fríggjadagur 23. september 2011síða 36

nr. 110 · 23. september 2011 4 VIKUSKIFTI BODYBUILDING Randi Jacobsen randi@sosialurin.fo Í 1990 luttók Gunnar Hjelm úr Vági fyri fyrstu ferð í DM í bodybuilding, og ta ferðina endaði hann á triðja plássi. Í 1995 endaði hann á øðrum plássi. Nú er hann 46 ára gamal og fer at royna eina ferð enn. – Í 15 ár vandi eg als ikki, men fyri tveimum árum síðan var eg í eini per­són­ligari kreppu, sum fekk meg at eftirmeta mítt lív. Eg kom til tað úrslit, at tey bestu árini í mínum lívi vóru, tá ið eg vandi nógv. Hetta gav mær íblástur til aftur at fara at venja, tí tá ið tú likamliga hevur tað gott, ert tú eis­ini sálarliga væl fyri, sigur Gunnar Hjelm. Sum hugsað so gjørt, og seinsta hálvt annað árið hevur ahnn vant beinhart. Fann seg sjálvan aftur – Eg hevði ikki vant í 15 ár, vektin var komin upp á 123 kilo, og eg hevði mist meg sjálvan burtur. Ein dagin kom min góða vinkona Borgnu Kjærbæk til mín og spurdi, hvat var blivið av mær. Hon kendi meg næstan ikki aftur, tí eg útstrálaði ikki tað sama sum áður. Tá klárvaknaði eg, sigur Gunnar Hjelm. Tey 15 árini hevði hann bara hugsað um arbeiði og familjur og hevi líkasum gloymt seg sjálvan. – Eg segði so við meg sjálavn, at nú fór eg at seta mær mál. Eg fór at klænka meg og koma í form aftur. Gunnar Hjelm er staddur í Danmark, har hann fyrieikar seg til at lutaka í DM í Herning 8. oktober. Hørð venjing – Nu eri eg rættiliga væl fyri, og eg venji hart hvønn dag. Eg súkkli 35 kilometrar hvønn dag, gangi 10 kilometrar og venji bukvddarnar 1500 ferðir hvønn seinna­ part og kvøld. Hann venur saman vi einum góðum vini, sm var danmarsmeistari í 2009. Kostin noyðist hann eisini at hugsa um. Hann etur fisk hvønn dag, seið tosk og rækjur aftur við bakaðum epum, 4-5 smaar máltíðir um dagin. Eggjahvítar má hann eisini hava. – Seinasu 10 vikurnar havi eg vant og livað upp á henda mátan, og tað hevur givið úrslit. Hálvan juli var vekt­ in komin niður á 101 kilo, og mána­ morg­unin vigaði hann 90,5 kilo. Ein fyrimynd Tað er ikki bara fyri sína egnu skyld, at Gunnar Hjelm hevur fingið vektina niður og fer til DM. – Eg vil eisini fegin vera ein fyri­ mynd, hjá teimum, sum vilja koma í form. Lívið er ikki liðugt, um tú vigar ov nógv, og eg vil vísa, at tað ber til at klænka. Tað ræður bara um at vera motiverað og fáa skil á ovastu hædd. At venja, seta sær mál og ikki fara av kós, sigur Gunnar Hjelm, sum kundi hugsað sær at skipa fyri skeiðum um slíkt. Hann viðgongur, at tað er ikki bara bara at seta sær so høg ál, men tað kennist væl, og hann heldur seg vera líka væl fyri, sum hann var í 90-árunum. Vann á sær sjálvum Gunnar Hjelm heldur tað vera stuttligt at vera millum aðrar bodybuildarar aftur, og fleiri teirra minnast hann aftur. Teir flestu eru yngri. Hann veit um ein, sum vigar 15 kilo meira enn hann. Tað verða 143 luttakarar til DM. Enn veit Gunnar Hjelm ikki, hvussu nógvir verða í hansara bólki. – Sjálvandi miði eg eftir at fáa so góð úrslit sum gjørligt, men fyri meg hevur tað ikki størsta týdningin, hvat nummar eg verði. Eg havi longu vunnið – á mær sjálvum, sigur Gunnar Hjelm. Gunnar Hjelm, sum í 1990-árunum, stóð seg væl í bodybuilding, fer nú sum 46 ára gamal at royna seg aftur. Hann leggur minni í, hvussu úrslitið verður, tí hann hevur longu vunnið á sær sjálvum Eg havi longu vunnið