mánadagur 3. oktober 2011síða 13

13 Mánadagur 3. oktober 2011 · Nr. 114 Sosialurin Leo Poulsen Síðani Vinnuhúsið fór undir kjós­an­ina av Ársins Virki hava tey á næstan hvørjum ári eisini kosið Ársins Átak. Hesa­ferð gjørdist tað tón­ leiki­num til heiðurs, og var tað Jákup Zachariasen, ið var kosin til Ársins Átak fyri fram­leiðsluna av fløguni »Faroe Islands« hjá kenda gos­pel sangaranum, Russ Taff. Dómsnevndin gav hesa grund­geving fyri valinum: »Í skipanini fyri vinnu­ degn­um, herundir val av ár­s­ins virki, verður sagt, at um­framt at velja ársins virki kann dómsnevndin gera av at heiðra virki ella persón, sum hevur gjørt serligt átak, ið kann gagna vinnuligum fram­burði. Nevndin hevur gjørt av at nýta henda møgu­ leika eisini í 2011. Hvat skal til fyri at fáa eina vinnu at blóma? Kendu vit uppskriftina uppá hetta vóru vit helst ríkasta land í verðini, og tað eru vit sum kunnugt ikki - enn. Tó, um vit hygg­ja eftir teimum vinnum, har vit halda okkum duga væl, er eitt eyðkenni, at vit hava eitt teyggi av vinnum, sum stuðla upp undir hvørja aðra. Innan fiskivinnuna hava vit t.d. fiskiskip, fiska­ virki, framleiðarar av fiski­ út­gerð, skipasmiðjur og KT-virki, sum hava ment skipan­ir til fiskivinnuna. Taka vit alivinnuna hava vit umframt alifyritøkurnar m.a. fóðurframleiðarar og fram­leið­arar av útgerð til ali­vinnu­na. Innan tónleikavinnuna hava vit í nógv ár haft dugna­ligar tónleikarar og bólk­ar, harav fleiri eisini hava klárað seg væl uttanfyri land­oddarnar. Tað krevur tó nakað meir at menna eina veru­liga tónleikavinnu. Skal tónleikurin gerast ein veru­ lig vinnugrein krevst eisini, at vit hava aðrar at­knýt­t­ar vinnur, sum hava tón­leik­in sum miðdepil. Eina tón­leika­ teygg­ju. Her eru vit enn ikki komin á mál, men møguliga er henda vinnan við at ress­ ast. Tónleikavinnan og tón­ leika­heimurin hevur eingi landa­mørk. Okkara tón­leik­ ar­ar ferðast dúgliga til onnur lond at framføra og spæla inn fløgur, og tónleikurin sum vit lurta eftir, kunnu vit líka væl hava keypt á einari amerikanskari heimasíðu sum í einum føroyskum fløgu­handli ella bensinstøð. Øktu ferðamøguleikarnir merk­ja eisini, at tónleikarar koma henda vegin at fram­ føra á teimum tón­leika­festi­ val­um, sum eru vorðnir eitt av hæddarpunktunum í tí føroyska summarinum. Sam­bond verða knýtt mill­ um tónleikarar og fólk inn­ an tónleikavinnuna á hes­ um festivalum. Eitt úrslit av hesum er, at nýggjar spenn­ andi verkætlanir verða settar í gongd, nýggj hugskot verða ment, og nýggjar avtalur verða gjørdar. Tað hevur verið vanligt, at før­oyskir tónleikarar í sam­ bandi við festivalarnar gera avtal­ur um at framføra ella spæla inn aðrastaðni. Tað hev­ur verið minni vanligt, at út­lend­skir tónleikarar gera avtal­ur um at koma henda veg­in at framføra ella spæla inn. Tó, hví ikki? Føroysk tón­leika­fram­ leiðsla hevur seinnu ár­ini flutt seg frá at verða eitt frí­tíð­ar­ítriv í einum kjall­ ara til at vit í dag hava fleiri professionel inn­spæl­ing­ar­ høli, og føroyskir tón­leika­ fram­leiðararnir hava sam­ stund­is ment seg, so tað í dag eru fleiri sera dugnaligir tónleikaframleiðarar, sum bjóða seg fram. Ein av hesum sera dugna­ ligu tón­leika­fram­leiðar­um kom á ein­um tón­leika­festi­ vali í Før­oy­um í samband við eina heimsstjørnu innan sína tónleikagenru. Ein tón­leikari, sum hevur selt millió­nir av fløgum kring all­an heim. Áðrenn nakar vardi av, var hugskotið um at spæla inn og framleiða eina fløgu í Føroyum ment, og aftaná eina tíð, varð far­ i­ð undir arbeiðið. Fleiri av sang­unum avinnuhúsið fløgu­ni eru skrivaðir av før­oysk­um tónleika- og orða­smið­um og er fløgan fram­leidd av føroyskum tónleikaframleiðarum. Saman við einari amerikan­ sk­ari heimsstjørnu og einum al­tjóða tónleikaforlagi og distribu­tøri hevur hetta verið grundarlagið undir fløgu­ni “Faroe Islands” hjá Russ Taff. Við hesari fløguni hevur før­oysk tónleikaframleiðsla við Jákup Zachariassen á od­ da víst, at tað ber til at fáa al­tjóða tónleikarar hen­da vegin at spæla inn, og dóms­ nevnd­in heldur, at tað er eitt á­tak, sum lýkur treytirnar fyri at verða ársins átak. Millum øll tey mongu góðu átakini í landinum, er dóms­nevndin sannførd um, at hon hevur valt rætt við at heiðra Jákup Zachariasen fyri framleiðsluna av fløguni við Russ Taff sum ársins átak 2011«. Jákup gjørdi Ársins Átak Tað gjørdist Jákup Zachariasen, ið fekk heiðurin fyri Ársins Átak, hjá Vinnuhúsinum fyri upptøkuna av fløguni hjá Russ Taff Marita Rasmussen, stjóri í Vinnuhúsinum, handar Jákupi Zachariasen, vinnara av Ársins Átaki, blómur Mynd: Álvur Haraldsen