fríggjadagur 13. februar 2004síða 2

2 Nr. 30 - 13. februar 2004 Nr. 30 - 13. februar 2004 3 Nýtt bátafelag í Sørvági Sørvágs Bátafelag varð stovnað á fundi í Sørvági týskvøldið. Umleið 25 limir eru longu í felagnum SIGLING Edvard Joensen edvard@sosialurin.fo Sørvági: Sørvingar hava fingið egið bátafelag. Felagið fer at skipa fyri ymsum tiltøkum fyri tey, sum hava hug at flóta, eins og tað skal vera bindilið millum bátaeigarar og kommunalu myndug- leikarnar. Stórur áhugi er fyri slík- um felag, sigur formaðurin, Regin Jespoersen. Á stovn- andi fundinum, sum var hildin týskvøldið, vóru 21 mans og ein kvinna. Lima- talið er umleið 25 í dag, og tey vænta, at tað saktans kann gerast tað dupulta, sigur hann. Felagið fer at taka sær av áhgamálunum hjá teimum, sum eiga bátar í Sørvági. Eitt nú samskiftinum við kommununa, sigur formaðurin. Hann sigur, at umtøður- nar í bátahylinum eru rími- liga góðar, men kundu væl verið betri, tí har er ov grunt. Tvær stórar áir renna út í bátahylin í Sørvági,og tær bera so mikið við sær, at tað merkist, sigur formað- urin í Sørvágs Bátafelag. Tað fyrsta verður tí at fáa ávirkað kommununa til at fara undir dýping í hylin- um, sigur hann. Í aðrar mátar verður tað at skipa fyri tiltøkum av ymsum slagi, sum slík feløg plaga at standa fyri. So sum felagstúrum og stevnum. Tó væntar for- maðurin ikki, at nøkur slík stevna verður í ár. Sørvágs Bátafelag hevur fingið innivist í kappróðr- arneystinum í Sørvági. Fel- agið fer at halda til í mið- hæddini í neystinum, sum liggur við bátahylin. Okk- urt smávegis verður at inn- rætta og so skulu eisini wc gerast, sigur formaðurin. Tá verða hølisviðurskiftini so eisini av teimum bestu væntar hann. Køkur er frammanundan í hølunum. Nevndin,sum vald varð á fyrsta fundinum er mannað við: Regini Jespersen, Joh- an Magnussen og Kára Petersen. Eykalimur er Kim Hansen. Sunnukvøldið komandi (15. februar) býður Havn- arkórið til konsert í Komm- unuskúlahøllini í Havn. Á skránni eru kórsangir eftir W. A. Mozart (1756 - 1791) og Johannes Brahms (1833 - 1897). Lagt verður fyri við Brahms, einari røð av hansara vælljómandi a cap- pella satsum fyri blandað kór - tann eini tó duett (Sanna í Brekkunum og Randi Hansen) og kvinnu- kór við klaverfylgispæli. Hesin parturin endar við Brahmssa yndisligu kór- vøgguvísu Wiegenlied. Mozart-skráin byrjar við, at Petra Iversen syngur kendu ariuna Voi che sapete úr operuni "Die Zauber- flöte" (Gandafloytan). Síð- an fylgir motettin Laudate Dominum fyri sopransolo (Berghild Poulsen) og kvinnukór við klaverfylgi- spæli, og eftir enn tveir satsir úr Gandafloytuni endar kórið sín a cappella part, t.e. kór uttan fylgi- spæl, við kanon fyri trý blandað kór. Klarinettspælarnir Sára Zachariasardóttir, Ása D. Apol og Sonja D. Nolsøe, næmingar hjá Peder Riis- Jensen, koma síðan fram á pall og framføra saman við kórinum tríggjar av Moz- artsa 6 Kansonettum fyri kórtrio og blásarar. Konsertin endar við fýra "Zigeunerlieder" eftir Johs. Brahms fyri blandað kór klaver. Tað er Jóhannes Andrea- sen, sum hevur alt klaver- fylgispælið á konsetini um hendur. Konsertin byrjar kl. 20.00 og kostar 80 kr. fyri vaksin og 20 kr. fyri børn í skúlaaldri. Mozart og Brahms í Kommunuskúlahøllini Tvær stórar áir renna út í bátahylin í Sørvági. Tað ger, at hann grynnist skjótt, umframt at ísur legst á hann, tá kalt er í veðrinum Mynd: Edvard Joensen Seinasta umfar í liðkappingini TÍÐINDASKRIV: Leygardagin 14. febr. end- ar liðkappingin í talvi. Sum vanligt verða allir dystirnir í seinasta umfari telvaðir undir somu lon, og í ár verður byrjað kl. 13 í Bygdarhúsinum í Hós- vík. Stórur spenningur er um hvør verður Føroya- meistari. Klaksvíkar Talv- felag hevur 25 stig (15 dystarstig), Kollafjørðar Talvfelag 23 stig (13 dyst- arstig) og Havnar