mánadagur 19. september 2011síða 16

Mánadagur 19. september 2011 · Nr. 108 16 Sosialurin Ítróttarblaðið Rólant Waag Dam Á heimavølli móti liði, sum hevði vunnið sær trý stig færri higartil í ár, skuldi dysturin hjá Aarhus Fremad við Jóhan Troest Davidsen á vinstra bakki vinnast. Men før­ oyski landsliðsleikarin var meiri ella minni beinleiðis orsøkin til, at sigurin glapp Aarhus Fremad av hondum. Heimaliðið var leikliga greitt omaná, men tað var ikki fyrr enn sjey minuttir eftir steðgin, at ein av mongu málmøguleikunum varð umsettur til mál. Lindholm, sum mótstøðuliðið æt, dúvaði hesa løtuna upp á kontraálop og tað var eisini eitt av hesum, sum vendi dystinum. Tíggju minuttir eftir leiðslu­ málið, tá ein góður tími var spældur ella so, var ein Lindholm-leik­ ari sloppin framvið øllum. Inni í brots­teiginum fekk Jóhan Troest Davidsen fatur í leikaranum, heilt bókstavliga, og hálaði hendan um koll. Dómarin var ivaleysur, vísti Jóhan av vøllinum og dømdi brots­ spark, sum Lindholm umsetti til mál. Aarhus Fremad fall tó ikki í fátt, men varðveitti takið eina løtu eftir hetta. Kortini eydnaðist ikki teimum at ressast heilt, og tveir minuttir fyri leiklok gjørdi Lindholm sigursmálið, soleiðis at gestirnir vendu 1-0 til 1-2 til teirra fyrimuns. Aarhus Fremad liggur nú numm­ar sjey í triðbestu donsku fót­bólts­deildini, 2. division Vest, har tað er ógvuliga tætt. Liðið hjá Jóhan Troest Davidsen hevur tíggju stig, men einans trý stig eru upp til triðja plássið, sum er beint undir markinum til uppflyting, og somu­leiðis eru trý stig aftur til 12. plássið, sum er beint omanfyri niður­flytingarmarkið. Øll liðini hava spælt umfør og oddalið er FC Fyn, sum hevur Viljorm Davidsen mill­um stuðulsleikararnar. rolant@sosialurin.fo Vertirnir gramdu seg um dómaran. Dømt er dømt, sum onkur tók til, og heldur ikki hesa ferð eydnaðist nøkrum at sannføra dómaran um, at hann átti at dømt øðrvísi. (www.b36.fo) B36 hevur horna sum Ndende í fyrstu atløgu fær stúta burtur, men tá kemur ein B36 leikari við fullari ferð, og rennur beint á Ndende sum ferð sendandi inn í málið, og onkusvegna dugdu hvørki dómari ella linjuverji at síggja tað. (www.b68.fo) Hóast vit vardu sum úlvar allan seinna hálvleik, megnaðu vit ikki at binda fyri. Gestirnir fingu útjavnandi málið í síðstu løtu, og vóru teir neyvari, vunnu teir. (www.hb.fo) Eftir tvær ferðir at hava verið aftanfyri, kunnu vit bert gleðast um, at eina stigið hóast alt er okkara. Kanska verður tað júst hetta stigið, ið gerst avgerandi tá teljast skal upp eftir 27 umfør. (www.07vestur.fo) Ein løgin dystur at vera vitni til, tá FC Hoyvík tók ímóti Víkingi leygardagin. FC Hoyvík hevði yvirtakið allan dystin á tamb og skapti eini 10-15 stórar málmøguleikar, men eitt stórt feitt null, var málúrtøkan í okkara favør, tá samanumkom. (www.fchoyvík.fo) Úrslitið 7-0 til TB talar eisini fyri seg, og var sigurin ikki eitt einasta mál ov lítil, heldur tvørtur ímóti. (www.tb.fo) Serliga ein leikari sum Nenad Stankovic á miðvøllinum misti nógvar óneyðugar bóltar og tað ávirkaði so aftur hinar leikararnar. (www.nordlysid.fo) Tíðin hjá Pál var 2:04.45. Gamla metið hjá honum frá SuSvim stevnuni í mars var 2:04.75, sum