fríggjadagur 2. september 2011síða 26

Fríggjadagur 2. september 2011 · Nr. 101 26 Sosialurin Ítróttur Tróndur Arge – Tórsvøllur Veðrið hevði hildið sær allan dagin, men nú var bæði vindur og regn. Ein fyri og annar eftir fóru teir á vøllin. Millum annað Andrea Pirlo, Antonio Cassano, Alberto Aquilani, Gianluigi Buffon og tann nógv umtalaði Mario Balotelli. Teir flestu sóu nakað kaldir út og høvdu húgvu á høvd­inum. Venjingin byrjaði við eitt sindur av upphiting og síðani spældu teir ein dyst á hálvum vølli. Dysturin var stuttur og fyrstur av vøllinum var ein kaldur Antonio Cassano. Í so­kallaðu »mix-zone’ini« vóru fjølmiðlarnir saman við nøkr­um av viðhaldsfólkunum og gjørdu samrøður og heilsaðu upp á leikararnar. Millum teir prátingarsomu var málmaðurin, Gianluigi Buffon. Hann tosaði dúgliga við fjølmiðlarnar og annarhvør setningur endaði við einum smíli. Eisini Giueseppi Rossi tók sær góða tíð at práta við italsku fjølmiðlarnar. Kendasti maðurin hesi megin mix-zone’ina var uttan iva fyrrverandi Chelsea venj­arin, Claudio Ranieri. Hann er við­ merkjari á italskum sjón­varpi. Fleiri av italsku viðhalds­fólkunum vístu honum stóran ans. Fyrrverandi venjarin vísti seg eisini frá síni sympatisku síðu, tá hann hann tosaði við føroysku børnini, ið vóru komin at heilsa upp á stjørnurnar úr Italia. Tað hevur fyrr verið fleiri fólk til venjing á Tórsvølli, men hetta er kann koma at vísa seg at verða eitt tað sterkasta landsliðið vit nakrantíð hava møtt. Sterkari enn tá Italia kom hendan vegin sum heims­meist­ari í 2007. Heldur 1-0 enn 2-1 Málmands legendan í italska málinum, tann 33-ára gamli Gianluigi Buffon, ætlar ikki at føroyingar skulu fáa mál aftur hesa ferð. – Eg vil heldur vinna 1-0 enn 2-1, segði hann við italskar miðlar og vísti á, at hann fram­vegis minnist at tað var sami maður, ið skoraði bæði málini móti honum seinast liðini vóru í bólki saman. Tá vann Italia 2-1 á Tórsvølli og 3-1 í Italia. Rógvi Jacobsen skoraði bæði føroysku málini. – Eg minnist at eg mátti gera eina góða bjarging móti end­anum av dystinum, fyri at tryggja okkum sigurin, segði hann víðari. Deiligt at koma til Føroyar Hóast Gianluigi Buffon livir eit lív, sum tey flestu bara kunnu droyma um, so dámar honum væl at koma ti Føroyar av og á. Hann var eisini við í 2007. – Mær dámar væl at koma til eitt tílíkt stað har tað er friðarligt og tú kanst hugsa um lívið, segði ein blíður Gianluigi Buffon við italsku miðlarnar. Juventus málverjin hevur spælt 106 landsdystir fyri Italia og hevur umframt Juventus, bara umboðað barn­dóms­fel­ag­ið, Parma. trondur@sosialurin.fo Gianluigi Buffon: Tróndur Arge – Tórsvøllur Í annaðkvøld skal hann spæla móti Føroyum á Tórsvølli. – Tað eru tvey ymisk lið, tað er einki at ivast í, sigur Giuseppe Rossi, sum undan dyst­inum móti Barcelona, var við til at sparka danska OB úr Champions League. Italska landsliðið hevur skift spælistíl seinnu árini og hevur stílin hjá Barcelona sum fyrimynd. Spælið skal ganga skjótt og leikararnir verða skjótir og kunna flyta seg nógv, fortelur ein italskur tíð­inda­maður á hálvbrotnum enskum. – Vit kunnu ikki hugsa um at spæla sum Barcelona til hendan dystin. Vit skulu bara hugsa um at vinna, sigur Giuseppe Rossi, tá hann verður spurdur uppleggið til dystin í annað­kvøld. trondur@sosialurin.fo føroyar - italia Eg minnist væl Rógva Landsdystur Klokkan gott og væl 18:30 í gjár­kvøldið komu italsku super­stjørnurnar á Tórsvøll at venja. Leikararnir, ið flestu bara kunnu droyma um at møta. Og her vóru teir, á Tórsvølli fyri at fyri­reika seg at spæla móti Føroyum Italski málverjin, Gianluigi Buffon Mynd: Jens Kristian Vang Italienskar stjørnur venja á Tórsvølli Mynd: Jens Kristian Vang Giuseppe Rossi í dysti fyri Italia Liðfelagin hjá Gunnari Nielsen í Manchester City, Mario Balotelli, er ein av mongu vandamiklu áleyparunum hjá Italia Mynd: Jens Kristian Vang Frá Barcelona til Føroyar Landsdystur Villareal framherjin, tann 24-ára gamli Giuseppe Rossi, spældi fyri fáum døgum síðani móti Barcelona í sponsku landskappingini