mikudagur 5. oktober 2011síða 9

9 Mikudagur 5. oktober 2011 · Nr. 115 Sosialurin Leo Poulsen Á fíggjarætlanini hjá Tórs­ havnar býráð eru settar av átta milliónir til nýggjan Musikkskúla. Skúlin er upprunaliga stað­settur við síðuna av Norð­urlandahúsinum, men tað forðar ikki fyri, at hann kann byggjast aðrastaðni. Og nú Mentamálaráðið so fegið vil hava nýggjan Tjóðpall á Skálatrøð, hevur tankin verið uppi og vent eisini at byggja Musikkskúlan har, sigur Heðin Mortensen, borgarstjóri í Tórshavnar kommunu. Hann sigur, at Skálatrøð skal verða eitt stað, ið dregur fólk at sær. Verður bygt á Skálatrøð, verður tað bygt oman móti keikantinum. Verða Tjóðpallur og Musikkskúli bygt har, kundi tað passa væl inn í myndina, eisini at bygt b ýarbókasavn og kanska eina konserthøll har, sigur Heðin Mortensen. Enn hevur hetta tó ikki fingið politiska viðgerð, men endar hendan ætlanin sum veruleiki, nýtist fólki ikki at stúra fyri parkeringsviðursk iftunum. Verður bygt út móti keikantinum, so verður eitt stórt parkeringshús bygt aftan fyri, sum hevur pláss fyri einum 500 bilum, sigur Heðin Mortensen. leo@sosialurin.fo Hava tit hugskot ella viðmerkingar, send ein sms til 225000 Leo Poulsen Tað heilt nýggja í skatta­ upp­skotinum hjá Javnaðar­ flokkinum er ein fólkatrygd, har allir føroyingar skulu gjalda 10% av inntøkuni. Hetta er galdandi bæði fyri føroyingar í Føroyum, og teir, sum arbeiða og rinda skatt uttanlands. Hetta merkir, at føroy­ing­ ar, sum sigla undir DIS, NIS ella FAS skulu vera við til at gjalda fyri vælferðina í Føroyum. Aftur fyri skulu lág- og miðallønt fáa ein lætta í skatti­num, samstundis sum øll uttan um gjøld verða inn­roknað í fólkatrygd­ina. Tað merkir at til dømis kring­varpsgjald, heilsu­ trygd­argjald, barsils­gjald og gjald til sam­haldsfasta falla burtur. Tey skulu frameftir fíggj­ast um fólka­trygdina. Lækkingarnar í skattinum fara at merkja eina minni inntøku til landskassan á 540 milliónir, og samanlagt merkja allar hesar uttan um útreiðslurnar, ið falla burtur, eina minni inntøku á 885 milliónir krónur. - Men tað ber ikki til, at lækka skattastigan hjá nøkr­ um fólkum, uttan at onn­ur rinda meira. Og hetta upp­ skotið ber í sær, at við fólka­ trygd og øðrum hækk­ing­­­um fær landskassin 18 milliónir krónur meira í inn­­tøk­­um, sigur Aksel V. Jo­hanne­­sen, formaður í Javn­að­arflokki­ num, ið legði upp­skotið fram á tíðindafundi í gjár. Størri játtan til TAKS Nýggja fólkatrygdin fer at geva eina inntøku á 851 milli­ ónir krónur, og har­til merkir ein hækkan í partafelags­ skattinum eina meir­inn­tøku á 22 milliónir krónur. - Sammeta vit partafelags­ skattin í Føroyum við tað, londini rundan um okkum hava, liggja vit ógvuliga lágt. Í Danmark er hann 25% og í Týsklandi 29%, og taka vit miðal fyri ES liggur partafelagsskatturin mill­um 24 og 25%. So eg haldi vit tola at seta okkara partafelags­ skatt upp frá 18 til 20%, sigur Aksel V. Johannesen. Ein onnur broyting, sum eisini er við í uppskotinum hjá Javnaðarflokkinum, er økt játtan til TAKS. - Tað hevur víst seg í eitt nú Danmark, at økt og styrkt eftirlit og kunning hevur ført til stórar meirintøkur av bæði MVG og skatti. Tí mæla vit til at MVG-innkrevjingin verður styrkt, og at TAKS fær fimm milliónir til økt eftirlit, sigur Aksel V. Johannesen. Aðrar tillagingar skulu eisini gerast. Til dømis skal umboðan ikki longur kunna dragast 100% frá í skatti, og gular nummarplátur skulu innførast. - Firmabilar skulu ikki heldur frameftir skattast eftir vekt, men eftir virði. Í dag verður ein Mercedes til eina millión skattaður mest sum eins við ein sjey ára gamlan Berlingo, sum ein útróðrarmaður brúkar at koyra stampar við, sigur Aksel V. Johannesen. Skattalætti Orsøkin til hetta nýggja skattauppskotið, sum flokk­ urin hevur arbeitt við í longri tíð, er, at familjur við børnum, og við miðal­inn­tøk­um, hava trupult við at fáa endarnar at røkka saman. Uppskotið miðar tí ímóti at lætta um hjá lágløntum og teimum við miðalinntøku. Inntøkumarkið, sum í dag er 30.000 krónur, skal hækkast upp í 70.000 krónur. Síðani skulu fólk við einari inntøku millum 70.000 og 140.000 krónur gjalda 20% í skatti móti 20,5% í dag. Inntøkur millum 140.000 og 250.000 krónur skulu gjalda 22% í skatti móti 23,5% í dag, og størsta lættan fáa fólk við inntøkum millum 250.000 og 320.000 krónur. Tey skulu frameftir gjalda 30,5% í skatti móti 35,5%, sum tey gjalda í dag. Íroknað tann skattin er eitt nú kringvarpsgjald og heilsu­trygdargjald, sum verður goldið umframt í dag. Aftrat hesum verður skotið upp, at barnafrádrátturin hækkar úr 5.500 krónum upp í 6.500 krónur. - Hetta uppskotið er ein partur av valstríðnum, og verður miðað ímóti at fáa hetta við í eitt komandi samgonguskjal, koma vit hartil eftir valið, sigur Aksel V. Johannesen, ið hevur góðar vónir um, at aðrir flokkar eisini kunnu taka undir við hesum nýggja og á nógvar mátar kollveltandi skattauppskotinum. leo@sosialurin.fo Hava tit hugskot ella viðmerkingar, send ein sms til 225000 Skattalætti til tey hart kroystu Undir herrópinum, Lættari og rættari, skattaumlegging við ábyrgd legði Javnaðarflokkurin fram uppskot í gjár, sum skal lætta um hjá lág- og miðalinntøkunum, barnafamiljum og støkum uppihaldarum Skálatrøð kann gerast ein metropolur Aksel V. Johannesen greiðir frá nýggja skattauppskotinum, sum Javnaðarflokkurin hevur snikkað saman Mynd: Rigmor Dam