fríggjadagur 7. oktober 2011síða 4

Fríggjadagur 7. oktober 2011 · Nr. 116 4 Sosialurin Hugskot og viðmerkingar – send sms til 225000 Áki Bertholdsen Talið á føroyingum, sum leita eftir barnaporno á inter­net­ inum, er rættiliga nógv fallið hesi seinastu árini. Tað vísir ein uppgerð, sum Føroya Tele hevur gjørt. Føroya Tele hevur eitt filtur, sum forðar fyri, at fólk sleppa inn á heimasíður við barna­porno. Hetta verður gjørt í sam­ starvi við ríkisløgregluna, sum hevur eitt yvirlit yvir heima­síður, har barnaporno kann vera at finna og sum sostatt verða blokeraðar. Munandi minkað Uppgerðin hjá Føroya Tele vísir, at talið á føroyingum, sum verða steðgaðir í roynd­ unum at koma inn á heima­ síður við barnaporno, er mun­andi fallið seinastu árini. Filtrið hjá Føroya Tele ímóti barnaporno varð sett til í 2006 og hetta árið vórðu heili 3493 ymiskir føroyskir teldu­brúkarar steðgaðir á veg inn á heimasíður við barna­porno. Í 2009 var talan um 2449 ymisk fólk og í 2010 var tað lækkað niður í 2083 ymisk fólk. Men serliga í ár hevur fall­ið verið stórt, tí higartil í ár eru ikki fleiri enn 478 fólk forð­að í at sleppa inn á tílíkar síður. Uppgerðin verður gjørd mánað fyri mánað og í ár er talan um ímillum 20 og 65 teldur um mánaðin, sum eru forð­aðar. Men tær somu teldurnar kunnu ganga aftur í fleiri mán­aðum, men nakrar nýggj­ar eru helst eisini hvørja ferð. Í 2006 vóru ímillum 256 og 314 fólk steðgað um mánaðin, men tað er eisini komið fyri onkran mánað, at yvir 400 ymisk fólk eru blokerað, tí tey hava verið á veg inn á eina heimasíðu við barnaporno Fyribygjandi Kristian Davidsen, stjóri á Føroya Tele, dugir ikki at siga, hvussu tað ber til, at tað eru lutfalsliga fáir føroyingar, sum leita eftir barnaporno á inter­netinum. Men hann ivast onga løtu í, at filtrið er fyribyrgjandi. Nú er tað heldur ikki vist, at try, sum verða blokerað, beinleiðis leitað eftir barna­ porno, tí tey kunnu enda á eini slíkari heimasíðu meiri ella minni av óvart. Talan kann vera um fólk, sum leita eftir pornosíðum yvirhøvur og sum síðani enda á eini síðu við barnaporno. Talan kann eisini verða um fólk, sum leita eftir onkrum heilt øðrum, men so at ein síða við barnaporno brádliga stendur á skerminum. Talan kann eisini verða um fólk, sum beinleiðis leitað eftir barnaporno, men sum halda geva skarvin yvir, tá ið tey síggja tað, at tey verða blokerað alla tíðina Í løtuni er talan um ímill­ um 1100 og 1200 heimasíður, sum eru blokeraðar. Danska ríkisløgreglan dag­førir filtrið tvær ferðir um sam­døgurið at vita um fleiri síður eru, sum skulu blok­erast. Tá ið ríkisløgreglan finnur eina síðu við ólógligum barna­porno sum skal blok­er­ ast, verður hon eisini sjálv­ virk­andi blokerað í Føroyum, sigur stjórin í Føroya Tele. Í trúnaði Hann sigur, at telesamskiftið hjá fólki er fevnt av lógini um persónsupplýsingar. Tað merkir, at telefon-, sms, og internetsamskiftið hjá fólki, er í trúnaðir. Tað merkir so aftur, at hvørki Føroya Tele ella nakar ann­ar kannar eftir, hvørjar teldur verða blokeraðar tí at leitað verður eftir barna­ porno. – Tað er bara eftir áheitan frá løgregluni, at slíkt verð­ ur kannað í sambandi við illgruna um lógarbrot, ella tá ið lógarbrot skal skjal­prógv­ ast, sigur hann. aki@sosialurin.fo Nógv færri føroyingar leita eftir barnaporno BARNAPORNO Alsamt færri og færri verða fangað hjá