mánadagur 5. september 2011síða 4

Mánadagur 5. september 2011 · Nr. 102 4 Sosialurin Snorri Brend - Vit ynskja at leggja ein bønarring kring oyggjarnar og øll grannalond okkara ímóti tí antikristiliga ráki­ num, siga teir báðir ikki sørt spentir á málinum, nú tað av álvara nærkast til stevnuna. Í eina tíð hevur verið arbeitt við at fyrireika stevn­ una, sum væntandi fer at hava einar 30 gestir úr øllum grannalondum okkara, umframt føroyingarnar. Hugskotið til hesa ráð­ stevnuna er í roynd og veru 15 ára gamalt. Tað stavar frá eini líkn­andi stevnu sum varð hildin á Hotel Føroyum í 1996. - Eg havi síðani luttikið á fleiri líknandi stevnum í grannalondum okkara. Men tað var serliga aftaná eina slíka stevnu í Týsklandi fyrr í ár, at eg kendi tað so, at vit áttu at havt eina slíka stevnu aftur, greiðir Tummas Jacobsen frá. Her í Týsklandi hava tey havt ein serstakan bønar­ miðdepil seinastu seks árini, har fólk eru í bøn allar 24 tímarnar um samdøgrið. - Um vit nakrantíð koma so langt sum tey, dugi eg ikki at siga. Men tað hevði verið ótrúligt, um vit kundu havt fólk sum vóru í bøn alt samdøgrið fyri landi og fólki okkara. Fyrsta stigið á hesi leið kann í øllum førum verða tik­ ið á bønarráðstevnuni, sum snøgt sagt hevur til enda­ máls og eitur "Norðurlond aftur til Gud". Út at biðja Nú eru bert tríggjar vikur til stevnan byrjar, og longu nú er skráin fyri ein stóran part liðug. Skipað verður soleiðis fyri, at hvørt einstakt Norðurland fær høvið at leggja fram síni serstøku bønarevni. Eftir tað verður so biðið fyri hesum ymisku evnunum. Ætlanin er somuleiðis at fara til ávís støð, har luttak­ ararnir kunnu steðga á at biðja fyri staðnum, bygningi­ num og teimum sum rørast her ella búgva her. Sum nevnt verður miðað eftir at fáa gestir úr øllum Norðurlondum við. Við til stevnuna verða eisini fólk úr ymiskum kirkjum og samkomum kring alt landið. Stevnan endar sunnu­ dagin 25. september klokkan 16, við at allir luttakararnir fara í bøn fyri Ísrael. snorri@sosialurin.fo Stór kommuna við sjey valstøðum Runavík: Sum kunnugt verður fólkatingsval 15. september. Her skulu eisini føroyingar - og fólkið í Runavíkar kommunu - eisini greiða atkvøðu. Runavíkar kommuna er stór í ummáli, og tí verður skipað soleiðis fyri, at fólk, sovítt gjørligt kunnu velja á sínum heimstaði. Sambært eini kunngerð frá Runavíkar kommunu, verður høvuðsvalstaðið í Ítróttarhøllini í Runavík, har fólk úr bygdunum Skipanes, Søldarfjørður, Lamba, Lambareiði, Glyvrar, Saltangará, Runavík, Rituvík (myndin) og Æðuvík skulu greiða atkvøðu. Skálafólk velja í pensjónistahúsinum á Skála, fólk í Skálafirði í skúlanum í Skálafirði og fólk í Oyndarfirði somuleiðis í bygdarskúlanum. Elduvíkingar og fólk í Funningsfirði velja í teirra egna bygdarskúla, og tað gera tey somuleiðis í Funningi. Eins og aðrastaðni byrjar atkvøðugreiðslan klokkan 9:00 og heldur fram til klokkan 20.00, ella so leingi veljarar møta uttan steðg. sb. Jóngerð er ársins borgari Sørvágur: Næstseinasta vikuskifti var eitt serligt mentanartiltak í bygdini. Henda leygarmorgunin var, sum siður hevur verið, morgunmatur fyri bygdarfólkinum. Veðrið var ikki til vildar, so tiltakið, sum skuldi verða niðri á Stakka, varð flutt inn í dansistovuna. Eftir morgunmatin sang Vágakórið nakarar sangir. Síðani avdúkaði borgarstjórin, Sune Jacobsen, ársins borgara. Jóngerð Mikkelsen varð vald til ársins borgara. - Eftir lógvabrestunum at døma, so vóru áhoyrarnir sera væl nøgdir við hetta valið, skrivar Sørvágs kommuna á heimasíðu sínari. sb. Fara í bøn fyri Norðurlondum Ein líknandi bønarráð­ stevna sum henda varð hild­in í Havn í 1996. Ta ferð­ ina vóru 300 luttakarar. Eftir hetta kundu lut­tak­ararnir staðfesta fleiri viðurskifti, ið vórðu broytt. Eitt heilt ítøki­ligt bønarsvar var, at fiskur brádliga kom aftur á grunn­arnar, og at einkar­ rætt­urin til útvarpið varð avtikin stutt eftir. Hetta slóð­aði fyri útvarps­ rásunum Lindini og eisini Rás2. - Okkara vakra land hevur framvegis brúk fyri for­bøn, siga Johan Petur Johannesen og Tummas Jacobsen. - Vit fara nú í bøn fyri Norðurlond, siga teir báðir, Johan Petur Johannesen (vinstrumegin) og Tummas Jacobsen, sum eru við til at fyrireika bønarráðstevnuna seinni í mánaðinum BØN RÁÐSTEVNA Seinni í mánaðinum verður ein serstøk norðurlendsk bønarráðstevna hildin í Vesturkirkjuni og Filadelfia í Havn. - Okkara bøn er at fáa Norðurlond at venda sær aftur til Guds, siga tveir av fyrireikarunum, Tummas Jacobsen og Johan Petur Johannesen. Stevnan verður í døgunum 22. til 25. september Einkarrættur