hann setti við fullskeggi. (www.svimjing.com) Aftaná dystirnar vóru kosnir dagsins spælarar. Hjá kvinnunum bleiv tað Jacklyn Djuhuus úr Neistanum og hjá monnunum fekk Finnur Hansson úr Neistanum, hendan heiður. (www.neistin.fo) hvat siga heimasíðurnar? Danmark Føroyski landsliðsleikarin var Aarhus Fremad ein dýrur drongur, tá hann varð vístur av vøllinum um vikuskiftið Rólant Waag Dam 19 ára gamli Gunnar Zacha­ riassen slap aftur hetta viku­ skiftið upp í part, tá AB spældi í næstbestu donsku fót­bólts­ kappingini. Farna vikuskiftið spældi hann sín fyrsta dyst í næstbestu deild­ini fyri AB, seinni í farnu viku gjørdi hann sítt fyrsta mál, tá hann varð skiftur inn í steypa­kapp­ ingardysti, og aftur hetta viku­ skiftið slapp hann at royna seg. Hesaferð gjørdist kortini ikki talan um mál, tí dysturin, sum endaði 1-3 til FC Hjørring, var avgjørdur, tá Gunnar kom á vøllin. Gunnar Zachariassen er ikki tað kendast navnið í Før­ oyum, men hann hevur um­ boðað Føroyar á U21-lands­lið­ num tríggjar ferðir – seinast í dystinum móti Serbia – og hevur eisini spælt tríggjar U19-landsdystir. Hann er álops­ kendur miðvallarleikari og hev­ur áður spælt í ungdóms­ deild­ini hjá Brøndby. rolant@sosialurin.fo Sjey minuttir til Gunnar Danmark U21-landsliðsleikarin Gunnar Zachariassen spældi sjey minuttir í næstbestu donsku deildini um vikuskiftið Viljormur er fremst Troest sá reytt Rólant Waag Dam Í fjør mátti FC Fyn tungu leiðina úr næstbestu í triðbestu donsku fótbóltsdeildina. Viljormur Davidsen, sum var fastur fúsur á U21-landsliðnum og eisini hevur snoddað til A-landsliðið, fylgdi við niður, men er nú við at vinna liðið uppaftur. Í øllum førum hava fyrstu sjey umførini hepnast so mikið væl, at FC Fyn er oddalið. Teir eru ósigraðir við seks sigrum og einum javnleiki. Næst teimum er eitt annað lið av Fyn, Næsby, sum eisini hevur vunnið seks dystir, men eisini tapt ein. Henda dystin tapti Næsby um vikuskiftið fyri júst FC Fyn. Talan gjørdist um ein jøvnum dysti, har FC Fyn uppiborið dróg longra stráðið og vann 0-2. Málini fullu í 79. og 89. Minutti. Viljormur Davidsen hevur í ár havt ein heldur øðrvísi leiklut enn í fjør, tá hann røkti uppgávuna sum vongverji. Nú er hann fluttur eitt pláss fram og spælir ofta vongur. Soleiðis var eisini um vikuskiftið, har hann spældi 72. minuttir, áðrenn hann varð skiftur út. Soleiðis vann FC Fyn bæði granna- og oddauppgerðina í trið­ bestu donsku fótbóltsdeildini. Tað boðar frá góðum, og møguliga verður steðgurin í triðbestu deild­ ini hjá FC Fyn so stuttur sum yvir­ høvur tilber. Higartil hevur tað í øllum førum gingið so væl, sum tað yvirhøvur kann hugsast. Liðið hevur skotið 20 mál og hevur teir báðar leikararnar, sum hava gjørt flest mál í deildini, Mads Overgaard og Casper Johansen, á liðnum. Teir hava gjørt ávíkavist sjey og átta mál hvør, umframt at FC Fyn einans hevur latið fimm mál í gjøgnum. Viljormur Davidsen hevur higartil gjørt eitt mál í ár. Oddasessurin skal eisini varð­ veitast, um liðið ætlar sær upp­ flyting, tí bara eitt lið kann flyta upp. rolant@sosialurin.fo Danmark Viljormur Davidsen og FC Fyn eru bestir í triðbestu donsku fótbóltsdeildini, nú øll liðini hava spælt sjey umfør