mikudagur 21. september 2011síða 12

Mikudagur 21. september 2011 · Nr. 109 12 Sosialurin Vilmund Jacobsen Fara vit nøkur ár aftur í tíðina, fiskaðu einir 17 trolbátar á landleiðini um sumrarnar. Nú eru bara átta bátar eftir, sum hava hetta serliga loyvi innan­fyri 12 fjórðingar um sumr­arnar, meðan tveir aðrir trolbátar hava loyvi at royna ytri. Teir bátar, sum sein­astu árini eru tiknir burtur úr hesum fiskiskapi, eru Karin (Olevina), Tindur, Skarð­ham­ ar, Vesturfarið, Niclas, Randi – og so Gorm, sum var eitt sindur størri og royndi ytri. Tað, sum er eyðkenni fyri hendan bólk, er, at hesir bátar í lógini um vinnuligan fiskiskap høvdu lutfalsliga fáar dagar í sínum uppruna. So hvørt, sum bátar eru farnir úr bólkinum, hava menn lagt loyvir saman og hava keypt sær dagar fyri at royna at hava eitt líkinda grundarlag. Men hetta hevur verið alt annað enn lætt, tí á hvørjum ári í fleiri ár hevur politiski myndugleikin, tá nýtt fiskiár stundar til, skert fiski­ dagatalið hjá hesum bólki og soleiðis í stóran mun tikið aftur dýrt keyptar dagar. Ongan góðan - Bólkurin hjá okkum, sum fevnir um teir smáu trol­ bátarnar, hevur ongan góðan átt í politisku skipanini og tann politikari, sum hevur ætlað sær atkvøður, hevur so avgjørt ikki stuðlað okkum, sum hava roynt at fingið tað at borið til við teimum smáu trolbátunum. Tað sigur Bjarni Kass, sum eigur og rekur trolbátarnar, Varðan og Fiskaklett. Hann keypti Varðan í 2006, og Fiskaklettur kom sum nýbygningur í 2007. - Varðin og Fiskaklettur hava meiri enn tvey loyvir hvør. Trolbátarnir hava dagar hjá Topas, Leitinum og Tindi, umframt sínar egnu dagar. Her er soleiðis talan um loyvir hjá fimm bátum – og kort­ini er tað ikki nóg mikið. Okkum vantar eitt loyvi aftrat, áðrenn grundarlag er fyri líkinda rakstri. Fara vit aftur til byrjanina av fiski­ daga­skipan­ini, áttu bátarnir í hesum bólki um­leið 120 fiskidagar hvør. Skerjing­ar­nar í dagatalinum hesi árini hava verið so stórar og ógvus­ligar, at í dag eitur eitt loyvi hjá hesum bátum bert 63 dagar. Misti eina miljón Bjarni Kass vísir á, at við seinastu skerjingunum, sum politiska skipanin samtykti, mistu Varðin og Fiskaklettur heilar 28 dagar. - Við samanløgdum loyv­ um og keypi av fiski­døgum, áttu Varðin og Fiskaklettur undan seinastu skerjingini 144 dagar hvør. Men nú eru dagarnir bert 130 í part. Eg keypti dagarnar hjá Tindi fyri 33.000 krónur fyri hvønn dagin. Siga vit, at tað eru hes­ ir dagar, sum nú eru mistir aftur, kostaði bara sein­asta skerj­ingin mær eina heila miljón í mistum fiskidøgum. Bjarni vísir á, at heldur ikki í bólkinum hjá teimum er støðan hin sama hjá øllum bátaeigarum, tí ymiskt er, hvat dagarnir eru keyptir fyri. Tað veldst sjálvsagt um, nær dagarnir eru keyptir, og hvussu høgur marknaðar­ prísurin var, tá dagarnir vóru keyptir. - Tað kann tykjast órætt­ víst, at skerjingin altíð er í prosentum. Tað eru vit, sum hava verið noyddir at keypa dýrar fiskidagar, sum við slíkum skerjingum missa mest í pengum, meðan teir, sum ikki hava keypt dagar, missa munandi minni, leggur hann aftrat. Eingin ”luft” Undir viðgerðini av fiskidøg­ um hevur verið ført fram, at tað er so nógv ”luft” í summ­ um av veiðibólkunum, at skerj­ing­arnar ongan praktisk­ an týdning hava. - Men í okkara bólki er eingin luft. Her er ikki nóg mik­ið av fiskidøgum til teir bát­ar, sum eftir eru, tó at tal­ið av bátum seinnu árini næst­­an er minkað við eini helvt. Bjarni Kass heldur, at samlaða fiskidagatalið í bólki­ num ikki røkkur til meiri enn 4-5 trolbátar, hóast átta eru, Bjarni misti fyri eina miljón í fiskidøgum Bjarni Kass sigur, at við seinastu skerjingunum, sum politiska skipanin samtykti, mistu Varðin og Fiskaklettur heilar 28 dagar. - Við samanløgdum loyvum og keypi av fiskidøgum, áttu Varðin og Fiskaklettur undan skerjingini 144 dagar hvør. Men nú eru dagarnir bert 130 í part. Eg keypti dagarnar hjá Tindi fyri 33.000 krónur fyri hvønn dagin. Siga vit, at tað eru hesir dagar, sum nú eru mistir, kostaði bara seinasta skerjingin mær eina heila miljón í mistum fiskidøgum, sigur Bjarni Kass - Tað ber ikki til aftur og aftur at skerja í prosentum, soleiðis at allir bólkar og øll veiðifør missa eini 10-20% av fiskidøgunum um árið, sigur Bjarni Kass, sum eigur og rekur trolbátarnar, Varðan og Fiskaklett