mikudagur 28. september 2011síða 6

Mikudagur 28. september 2011 · Nr. 112 6 Sosialurin í meldrinum – Eg veit at í fyrstuni fara nógv at flenna at hesum, sigur Janus Dam Guttesen, sum hevur tikið stig til at stovna eitt felag at gera vart við heilsuvandan, ið stendst av geislingum frá tráðleysum interneti, fartelefonum, erbylgjuovnum, tráðleysum heimatelefonum. Men hann er eisini sannførdur um, at skjótt fara fólk at síggja álvaran. Her stendur hann við einum tóli, hann hevur útvegað sær at máta, hvussu sterk geislingin heima hjá fólki, á skúlum og stovnum ella aðrastaðni Tú heldur, at hámark skal vera fyri, hvussu nógv geisling kann vera loyvd. Hvar skal markið verða? Danska -og føroyska- hámarkið er 9.000.000 mikrowatt/ m² og tað er ímillum tey hægstu í heiminum og er nógv hægri enn tað, sum nógvir granskarar halda er ráðiligt. Aðrastaðni eru markvirðini nógv lægri. Í Salzburg í Eysturríki er hámarkið fyri geisling uttandura ikki meiri enn 10 mikrowatt/m². Eru nakrir bólkar í serligum vanda? ES-tingið sigur í einari nýggjari niðurstøðu, at serliga børn og ung eiga at vera vard móti geisling frá mikrobylgjum. Børn og ung eru ikki fullment og eru tískil serliga viðkvom fyri ávirkanini frá slíkum geislingum. Taiwan hevur tikið avleiðingarnar av hesum og hevur tikið allar sendarar niður av skúlaøkjum og íbúðarøkjum. Somuleiðis hava Palm Beach county í Florida, Los Angeles í California og New Zealand øll forbjóðað fartelefonsendarum og antennum tætt við skúlar. ES-tingið mælir frá tráðleysum interneti og samstundis verður mælt til at brúkið hjá skúlabørnum av fartelefonum á skúlaøkinum verður avmarkað sum allarmest. Summi ES lond hava longu tikið avleiðingarnar av hesum og hava tikið tráðleysa samskiftið niður av skúlaøkjum. Eru tað nakrir serligir sendarar tú hugsar um? Í løtuni stúri eg serliga fyri sendarum, sum ætlanin nú er at seta upp við skúlar, dagsstovnar og í íbúðarøkjum. – Eg havi kannað málið og havi fingið at vita, at í Hoyvík er ætlanin at seta ein sendara upp bara 40 metrar frá nýggja skúlanum við Løgmannabreyt og 130 metrar frá dagstovninum við Løgmannabreyt. Einar 220 metrar frá Hvíldarheiminum Naina er eisini ætlanin at seta ein sendara upp. Somuleiðis er ætlanin at seta ein sendara upp 165 metrar frá Tekniska Skúla við Velbastaðvegin. Einar 210 metrar frá nýggja dagsstovninum á Hamrinum á Argjum er eisini ætlanin at ein sendar skal setast upp og ein sendari skal setast upp 400 metrar frá stovninum. Og at enda kann nevnast, at ein sendari skal setast upp, sum er 385 metrar frá dagsstovninum í Løkjatúni, 475 metrar frá nýggja skúlanum á Hamrinum og 190 metrar frá dagstovninum á Argjum. 3 skjótir