fríggjadagur 14. oktober 2011síða 9

9 Fríggjadagur 14. oktober 2011 · Nr. 119 Sosialurin Hugskot og viðmerkingar – send sms til 225000 Tavan hevur sett met í nøgd Gulllaksavirkið í Leirvík hevur ongantíð áður tikið ímóti so nógvari rávøru sum í vertíðini ár, og ongantíð áður hevur miðalprísurin á gulllaksi verið so høgur sum í ár Vilmund Jacobsen 12.400 tons. Tað er nøgdin av gulllaksi, sum Tavan í Leirvík hevur keypt og virk­ að til fars í vertíðini, sum nú er liðug. Besta árið í nøgd frammanundan var 2009, tá fiskiskapurin eisini var sera góður. Hetta árið keypti virkið 11.200 tons av gull­ laksi. Orsøkin til, at nøgdirnar í ár eru størri enn nakrantíð, er, at fiskiskapurin hevur verið góður, og haraftrat hevur virkið at kalla burtur av keypt fiskin hjá fýra ís­ fiskatrolarum heldur enn trimum, sum undanfarin ár hevur verið tað vanliga. – Vit hava keypt fiskin hjá Polarhavi og Stjørnuni – og hjá Eysturbúgvanum og Vesturbúgvanum, sigur Jóan Magnus Rasmussen, stjóri í Tavuni. Virkið í Leirvík keypti fyrstu gulllaksalastina í ár longu hin 4. apríl, og seinastu land­ingarnar til virkið í heyst vóru hin 3. oktober. Ver­tíðin hevur soleiðis vart í eitt hálvt ár. Nógv virksemi – Tað hevur verið nógv at gera á virkinum í vertíðini. Vit hava arbeitt við tveimum vaktum á 10 tímar hvør vakt­ in. Á hvørji vakt eru eini 30 fólk og samlaða talið av fólki, sum soleiðis hevur ver­ið á lønarlista hjá Tav­uni í vertíðini í ár, liggur onku­ staðni millum 60 og 70, tá umsitingin er tald við. Jóan Magnus Rasmussen sigur, at hetta er fyrsta árið, at Tavan hevur keypt gull­ laks hjá fýra skipum yvir eina so langa tíð. Seks skip eru á gull­ laksaveiði og Vestmenningur og Fram, ið eru teir, sum higartil ikki eru nevndir í greinini, hava burtur av land­ að til Faroe Pelagic í Kolla­ firði. – Avreiðingarprísurin á gulllaksi í ár hevur ligið eini 45 oyru hægri enn nakað ann­að ár. Tað merkir, at skip og manningar hava fing­ið 4 krónur fyri kilo alla vertíðina. Tað er ikki ringur gull­laksaprísur, heldur stjór­ in í Tavuni. Hann leggur aftrat, at veiðan hjá skipunum hevur verið góð í ár – og kanska heldur betri enn í fjør. MSC-góðkenning Umframt tey 12.400 tonsini av gulllaksi, sum Tavan hev­ ur keypt í ár, hava Vest­menn­ ingur og Fram helst landað eini 7.000 tons í Kollafirði. Hetta gevur út við 20.000 tons tilsamans, ið er tað, sum fiski­frøðiliga ráðgevingin sigur vera ráðiligt at fiska av gull­laksi í eini vertíð. Teir, sum eiga skipini og virkini, sum keypa fiskin, hava eina sínámillum avtalu um, at samlaða veiðan eftir gulllaksi skal ikki fara yvir tey 20.000 tonsini, sum mett verður kunnu fiskast – uttan, at veiðan tá gongur út yvir fiskastovnin. Jóan Magnus Rasmussen sigur, at partarnir arbeiða sam­an við DNV, Det Norske Veritas, um at fáa gull­ laksaveiðina undir Føroyum MSC-góðkenda. – Vit vænta, at henda góð­ kenning verður komin í hús, áðrenn vertíðin byrjar aftur í apríl komandi ár, leggur hann aftrat. Noreg størst Vit spurdu eisini stjóran, hvussu tað gongur at selja fars­ið, sum virkið framleiðir úr gulllaksi. – Jú, tað hevur gingið rími­liga væl. Vit hava avtalur um levering heilt fram til næstu vertíð, og vit vænta, at tá gulllaksaveiðan byrjar aftur, er alt, sum nú liggur á goymslu, selt, sigur Jóan Magnus Rasmussen. Nógv tað størsta keyp­ ara­landið til gulllaksafars úr Leirvík er Noreg, men felagið hevur eisini týdningarmiklar marknaðir í eitt nú Svøríki, Danmark og Bretlandi. vilmund@sosialurin.fo Ivasamt við upsa­ rávøru í vetur Eins og onnur ár, fer gulllaksavirkið Tavan í Leirvík aftur at virka upsa í vetur og fram til næstu gulllaksavertíð. Ivasamt er tó, hvussu verður við rá­vøru­ grund­arlagnum, nú Polarhav og Stjørnan, sum áður vóru grund­ arlagið undir ráfiska­til­ gongdini hjá Tavuni, nú skulu landa í Klaksvík. Í summar­hálvuni er tað gulllaksur – og í vetrarhálvuni upsi. – Vit plaga at hava tey flestu fólkini, sum arbeiða hjá okkum í gull­laksinum, eisini við í upsanum. Vit royna eisini mest møgu­ligt at arbeiða í tveim­um vaktum, tá upsa­virk­ semið er, men tá er dag­ vaktin vanliga longri enn kvøldvaktin. Jóan Magnus Ras­ mussen, stjóri í Tavuni, sigur, at tey plaga at keypa eini 2.000 tons av upsa, sum vetrar­ hálvárið gongur. Hann vísir á, at onn­ ur ár hava Polarhav og Stjørnan eisini verið høvuðsgrundarlagið undir rávøruni, tá upsa­vertíðin er fyri, men í vetur verður tað ikki so. Polarhav og Stjørn­ an hava nevniliga skift eigara og eru ikki long­ ur heimahoyrandi í Leir­vík. – Skipini hoyra nú heima í Klaksvík og soleiðis, sum vit hava skilt, skulu tey nú verða við til at tryggja Kósa­virkinum rávøru. Stjórin vísir á, at Tavan tí noyðist út at leita sær eftir upsa­rá­ vøru hjá øðrum skip­ um. – Hvussu hetta fer at eydnast, vita vit av góðum grundum ikki í løtuni, men vit ætla okkum at royna, sigur Jóan Magnus Ras­mus­ sen, stjóri í Tavuni í Leir­vík. vilmund@sosialurin.fo Tað hevur verið nógv at gera á virkinum í vertíðini. Vit hava arbeitt við tveimum vaktum á 10 tímar hvør vaktin VIRKSEMI Nógv gulllaksavirksemi hevur verið á Tavuni í Leirvík í ár, og virkið hevur sett nýtt met í rávørunøgd Mynd: Vilmund Jacobsen STJÓRI Jóan Magnus Rasmussen er stjóri í Tavuni