mánadagur 12. september 2011síða 77

vika 37 l 12. september 2011 35 Joan Petri sigur víðari, at tey eisini leggja stóran dent á at ráðgeva teirra viðskiftafólkum um, hvussu tey skulu halda sínar tenn. Men arbeiði við tonnum er ikki einans viðlíkahald. Vit eldast øll og broytingar fara fram í munninum, við tonnunum og t.d. eisini við tannkjøtinum, soleiðis at tenninar kanska ikki sita so væl, sum tær hava gjørt. Á PETRI Tannklinikk taka vit okkum av flest øllum uppgávum sum rótviðgerð, protesur, brýr, krúnur o.s.fr. Tað er altíð ein spennandi avbjóðing at hjálpa fólki, sum hava trupulleikar við tonnunum. Ikki bara fyri at tey skulu sleppa undan tannapínu, men eisini soleiðis at tey koma at kenna seg væl, og at tey eru nøgd við sína útsjónd. Á PETRI Tann­ klinikk eru í dag eini fimm starvsfólk, og enn eru nøkur pláss eftir í avtalubókini, so tað ræður um at halda seg til, um onkur manglar ein tannlækna í høvuðsstaðarøkinum, sigur Joan Petri við einum smíli. Tørvur á tannlæknum Tað er ikki á hvørjum degi, at ein nýggj tannklinikk letur upp í Føroyum. Í nógv ár hevur stórur tørvur verið á tannlæknum, har summi øki hava verið harðari rakt enn onnur. Fyri fáum árum síðan var metingin frá Føroya Tannlæknafelag, at tað næstu árini kom at verða ein stórur tørvur á tannlæknum, m.a. orsakað av at fleiri virkandi tannlæknar nærkast pensjóns­ aldri. Síðan tá eru nakrir nýútbúnir tannlæknar komnir til, og nakrir farnir frá vegna aldur. Tørvurin á tannlæknum er ikki heilt nøktaður enn, men Joan Petri sigur seg vita um heilt fitt av føroyingum ið lesa til tannlækna í løtuni, so hon er ikki í iva um, at tørvurin á tannlæknum í Føroyum verður nøktaður um fá ár. Um Joan Petri Olsen Joan Petri Olsen tók prógv sum tannlækni á Københavns Universitet í 2008 og flutti stutt eftir heim aftur til Føroyar at búgva og arbeiða. Joan er 33 ára gomul, og ættað úr Klaksvík. Saman við komandi manninum, ið tekur sær av øllum tí fyri­ sitingarliga við klinikkini, eigur hon fýra børn, ið fara við tí mesta av frítíðini. Tekstur: Magnus Gunnarsson / Myndir: Jens Kristian Vang / Sosialurin 341800 Sjúrðargøta 20, 100 Tórshavn Telefon 320 320, petri@petri.fo, www.petri.fo Stjóri: Joan Petri Olsen Stovnað: 2009 Virkisøki: Tannviðgerð og tannrøkt OPIð gERAndISdAgAR Kl. 8­16