fríggjadagur 16. september 2011síða 39

39 Fríggjadagur 16. september 2011 · Nr. 107 Sosialurin Ítróttur Vofafonedeildin upptakt Tróndur Arge Fýra dystir í Vodafonedeildini verða sunnudagin, meðan tann fimti verð­ur mánakvøldið í Runa­vík mill­um NSÍ og ÍF. Størsti favo­ritt­ urin er EB/Streymur, sum á heima­ vølli tekur ímóti KÍ. EB/Streymur hevur vunnið níggju teir seinasti dystirnar og ger alt teir kunnu fyri at elta B36. Bæði B36 og Víkingur hava lutfaldsliga torførari dystir. Tí kann hetta gerast møguleikan hjá EB/Streymi at nærkast oddinum. Oddalið á útivølli Oddaliðið úr Havn, B36, skal á vitjan hjá árstalsfelagnum av Toftum. Tað er eitt torført stað hjá oddaliðnum at koma og seinast liðini hittust á Toftum endaði tað við javnleiki. B36 er favorittur at vinna, men tað eins stórir favorittar teir vóru í eitt nú Klaksvík. Víkingur er í Havn á vitjan hjá HB, sum mikukvøldið var nakr­ ar minuttir frá at fáa stig frá EB/Streymi. Tí kann hugsast, at Víkingur fær tað eins torført í Gunda­dali. 07 Vestur skal vinna Úrslitini mikukvøldið gjørdu at tað bleiv sera tætt í botinum aftur. 07 Vestur hevði sunnudagin vitjan av B71, sum nú er at rokna sum niðurflutt. Skal 07 Vestur yvir­liva, so skulu teir hava trý stig sunnu­ dagin, serliga nú ÍF megnaði at vinna á B71. ÍF skal til Runavíkar at royna at halda fast í sigursgongdini. ÍF fekk í fyrra dystinum í Runavík eitt stig. Fáa teir tað aftur hesa ferð, so er væl hugsandi at teir eru fegnir um tað. trondur@sosialurin.fo Møguleikin hjá EB/Streymi Fótbóltur Bæði B36 og Víkingur eru á útivølli sunnudagin, meðan EB/Streymur hevur KÍ á heimavølli. Hetta kann verða møguleikin hjá Sundalagsmonnum at tetta holið upp til hini bæði oddaliðini Víkingar skulu til Havnar, har føroyameistararnir nú aftur eru komnir í trupulleikar. Víkingur vann, seinast teir vitjaðu HB í Gundadali. Men fer HB hesaferð at ogna sær nøkur tiltrongd stig, og samstundis hjálpa grannunum, ið leika móti B68 á Toftum? Mynd: Álvur Haraldsen Tróndur Arge Tað er ikki óvanligt at síggja meistara lið og steypavinnara bresta saman stutt undan kapp­ ingarbyrjar í teimum ymisku lið- ítróttinum kring heimin. Soleiðis verður eisini í hondbóltinum í ár, tí um vikuskiftið møtast FM vinnarar og steypavinnarar frá í fjør í Hoyvíkshøllini. Hjá monnum er talan um Neistan og KÍF, meðan tað hjá kvinn­um skuldi verið millum Neistan og steypavinnarnar Tjaldur, men Tjaldur hevur í løt­ uni einki lið og hevur tí meldað avboð. Síðani fekk Stjørnan sum tapandi steypafinalistur boðið plássið, men tað helt nýggi venj­arin ikki verða nakað gott hugskot, tí skotsbráðið var ov stutt. Tí er tað falli Kyndli í lut at spæla stórsteypa dystin móti Neistanum. Heðin handar steypið Tað verður borgarstjórin í Tórs­havnar Kommunu, Heðin Mortensen, ið handar steypið, sum Rex letur. REX hevur longu boð­að frá, at verður talan um eitt væl eydna tiltak, so verður tað aftur komandi ár. Dystirnir verða leygardagin í Hoyvíkshøllini. Kvinnurnar spæla klokkan 17, meðan menn­ inir spæla klokkan 19. trondur@sosialurin.fo Stórsteypa­ dystir um vikuskiftið Hondbóltur Skipað verður nú fyri stórsteypadysti millum FM vinnarnar og steypa vinnarnar í hondbólti frá í fjør. Tað er REX, ið hevur tikið stig til dystin Tróndur Arge Gunnar Zachariasen er ikki so væl kendur her á okkara leiðum, men seinnu árini hevur hann spælt før­ oyskan U-landsliðs fótbólt. Hann hev­ur sambært heimasíðuni hjá UEFA spælt tríggjar U-21 og tríggjar U-19 landsdystir fyri Føroyar. Hann hevur spælt ung­dóms­ fót­bólt í Brøndby og nú í AB. Um vikuskiftið kom hann á vøllin á fyrsta sinni á besta liðnum, tá AB í donsku 1.deild spælt javnleik móti FC Vestsjælland. Gunnar Zachariasen kom á vøllin seinastu min­uttirnar. Í gjár spældi AB í donsku steypa­kappingin móti Døllefjelde Musse, sum spælir til dagligt í Dan­ marksseriuini. Einki mál var komið í hálvleiki, tá Gunnar varð skiftur inn. Tveir minuttir seinni skor­aði føroyingurin fyrsta málið í dyst­ inum og legði AB á odda. AB vann dystin 3-0. Gunnar Zachariasen byrjaði inni, tá føroyska U-21 landsliðið spældi í Serbia fyri kortum. Gunnar er 19 ára gamal og tykist trívast best á álops­kenda miðvøllinum. trondur@sosialurin.fo Debut og mál til U-21 landsliðsleikara Fótbóltur Føroyski U-21 landsliðsleikarin, Gunnar Zachariasen, hevur havt eina stóra fótbóltsviku. Fyrst fekk hann debut í donsku 1.deild og síðani skoraði hann í steypakappingini – bara tveir minuttir eftir at hann var skiftur inn Gunnar Zachariasen í dysti fyri U21 Føroyar móti Norðurírlandi Mynd: Álvur Haraldsen