fríggjadagur 30. september 2011síða 39

nr. 113 · 30. september 2011 7 VIKUSKIFTI Okkum føroyingum dámar so øgiliga væl danskar ósiðir, at vit yvirtaka teir allar uttan nakra politiska viðgerð frammanundan ella aftaná. Uttan obligatoriska goragangin um ríkisrættarligt støðuloysi og kúgan og 1946 og serstaka tjóð og ikki galdandi grundlóg og stjórnarskipan við dubiøsum formæli. So nú eru føroyingar farnir at lata hundarnar í. Tíkar í ljósa­ reytt, pink, og hundar í blátt ella neon­grønt. Tað er djórapínsla. Hundar, ja, eingi djór, eiga at vera í klæðum. Tað er sjúkligt. Harafturat eru hesir jakkar ella frakkar ella troyggjur ella bodystockings, hvat hundin, tað so er, sum fólk noyða sínar neyðars hundar í, so ljót, at fólk flenna eftir hundunum. Og so fáa hundarnir minnilutakenslur, og so fara teir at bíta fólk, og so verða teir skotnir, áðrenn teir fáa eina terapitíð hjá hundapsykologinum. Men, eg veit, eg veit, at í Danmark lata tey hundarnar í. Og tað er eisini burturvið, hóast har er nógv kaldari enn her hjá okkum um veturin. Í Danmark lata tey hundarnar í, og so gera vit tað sjálvandi eisini her í Før­ oyum. Sá tveir ílatnar hundar uttan fyri ein handil herfyri. Vit lata klæði til børn og vaksin eystan fyri tærda tjaldið, tí har liva fólk í ringastu armóð eftir fall kommunismunnar, so tey hava heldur ikki ráð at lata hundarnar í. Bara vit ikki eisini fara at savna klæði til hundarnar eystanfyri, tí teirra lív er eisini eitt hundans hundalív. Vit eru annars so góð við okkara hundar. Teir sleppa at ganga og renna og goyggja leysir, hóast kravið er, at teir eru tjóð­ raðir. Hundar eru ikki bara hundar. Bæði lógir og kunngerðir eru um hundar, nógvar paragraffir, treytir og krøv. Hundabrævið frá 1350 er elst, og so norska lóg frá 1687. Hon er hundaóð: »Fanger mand Skade af anden Mands Hors, eller Nød, eller noget andet Fæ, eller Hund, som gaar løs, og den, som Skaden fik, ikke selv foraarsagede det, da skal den, som Fæet, eller Hunden, ejer, give Badskerløn. End fanger hand Lyde deraf, da bøde den, der Fæet, eller Hunden, ejer, Lyden efter Sagens Beskaffenhed. En Hund, som haver giort saadan Skade, og haver Vane dertil, skal af Ejermanden selv ødelæggis; Hvis det ej skeer, da være hand forfalden til højere Bøder, naar Hunden atter giør Skade; Og være en hver frit for at ihielskyde Hunden, hvor den findes.« Eingin revsing er tó fyri at lata hund í. Hon er heldur ikki komin eftir 1687, hvørki í danskari ella føroyskari lóg. Hundurin er okkara besti og trúfastasti, hjá nógvum einasti, vinur, so hann hevur ikki slíka háðan uppiborna at verða ílatin sum eitt smábarn. Hvar er Djóraverndarfelagið? Í grind. Og so eitt afturat. Eftir at fjarstýrarin hevði gjørt seks ella sjey stikl steðgaði eg á NRK 2 sum so ofta, tí hetta er ein frálík rás. Har var filmurin um konsertferðina í Íslandi hjá heims­ins keðiligasta poppbólki, Sigurrós. Myndirnar eru frálíkar ferða­ vinnureklamuglansmyndir, men vælverustovumusakkurin hjá Sigurrós oyðileggur tær. So var bara eitt at gera, sløkkja ljóðið og njóta myndirnar til eis­ini tær gjørdust keðiligar, tó ikki so keðiligar sum tónleikurin. Hvør lovaði annars hundinum út naknum? Umafturafturum høgni djurhuus Eyðstein Jacobsen lagt til rættis: Leo Poulsen Hvat fekk teg at keypa Træsmiðjuna? Tað er mítt gamla lærupláss og dreymurin at kunna veita eina heildarloysn til kundan Er hetta er tung vinna at starvast í í løtuni? Eri lættur av lyndi og hvør tíð hevur sína avbjóðing Hvat er tað besta við starvinum? At síggja okkara væl nøgdu kundar og at hvør morgun hevur eina nýggja avbjóðing Hvat er minni gott? Er lívið ikki gott Hvussu heldur tú teg í form? Royni at spæla fótbólt tá ið tíð er til tess Íðkar ella hevur tú íðkað ítrótt? Havi spælt fótbólt frá barnsbarni Ferðast tú nógv í egnum landi? Ja, um Suðuroyarfjørð Tá tú ferðast uttanlands, er tú til sól á strondini ella til aktiva feriu? Eitt sindur av hvørjum Hvat er tín lívrættur? Eitt gott føroyskt lambstjógv Hvørji frítíðarítriv hevur tú? Manchester United Hvør bók liggur á náttborðinum? Peter Pedal & Rasmus Klump hjá soninum Verður tú framvegis í snikkaravinnuni um tíggju ár? Ja um eg havi lív & heilsu Hvør morgun hevur eina nýggja avbjóðing Eyðstein Jacobsen hevur júst keypt sítt gamla lærupláss og er tí vorðin stjóri í Træsmiðjan. fo. Eitt gott føroyskt lambstjógv er hansara lívrættur og frítíðarítrivið er Manchester United Hundsa hundar myndir: Álvur Haraldsen