Føroya Tele, tí at tey eru á veg á eina heimasíðu við barnaporno á internetinum – Vit kenna lítið og onki til barnaporno í Før­oyum. Tað staðfestir Berg­leif Brimvík, leiðari hjá krimi­ naldeildini hjá løg­regl­uni í Føroyum. Hann sigur, at tað er ikki meiri enn at tað kem­ ur fyri, at løgreglan hevur nakað mál av hesum slagi og so vítt, hann minnist, er onki slíkt mál í ár. Hann sigur, at tað er ikki annað enn at fegn­ ast um, at tað alsamt eru færri og færri føroy­ingar, sum leita eftir barna­porno á inter­netinum. Hann dugur kortini ikki at meta um, hví tøl­ini eru minka so nógv. Føroya Tele hevur eitt filtur, sum forðar fyri, at fólk sleppa inn á síð­ur við barna­porno og hóast eitt lut­falsliga stórt tal av fólki verða steðgað, er hetta ikki upp­lýs­ingar, sum Løg­regl­an ger nakað við. – Løgreglan kannar bara teldur, tá ið vit hava eitt ítøkiligt mál at ar­ beiða við og tað kem­ur meiri enn so fyri, at vit kanna teldur tá ið ill­ gruni er um lógar­brot av ymsum slagi. Men tá hev­ur løg­ reglan rann­sóknar­loyvi til hetta frá dómaranum, ella gevur tann, sum eig­ ur telduna, sjálv­boðin løg­regluni loyvi at kanna teld­una. aki@sosialurin.fo FEGNAST Tað er at fegnast um, at færri og færri føroyingar leita eftir barnaporno á inter­netinum, heldur Bergleif Brimvík, leiðari á kriminal­deild­ini hjá løgregluni Kenna lítið og onki til barna­ porno í Føroyum Sum nevnt í hinum grein­ unum her á síðunum, er tað í samstarvi við donsku ríkisløgregluna, at Føroya Tele hevur sett eitt filtur á, sum blokerar, tá ið onkur er á veg inn á eina síðu við barnaporno Og ímeðan talið á før­oy­ ingum, sum verða bloker­ aðir, er lutfalsliga lágt, er støðan heilt øðrvísi í Dan­ mark. Bara í september mánaða vóru 20.000 teldubrúkarar í Danmark blokeraðir, tí teir leitaðu eftir barnaporno. Verður tað ført beinleiðis yvir á føroysk viðurskifti, skuldi talið í Føroyum ligið um 150-200 teldubrúkarar um mánaðin. Tað var tað eisini fyri nøkr­um árum síðani, og væl tað eisini. Men í ár er støðan heilt broytt, tí higartil í 2011, er talan um ímillum 41 og 65 føroyskar teldubrúkarar um mánaðin, sum verða blok­er­aðir, tí teir leita eftir barna­porno. Men tað eru ikki øll, ið fegnast um hetta filtrið, sum blokerar fyri slíkum síðum. Formaðurin í IT politisk forening í Danmark, Niels Elgaard Larsen, sigur við Politiken, at samanumtikið er hetta sensurur. Filtrið ímóti barnaporno­ grafi verður brúkt sum jarnbrot fyri at seta enn meiri eftirlit í verk, tí sjálv­ andi er tað ongin, sum verjir barnaporno. Hann heldur eisini, at tað eru ongar ábendingar um, at hetta filtrið fyribyrgir barna­porno. aki@sosialurin.fo 20.000 Fyribyrgjandi Tað er ilt at siga, hvussu tað ber til, at færri og færri leita eftir barnaporno á internetinum, men stjórin á Føroya Tele ivast ikki í, at tað er fyribyrgjandi, at eitt filtur er sett upp sum blokerar, tá ið fólk fara inn á síður við barnaporno Tølini fyri 2011 eru til og við 5. oktober. Talvan skal lesast soleiðis, at í 2006 hava 3.493 ymisk fólk roynt 8.490 ferðir at sleppa inn á 104.056 heimasíður við barnaporno. Føroyingar og barnaporno: Ár Teldur Vitjanir Síður 2006 3.493 8.490 104.056 2009 2.449 5.212 55.858 2010 2.083 3.850 32.489 2011 478 622 11.669 Tað er eisini komið fyri, at yvir 400 ymisk fólk eru blokerað, tí tey hava verið á veg inn á eina síðu við barnaporno