt og norð­ ur­lendskt met á 1500 metra teini­ num í frísvimjing og enntá vann eitt fjórða pláss í HM-kappingini í Shang­hai. Alt bendir tískil á, at Pál fer at stíga í fótasporini hjá Katrin Olsen, sum í 2008 sjálv onnur var við í kapp­róðri á olympisku leikunum í Beijing, har hon umboðaði Dan­ mark í kappróðri í bátaslagi, sum ikki verður brúkt í Føroyum. At Før­ oy­ar tveir olympiskar leikir á rað hava fólk við, man væl og virðiliga vera eindømi fyri so lítla tjóð. At Pál megnaði kravtíðina á 1500 metrum í Shanghai, hevur giv­ið honum eitt pláss á danska svimji­ lands­liðnum, har hann enntá hevur fing­ið serliga góðar sømdir, tí hann og venjarin, Jón Bjarnason, fáa frið at fyrireika seg upp á vanliga mát­ an heima í Vági, áðrenn danska svimji­landsliðið stutt undan OL fer á venjingarlegu í Spania. – Tað er deiligt at koma við á danska liðið upp á tann mátan, at man sleppur at gera næstan sum man vil, tí tað er nokk eingin av danskarunum, ið hevði sloppið tað, stað­festi Pál Joensen, tá móttøka var fyri honum eftir væl eydnaðu HM-kappingina í Shanghai. Júst henda kapping var enn ein staðfesting av, at Pál er partur av ikki bara europeisku elituni í svimj­ing, men sjálvari heimselituni. Hann hevur gjørt vart við seg í fleiri kappingum og hevur kappast um heiðursmerki í bæði World Cup-, EM- og HM-kappingum, so í al­tjóða svimjiumhvørvinum er tað skjótt eingin, ið ikki veit, hvør ungi vág­bing­urin er. Øðrvísi OL-treytir Í svimjing er eingin ivi um, at hægs­ ti heiðurin er at kappast í OL-høpi, og HM-kappingin í Shanghai var hjá flestu svimjarum bara eitt slag av upphiting til olympisku leikirnar kom­a­ndi summar. Heldur ikki er nakar ivi um, at hægsta ynskið hjá Pál hevur verið, at hann skuldi um­ boða Føroyar í olympiskum høpi. Hetta ber tó ikki til, so leingi Føroyar ikki hava fingið sjálv­ støðugan limaskap í altjóða olymp­ isku nevndini, IOC, og tí noydd­ ist Ítróttasamband Føroya at ganga aðrar leiðir fyri at tryggja Pál Joensen møguleikan at liva dreymin sum svimjari fult út. – Reglurnar siga, at svimjarar fáa eitt árs karantenu, um teir skifta tjóð­skap, so okkum stóð greitt, at skuldi Pál røkka dreyminum um olymp­iska svimjing, var neyðugt at fáa øðrvísi sømdir. Um vit skuldu fylgt vanligu reglunum, hevði Pál ikki fingið umboðað Føroyar eitt ár undan OL og heldur ikki eitt ár eftir OL, sigur Petur Elias Petersen, for­ seti í Ítróttasambandinum. – Vit fingu tíbetur eitt gott úrslit burt­ur úr samráðingum millum al­ tjóða olympisku nevndina, IOC, altjóða svimjisambandið, FINA, og tær føroysku og donsku ítrótt­ ar­rørslur­nar, so Pál Joensen bæði kann umboða Føroyar í altjóða kapp­ingum, sum hann longu ger tað, og Danmark í olympisku leiku­ num, uttan at hann skal í karantenu eitt ár hvørju megin OL. Pál sum jarnbrot Bæði Pál og onnur høvdu sjálvandi helst sæð, at tað bar til at umboða Før­oyar beinleiðis í OL-høpi, men so leingi sum tað ikki ber til, er nú­ verandi loysnin avgjørt tað fræg­as­ ta, ið kann fáast burturúr. – Fyri okkum í Ítrótta­sam­bandi­ num hevur tað nógv at siga, at vit framhaldandi kunnu arbeiða fyri at vinna Føroyum sjálvstøðugan olympiskan limaskap, men uttan at tað forðar nøkrum føroyskum ítrótt­ar­fólki í at sleppa við til olymp­isku leikirnar. Tað letur seg gera í hesum førinum hjá Pál, og tað kunnu vit bara fegnast um, tí hetta er eitt stórt frambrot, sigur Petur Elias Petersen. – Tað er so heldur eingin loyna, at um væl gongst honum í London næsta summar, kann tað eisini hjál­ pa væl til í okkara innsatsi fyri at fáa olympiska viðurkenning, og okk­ara vón er sjálvandi, at Pál kann verða eitt slag av einum jarnbroti, ið gongur undan og kanska kann vin­na meira enn bara eitt gott úrs­ lit í svimjihylinum. Hendir tað, at hann fær eitt sera gott úrslit, verð­ ur tað bara enn torførari hjá altjóða olympi­ska umhvørvinum at renna und­an Føroyum. hilmarjan@sosialurin.fo Hilmar Jan Hansen Hóast Føroyar í altjóða ítrótt­ ar­høpi ikki hava havt stór­ vegis trupulleikar við at fingið limaskap, hevur enn ikki borið til at sloppið ígjøgn­um nálareyga hjá altjóða olymp­ isku nevndini, IOC. Før­oyar hava fingið altjóða við­ur­ kenning í badminton, boga­ skjót­ing, borðtennis, flog­bólti, fótbólti, hondbólti, judo og svimjing, sum alt eru olymp­ iskar ítróttargreinar, umframt at ÍSB hevur fullan limaskap í paralymp­isku nevndini, IPC. Altjóða olympiskur lima­ skap­ur vildi havt nógvar fyri­ munir við sær fyri føroyskan ítrótt. Ein partur av tí er før­ leika­menning og átøk av yms­ um slagi, men ikki minst hevði fíggjarligi fyrimunurin ver­ið stórur og sjónligur, tí ein part­ ur av inntøkunum hjá IOC fer í ein stuðulsgrunn, ið lutar út pen­ing til limalondini eftir ávís­um lutfalli. Hartil kemur so, at Føroyar sum olympiskur limur kundu verið við í eitt nú europeisku leiku­num fyri smátjóðir, sum eru leikir fyri olympisk lima­ lond, ið hava færri enn eina millión íbúgvar. Har kappast Andorra, Ísland, Kypros, Liechten­stein, Luxembourg, Malta, Monako, Montenegro og San Marino, og eingin ivi er um, at føroysk ítróttarfólk væl og virðiliga kundu bjóðað av her. hilmarjan@sosialurin.fo Olympiskir fyrimunir Pál sum OL-jarnbrot OL Ein serlig avtala ger, at Pál Joensen kann umboða Føroyar í øllum altjóða kappingum, samstundis sum hann umboðar danska ríkið á olympisku leikunum í London næsta summar – uttan at hava karantenu í eitt ár hvørju megin OL OL-JARNBROT Ítróttarsambandið vónar, at Pál Joensen umvegis OL í London næsta summar kann verða eitt slag av einum jarnbroti, ið gongur undan og kanska kann vinna meira enn bara eitt gott úrslit í svimjihylinum Mynd: Álvur Haraldsen