mánadagur 12. september 2011síða 41

Hósdagin er fólkatingsval, og Javnaðarflokkurin bjóðar seg fram at umboða allar føroyingar Í fýra veljarakanningum upp í slag er Javnaðarflokkurin gingin fram. Okkum vantar nú bara tað síðsta fyri at vinna annað fólkatingsumboðið. Um tað eydnast, stendur í tínum hondum. Men eg kann vissa teg um, at velur tú lista C, er tað eitt val, sum munar. Okkara umboð fer at røkja starvið fulla tíð. Tað er sjálvsagt fortreytin fyri, at vit kunnu fáa sum mest burturúr. Vit vilja fegin samstarva við hini umboðini úr Føroyum og Grønlandi. Men til tess at fáa veruliga, politiska ávirkan, fara vit eisini at samstarva við danska Javnaðarflokkin. Hetta tryggjar, at tað føroyska sjónarhorni altíð er við, tá avgerðir viðvíkjandi Føroyum verða tiknar. Tey málini, sum eru aktuel beint nú, snúgva seg t.d. um makrelin, fíggjareftirlitið og stjórnarskipanina. Men sjálvsagt verða nógv onnur mál komandi árini, har tað verður ein fyrimunur fyri Føroyar, at Javnaðarflokkurin er umboðaður á fólkatingi. Vit fara eisini at virka fyri at upplýsa um Føroyar og at knýta føroyskar útisetar at okkara vinnulívi, okkara skúlaskipan og samfelagnum sum heild. Eitt Javnaðarumboð verður ein virðilig, føroysk rødd í Danmark. Vit fara ikki at draga føroyskan partapolitikk á fólkating, men at røkja føroysk áhugamál í breiðastu merking. Eg vóni, at tú vísir okkum álit. Vinaliga Aksel V. Johannesen formaður Góði veljari! Vika 37 www.j.fo