mánadagur 19. september 2011síða 7

7 Mánadagur 19. september 2011 · Nr. 108 Sosialurin Eirikur Lindenskov Reyði blokkur á Fólka­tingi hev­ur bara 89 fólka­tings­um­ boð vald í Danmark, og har­ við er hvørki reyður ella bláur meiriluti í Danmark. Tey bláu hava 86 tingsessir. Tí hava Sjúrður Skaale saman við grønlendsku umboðunum avgerandi atkvøðurnar fyri, at Helle Thorning-Schmidt kann verða vald til for­sæt­ is­ráðharra. Tær tríggjar at­ kvøð­urnar úr Føroyum og Grøn­landi lyfta nýggju sam­ gong­una upp um teir neyð­ugu 90 tingsessirnar fyri at fáa meiriluta í Fólka­ting­in­um. Hetta er matematiski veru­leikin í Danmark, og so­ leiðis er Sjúrður Skaale komin í eina lyklastøðu, har hann – saman við grønlendsku um­boðunum – er avgerandi atkvøðurnar undir stjórnini. – Vit hava sjálvandi gjørt vart við hetta, at tað kunnu koma mál, har vit mugu brúka hesa støðuna, sigur Sjúrður Skaale, sum tó leggur dent á, at tey fara ikki at »blackmaila« seg til vald við at misbrúka hesa støðuna, men at tey fara at brúka hana við virðing. – Vit skulu eisini minnast til, at umboðini í Føroyum og í Grønlandi eru ikki vald upp á eftirløn, ella betalingsring um Keypmannahavn, ella upp á 12 minuttir-ætl­an­ina hjá danska Javn­aðar­flokk­ inum og SF. Vit eru vald upp á onnur mál, eitt nú makrelmálið, sum vit skulu hava eina loysn uppá, sigur Sjúrður Skaale. Um vikuskiftið hava Sjúrð­ ur Skaale, fólka­tingsmaður, og Aksel Johannesen, for­ mað­ur Javnaðarfloksins ver­ ið á fundi við danska Javn­ aðar­flokkin. Teir tosaðu fyrst við Carsten Hansen, sum er formaður í tingbólkinum hjá Javnaðarflokkinum og síðani við Helle Thorning-Schmidt, forkvinnu floksins. Sjúður Skaale sigur, at tingingarnar endaðu við, at ein avtala varð gjørd millum partarnar, sum sigur, at Javnaðarflokkurin verður sjálvstøðugur flokkur á fólkatingi, men at hann verður í tøttum samstarvi við danska Javnaðarflokkin. Sjúrður Skaale kann verða við á øllum tingbólkafundum og virksemi annars hjá flokk­ inum, og hann kann eisini vera við í nevndarbýtinum. – Men eg fari ikki at blokera fyri nøkrum nevndarsessi. Eg havi ikki gjørt av enn, um eg skal hava nakran fastan nevndarsess, ella um hvønn eg skuldi havt. Hinvegin havi eg fingið váttan fyri, at eg altíð kann fáa sæti í nevndum, tá føroysk mál verða til viðgerðar, sigur Sjúrð­ur Skaale. Tað merkir, at ein limur í Javnaðarflokkinum víkir sæti fyri Sjúrði Skaale, tá serliga føroysk mál verða til nevndarviðgerðar. Avtalan, sum gjørd er mill­ um partarnar sigur mill­um annað, at Sjúrður Skaale: • er partur av reyða blokk­ inum á Fólkatingi, men at tað stendur honum frítt at atkvøða sum hann vil í øllum málum, • hevur síni egnu starvsfólk undir sær, • hevur atgongd til allar bólkafundir og øll tiltøk annars - bæði innlendis og altjóða – hjá danska Javn­ aðarflokkinum, • hevur samband við fram­ søgu­fólk og ráð­harr­ar – herundir forsætis­ráð­ harran - hjá danska Javn­ að­ar­flokk­in­um um mál, sum við­víkja Føroyum, • umvegis danska Javn­aðar­ flokkin fær atgongd til allar tingnevndir, tá mál av týdningi fyri Føroyar eru til viðgerðar, • kann samstarva frítt við aðrar flokkar - herundir vera við í samstarvi sum tí, ið verið hevur í Norð­ur­ atlantsbólkinum. Á fundunum vóru eisini fleiri ítøkilig, politisk mál um­rødd – eisini mál, har hugsast kann, at Danmark og Føroyar ikki hava somu áhugamál. Avgjørt varð, at tættur dialogur skal vera um hesi málini, soleiðis at tey kunnu loysast á nøktandi hátt fyri allar partar. Formaður og fólkatings­ mað­ur Javnaðarflokins eru sera væl nøgdir við tað, sum er komið burturúr um viku­ skiftið. – Vit hava nú lagt arbeiðið soleiðis til rættis, at vit fáa maksimalt burtúr fólkatingsessinum. Bæði tá tað snýr seg um politiska ávirkan, og tá tað snýr seg um upplýsing og at umboða føroysk sjónarmið í Danmark og aðrastaðni, sigur Sjúrður Skaale. Sjúrður Skaale tryggjar Thorning valdið í Danmark POLITIKKUR Vit fara ikki at misbrúka støðuna, men tað kunnu koma mál fyri, har vit fara at gera okkara krøv galdandi, sigur Sjúrður Skaale, sum saman við grønlendsku umboðnum lyftir nýggju stjórnina upp um tey 90 umboðini á Fólkatingi Joan Ólavs­ dóttir sett í starv hjá Sjúrði Eirikur Lindenskov Joan Ólavsdóttir, sum hevur starvast í Norður­ at­lantsbólkinum er nú sett í starv hjá Sjúrði Skaale, fólka­tings­ manni. Tá Sjúrður Skaale hev­ur sín egna ting­ bólk, so fær hann eisini sína egnu játtan til umsiting, og tí hevur hann møguleika at seta fólk í starv. – Joan Ólavsdóttir er sera væl inni í øll­um viðurskiftunum her, og hevur eina holla útbúgving sum stjórn­ málafrøðingur, so hon er sera væl egnað til starvið, sigur Sjúrður Skaale. Hann sigur, at onn­ ur fólk, eitt ú lesandi, eisini skulu setast í starv. – Stórur áhugi er fyri hesum, og eg havi longu fingið fleiri um­ sóknir, sigur hann. Grønlendsku um­ boðini, Doris Jakobsen úr Siumut og Sara Olsvig úr IA, koma til Danmarkar í dag, og tá fer Sjúrður Skaale at samráðast við tær báðar um samstarv. Hetta kemur eftir ætl­ an upp á pláss týsdagin, sigur Sjúrður Skaale. Eirikur Lindenskov Eitt tað fyrsta málið, sum Sjúrð­ur Skaale er farin í holt við á Fólkatingi er at fáa til vega próvgrundir fyri, at Føroyar eiga rætt til ein munandi størri part av makrelkvotuni í Norður­at­ lantshavi enn hana, sum ES og Noreg vilja tilluta Før­ oyum. – Hetta er fyrst og fremst eitt mál fyri landsstýrið, men Javnaðarflokkurin vil fegin nýta teir góðu møguleikar, sum fólkatingssessurin og tætta samstarvið við danska stjórnarflokkin geva, til at stuðla landsstýrinum í hes­ um máli. At ávirka og broyta støðuna hjá fyrst donskum myndugleikum og síðani ES er ein sera krevjandi upp­ gáva, og tí mugu allar kreftir arbeiða saman, sigur Sjúrður Skaale. Hann hevur longu greitt øllum flokkurin í reyða blokk­inum frá støðuni hjá Før­oyum og hví, vit halda okkum eiga størri part av makrelkvotuni. – Tey siga seg skilja støð­ una, men tey sita jú øll í samráðingum. Men eg havi avtalað fund við tann kom­ andi fiskimálaráðharran, so skjótt greitt er, hvør hann verð­ur. Tað sum hevur størst­ an týdning hjá okkum nú er at fáa til við so nógv vísindaligt próvtilfar fyri okkara uppá­ haldi, sum vit kunnu brúka sum grundgevingar, og tað arbeiðið eru vit í gongd nú, sigur Sjúrður Skaale. Finna próvgrundir fyri makrelinum FÓLKATING Helle Thorning-Schmidt, komandi forsætisráðharri í Danmark, Aksel V. Johannen, formaður Javnaðarfloksins og Sjúrður Skaale undirskrivaðu í gjár eina samstarvsavtalu Joan Ólavsdóttir, sum hevur starvast fyri Norðuratlantsbólkin, er nú í starvi hjá Sjúrði Skaale