fríggjadagur 30. september 2011síða 40

nr. 113 · 30. september 2011 8 VIKUSKIFTI Eitt floksskifti hevði avgerandi ávirkan á fólkatingsvalið, sum júst hevur verið, og sama floksskiftið og onnur kunnu eisini fáa týdning fyri løgtingsvalið, sum er fyri framman Hóast politiska søgan í Føroyum inni­ heldur politikarar, sum fara úr flokkum og upp í ein annan ella stovna nýggjan flokk, er tað blivið alt meira vanligt í nýggjari tíð, at politikarar skifta flokk – og koma úr skápinum sum umboð fyri annað politiskt sjónarmið. Seinasta dømið er Sjúrður Skaale, sum fór úr Tjóðveldi eftir politiska ósemju við formannin í flokkinum. Nakrar vikur seinni var Sjúrður Skaale javn­aðar­maður og varð valdur í fólka­ tingið. Poul Michelsen takkaði fyri nøkrum mánaðum fyri seg í Fólka­ flokkinum og hevur stovnað nýggjan flokk, Framsókn, sum veruliga skal standa sína roynd á løgtingsvalinum. Og atkvøðuslúkurin hjá Tjóðveldi á býráðsvalinum í Havn seinast hevur skift Tjóðveldi út við Fólkaflokkin og stillar upp á løgtingsvalinum. Meira vanligt Tað eru dømi um týðandi flokskifti í politiskari søgu í Føroyum. Jóannes Patursson fór úr Sjálvstýrisflokkinum og var við til at stovna Fólkaflokkin sam­an við teimum í Vinnuflokkinum, og hitt kenda dømið er, tá ið Jákup í Jákupsstovu, sum var javnaðarmaður og loys­ingamaður, bleiv ekskluderaður av Javnaðarflokkinum og varð við til at stovna Tjóðveldisflokkin. Í nýggjari tíð hava markantir politikarar sum Helena Dam á Neystabø, Tordur Niclasen, Finnbogi Arge, Kristian Magnussen og Karsten Hansen skift flokk, og fleiri aðrir politik­arar, sum ikki hava verið eins stórir pro­filar, men hava verið virknir, hava somu­leiðis skift ein flokk út við annan. Men hvussu er tað so at skifta flokk, hvørjar avleiðingar og fyrimunir hevur tað, og hvør er persónligi og politiski kostn­aðurin. Vit tosa við nøkur av teimum, sum hava verið partur av floks­skiftum ella ikki vildu verða tað. Mest umtalaða floksskiftið í hesum árinum er tað hjá Sjúrði Skaale. Politiska ósemjan millum hann og formannin í Tjóðveldi gjørdist so stór, at Sjúrður Skaale fór úr flokkinum. Nakrar vikur seinni stóð hann fram sum javnaðarmaður, og fyri tveimum vikum síðani varð hann valdur í fólkatingið umboðandi Javnaðarflokkin. Sjúrður Skaale hevur í fjølmiðlunum sagt, at hann gjørdi tað, sum hann helt verða rætt, men hann hevur eisini kent, hvussu fólk kunnu reagera, tá ið tey verða vónbrotin av einum politikara. – Tað hevur verið ein buldrut tíð, og tað hevur ikki verið kostnaðarleyst at skifta flokk. Flestu fólk eru bæði virðilig og fólkalig, og eg havi bestu viðurskifti við allarflest tjóðveldisfólk – eisini fólk, sum valdu meg, men eru vónbrotin av, at eg skifti flokk. Men so eru tað eisini tey meira víðgongdu, sum gera vart við seg, og tey kunnu verða harlig í talu og á skrift, sigur Sjúrður Skaale. Hann hevur fingið fleiri brøv frá fólki, um hava funnist harðliga at honum. Í brøvunum ber millum annað til at lesa hetta: »Havi aldrin og fari neyvan at stemma uppá teg. Kenni lyndi og verumáta tín. Veit hvussu tú roynir at stjala tær heiður fyri tað, sum onnur hava gjørt. Í mínum eygum ert tú ein egocentrikari, sum bara gert tað, sum er best fyri teg. Fyri meg ert tú ikki nakað vónbrot, tí tú vart ongantíð tjóðveldismaður, men ein politiskur gleðisdrongur.« »Sum vanligt fyri teg, so fert tú uppum har garðurin er lægstur. Í einum gajolpakka stóðu einaferð hesi vísdómsorð, sum eg haldi tú eigur at hugsa um: Du kan komme til verdens ende på en løgn, men du kan ikki vende tilbage.« »Eg má siga tað Sjúrður. Tú ert størsta politiska vónbrotið eg sum tjóveldismaður veit um. Ein fjølmiðlagreðingur og egotrippari so tað forslær«. Sjúrður Skaale viðurkennir, at tað hevur avgjørt ikki bara verið lætt at skifta flokk, hóast floksskiftið eydnaðist væl, tá ið hugsað verður um fólkatingsvalið. Verðin broytist, men Fólkaflokkurin stendur í stað. Tí valdi Poul Michelsen at fara úr Fólkaflokkinum – Sum ungur fór eg upp í Fólkaflokkin og fylgdi honum í áravís, men tá ið flokkurin fullkomiliga stagneraði, kundi eg ikki vera við longur. Verðin flytur seg, men Fólkaflokkurin stendur í stað, sigur Poul Michelsen. Í etisku málunum, sum flokkurin ikki vildi flyta seg í, var ofta langt millum hansara sjónarmið og tí, sum fleiri av hinum stóðu fyri. Í etisku spurningunum, má persónliga frælsið ráða, men tað kann ikki vera rætt at forða øðrum í at hava hetta frælsi, sigur Poul Michelsen. – Tað var kommunumálið, sum gjørdi úrslitið. Meirluti var fyri tí frálíka arbeiðinum, sum Annika Olsen gjørdi við kommunuálitinum, men minnilutin blokeraði og hótti við at fara. Vit sluppu ikki so frægt sum at tosa um málið í tinginum. Poul Michelsen hevur ongar persónligar trupul­ leikar havt av at fara úr Fólkaflokkinum. Eingin hevur hartað hann fyri tað av álvara, og um so var, hevði hann einki lagt í tað. Tá ið hann fór úr Fólkaflokkinum, komu aðrir flokkar beinanvegin og vildu hava hann til sín. Men nei takk, segi Poul Michelsen. Hann fór ikki at skifta flokk soleiðis. – Eg eri frá tí skúlanum, at tú fer ikki úr einum flokki í annan ella av einum liði til eitt annað. Einasta alternativ hjá mær var tí at stovna nýggjan flokk. Poul Michelsen heldur framvegis, at stevnu­ skráin hjá Fólkaflokkinum er góð. – Stevnuskráin er góð, men hon verður bara ikki handfarin rætt, sigur Poul Michelsen. Hóast tey flestu hava verið fólkalig um floksskiftið hjá Sjúrði Skaale, hevur hann eisini fingið onkrar hvassar viðmerkingar, síðani hann fór úr Tjóðveldi og upp í Javnaðarflokkin »Tú ert ein politiskur gleðisdrongur« Kundi aldrin farið í annan flokk lagt til rættis: Randi Jacobsen og Eyðun Klakstein Tá politikarar skifta flokk