Telving- arfelag hevur 21 stig. Klaksvík og Havnin møt- ast í síðsta umfari, meðan Kollafjørður telvar móti toftamonnum. Reglurnar siga, at um tað stendur á jøvnum í stigum millum oddaliðini, verður hugt eftir dystarstigunum. Stendur eisini á jøvnum har, verður umdystur. Sandavágur flytur niður í 2. deild, eftir at hava verið eitt ár í bestu deildini. Í hinum deildunum kunnu oddaliðini vissa sær fyrsta pláss, um teir bert møta til seinasta dystin, og harvið sleppa undan minus-stigum. Klárt oddaliðið 2. deild er Vestmanna Talvfelag, HT3 er greitt á odda í 3. deild, og Klaksvíkar Talv- felag (a) vissar sær Før- oyameistaraheitið í ung- lingadeildini við at møta til seinasta dystin. Tá ið norski línubát- urin, Skarhaug, var í Saltangará eftir agni fyrst í vikuni, hitti truck-førarin hjá Skipafelag Føroya, Kristian Martin Hammer (Kissi), fyri fyrstu ferð í tríati ár tveir av sínum skips- feløgum aftur SJÓMANSSØGA Vilmund Jacobsen vilmund@sosialurin.fo Mang kann tykjast undar- ligt og tilvildarligt í hesum heimi. Og tó; kanska er sumt ikki so tilvildarligt kortini. Nógvar eru kendu sjó- manssøgurnar, og nógvar eru tær, ið almenningurin ongantíð kemur at kenna. Soleiðis er tað nú einaferð. Sosialurin datt á eina av hesum søgum mánadagin, men tíverri eydnaðist okk- um ikki at taka myndina, sum hevði verið prikkurin yvir i’ið, um hon var við. Søgan byrjar, tá ið norski línubáturin, Skarhaug, kemur á Saltangará eftir agni seinasta sunnudag. Mánamorgunin, tá ið Sosialurin var fram við á bryggjuni við myndatólin- um, lá línubáturin fram- vegis, men tá vistu vit einki um, at nøkur serlig søga var at "heinta" í hesum sambandi. Seinni fingu vit so eitt "tips" um, at her kortini var ein sjómanssøga at heinta. Men tá var norski línu- báturin farin avstað aftur… Tríati ár seinni Sunnukvøldið vitjaði Jákup Hansen, sum eigur línuskipið, Mascot, umborð á Skarhaug. Undir vitjanini spurdi ein av manningini Jákup, um hann kendi Kristian Martin Hammer, vanliga nevndur Kissi. Jú, Jákup kendi Kristian Martin. Hann er truck- førari hjá Skipafelag Før- oya, og hansara dagliga starv er her á bryggjuni! Klokkan 21 sama kvøld ringdi telefonin heima hjá Kristian Martini. Tað var Jákup, sum greiddi frá, at umborð á Skarhaug vóru tveir mans, sum kendu hann og fegin vildu hitta hann. Teir høvdu verið saman í Ný Foundlandi fyri 30 árum síðan og høvdu ong- antíð sæst síðan. - Eg fór oman á bryggj- una beinanvegin, og har hitti eg teir báðar. Tá ið vit komu í prát, kendi eg teir aftur, men eg mintist ikki nøvnini. Tað var sera hugnaligt at hitta menninar aftur nú tríati ár seinni. Kristian Martin sigur, at norðmenninir vóru umleið 19 ára gamlir, tá ið hann var saman við teimum umborð á norska línubátinum, Koralhav í 1974-1975. - Eg minnist, at hetta vóru allir fryntligir menn. Aðrir føroyingar vóru eisini umborð á Koralhav, men eingin hiðani á leiðini. Hinir vóru úr Leirvík og Kollafirði. Kristian Martin sigur, at hann sigldi eini sjey ár við reiðarínum, sum átti Koral- hav. Heim við - Umborð á Skarhaug tos- aði eg mest við annan av hesum monnum, og hesin kom heim við mær hetta kvøldið. Vit prátaðu væl og leingi, og klokkan var farin av midnátt, áðrenn norð- maðurin fór umborð aftur. Í dag eru gomlu starvs- felagarnir hjá Kristian Martini umborð á Skarhaug 49-50 ára gamlir – og sjálvur er hann nú 65 ár. Til stuttleikar kann nevn- ast, at meðan Skarhaug lá í Saltangará, vórðu nærm- astu kioskirnar næstan tømdar fyri sigarettir og tubbak, tí hesar vørur eru vorðnar rættiliga dýrar í Noregi. Sjómenn hittust aftur eftir 30 árum Norski línubáturin, Skarhaug, sum var í Saltangará eftir agni fyrst í vikuni. Vitjanin førdi til, at fyrrverandi skipsfelagar hittust aftur eftir ikki at hava sæð hvønn annan í tríati ár Mynd: Vilmund Jacobsen C M Y K 3 2