mánadagur 29. august 2011síða 64

vika 35 l 29. august 2011 32 Heystferia Vikutema kunning Vilmund Jacobsen Í 2005 smíðaði Tórshavnar Skipasmiðja, sum hon tá kallaðist, tveir trolbátar, sum vóru systirskip. Annar fekk navnið Skálafossur við útgerðarmanninum, Dánjali Jacobsen í Vestmanna – og hin navnið Hansa Maria við útgerðarmanninum, Hans Andriasi Poulsen, ættaður av Toftum. Seinni smíðaði skipasmiðjan eisini triðja trolbátin av hesum slagnum. Tað var Fiskaklettur við útgerðarmanninum, Bjarna Kass. Bæði Skálafossur og Hansa Maria vórðu seinni longdir á Skála Skipasmiðju, har 1.8 metrar vórðu settir upp í hvørt skipið. Tá Fiskaklettur varð smíðaður, fekk hann somu longd, sum hinir báðir fyrru høvdu fingið eftir leingjan. Skrokkarnir eru smíðaðir í Póllandi, men føroyska skipasmiðjan eigur alt ”konseptið”. Tað merkir, at skipini eru teknað í Føroyum, og tá skrokkarnir komu heim úr Póllandi, varð alt arbeiði, sum tá var eftir at gera, gjørt í Føroyum. Áðrenn vit sleppa hesum trimum skipanøvnunum, kunnu vit við virðing nevna, at trolbáturin, Hans Maria, er uppkallaður eftir systir Hans Andrias við sama navni. Systrarnar, Hansa Maria og Helena, vóru fyri syndarligari vanlukku á Toftagjógv fyri umleið 30 árum síðan, har bilurin í nógvari hálku fór á sjógvin, og báðar druknaðu. Um hesar tríggjar bátarnar í bólki 4T kunnu vit annars siga, at teir eru við til at tryggja okkum flatfiskin. Hetta er kanska einasti skipabólkur, sum ger nakað munandi fyri at skilja tosk og hýsu frá eitt nú flatfiski og øðrum fiskasløgum. Hetta verður gjørt við innsettari rist í trolinum. Skálafossur, Hansa Maria og Fiskaklettur eru sera snøggir bátar. Fakta Skipaslag: Trolbátur (4T) Longd: 19,10 metrar Breidd: 5,75 Tríggir trolbátar og systirskip Skálafossur, Hansa Maria og Fiskaklettur eru systirskip. Skrokk­ar­nir eru smíðaðir í Póllandi, men restin av arbeið­ num er gjørt í Føroyum. Skipasmiðjan MEST eigur alt kon­ sept­ið til hesar trolbátarnar – frá byrjan til enda Magnus Gunnarsson Bilurin hesa vikuna er ein fýra tons Thames Trader lastbilur hjá Harry Strøm í Vági frá 1963. Bilurin varð keyptur til arbeiðið at útbyggja elverkið í Botni, har hann m.a. koyrdi tey nýggju rørini norður. Hann koyrdi eisini við arbeiðsfólki norður í Botn og heim aftur hvønn dag. Í hesum sambandi hevði ein timburmaður í Vági, kallaður Tom í Líð, gjørt eina galesju oman á lastina. Tá arbeiðið við elverkinum í Botni varð liðugt, fór Harry fór at koyra kol og annað fyrifallandi. Sonur Harry, Torkil Strøm, minnist, at pápin koyrdi nógv fyri fólk, og at hann t.d. koyrdi til Hvalba og Rangabotn eftir koli í sekkjum. Bilurin var upprunaliga ljósagráur, og nakað seinni varð hann lakkeraður reyður. Hann hevði dieselmotor, sum ikki var so vanligt tá í tíðini. Á hurðini stendur Harry Strøm, Vágur tlf 32. Bilurin kostaði umleið 30.000 kr. Thames Trader vórðu framleiddir av Ford Motor Company í Onglandi frá 1957-1965. Myndaeigari: Torkil Strøm Thames Trader hjá Harry Strøm Myndin er av Hansu Mariu, tá trolbáturin flaggskrýddur stevndi inn í skipahavnina á Toftum Mynd: Vilmund Jacobsen Tað var morgun, áðrenn unga gentan kom aftur úr býnum: Pápin: - Tú hevur havt tað nakað stuttligt í nátt, ha? Gentan: - Hví sigur tú so? Pápin: - Tú hevur hol á vinstra nylonsokki... Gentan: - Ja - og...? Pápin: - Tá tú fór avstað, var hetta tann høgri... Maðurin hevði verið á skeið í eina viku. Nú hann var á veg heim, ætlaði hann sær "revanche" í sovikamarinum. Tá tey høvdu fonglast eina løtu, bankar grannakonan á betongveggin og rópar: - Kann eg heldur ikki fáa frið at sova í nátt, nú tit hava hildið gang í eina heila viku... Maðurin sigur við konuna, at nú ætlar hann at gera okkurt við sín "figur". Konan: - Tað nýtist tær ikki. Tú líkist jú eini heilari miljón... Maðurin: - Ja, tað kann væl vera, men miljónin stendur á skeivari konto...