fríggjadagur 14. oktober 2011síða 19

19 Fríggjadagur 14. oktober 2011 · Nr. 119 Sosialurin Hugskot og viðmerkingar – send sms til 225000 Ítróttur Mynd: Álvur Haraldsen Jóannes Hansen Næstsíðsta umfar í ársins lands­ kapping er á skránni sunnudagin. Einki er liðugt, fyrr enn alt er liðugt, var niðurlagið fyri nøkrum árum síðani, og soleiðis er tað eisini í fótbóltinum. Men tað er upp til B36 longu nú sunnudagin í næstsíðsta umfari at tryggja sær FM heitið, sum árs­ talsfelagið hevur vunnið átta ferðir áður. Eftir sigurin í Sørvági, og eftir javnleikin við Margáir millum EB/ Streym og Víking, er tað dekkað upp til FM í Runavík. – Tað lagaði seg væl fyri okkum mikukvøldið. Vit hugsa ikki um FM, men vit vita, at um tað eydnast okk­ um at vinna í Runavík, so verða vit meistarar, og eingin skal ivast í, at vit fara at gera alt, sum vit megna, fyri at fáa hetta avgjørt nú beinan­ vegin, sigur Jákup á Borg, sum er tann á B36 liðnum, ið hevur flestu royndirnar. Hann er tann einasti, ið er eftir av tí liðnum, sum í 1997 vann FM eftir oyðimarkargongd í 35 ár. At nógvir av spælarunum ikki hava vunnið FM áður, heldur Jákup á Borg vera ein part av frá­greið­ ingini upp á góðu gongdina í ár: – Nógvir av spælarunum eru í búnum fótbóltsaldri, og teir eru rættuliga svangir at vinna FM, og tað hevur spælt inn, heldur Jákup á Borg, sum undirstrikar týdningin av góðu venjarunum og góðu um­ støð­unum kring liðið. Metið verður tikið Tá ið NSÍ við Johan Nielsen við róðrið vann FM í 2007 var tað við 61 stig­um. Hetta er met í føroyskum fót­bólti. Nú sær tað út til, at B36 skal taka metið. – Higartil hava vit kent EB/ Streym anda okkum í nakkan, og vit hava ikki havt ráð at kiksa. At tað eru fýra stig á muni, nú tað resta tvey umfør ger, at vit hava ráð at kiksa eina ferð, men tað ætla vit av­gjørt ikki. Vit vita, at tað koma nógv við­haldsfólk inn til Runavíkar við okkum, og vit fara at stríðast alt tað, sum vit eru mentir fyri tey og okkum og felagið, undirstrikar Jákup á Borg. Hóast spælararnir ikki vilja vita av meistararómi, so er tað tor­ført ikki at ímynda sær, at B36 viðhalds­ fólkini vera klár at gera eitt sindur burturúr, um teirra lið vinnur í Runavík. – Tað liggur til høgra bein hjá okkum, men tað er neyðugt at gera arbeiðið liðugt, undirstrikar Jákup á Borg. Og um tað ikki eydnast í Runavík, so verður tað ímóti HB, sum tú hev­ur spælt við, at FM heitið skal tryggj­ast, og tá verður møguleiki fyri, at HB flytir niður? – So langt hugsa vit ikki. Nú snýr tað seg um NSÍ, og teir í Runavík og ikki minst Klæmint A. Olsen vístu mikukvøldið ímóti júst HB, at teir eru vandamiklir. Allir spælararnir hjá NSÍ og B36 eru tøkir undan dystinum, har gullið liggur á silvurfati og bíðar eftir B36. Bíligari metallini EB/Streymur hevur á heimavølli ímóti B71 møguleika at tryggja sær silvur­merkini. Mikukvøldið var dyst­urin í Streymnesi millum EB/ Streym og Víking ein tann besti og mest dramatiski í hesum kapp­ ingarárinum. Úrslitið var 3-3, og tað var ikki fyrr enn í síðstu løtu, at heimaliðið javnaði. – Nú er møguleikin fyri FM mest sum burtur. B36 eigur stóran heiður av fantastiska góðum og støðugum avrikum. Tí eru teir favorittar at vinna FM, men vit mugu hanga í og gera okkara, sigur EB/Streyma liðformaðurin Egil á Bø. Víkingur eigur grannauppgerð ímóti ÍF: – Tað verður ikki løtt uppgáva, men vit mugu reisa okkum eftir hetta vónbrotið. Vit kenna tað soleiðis, at vit mistu tvey stig, stað­ festir Jógvan Martin Olsen, venjari hjá Víkingi, sum annars var sera væl nøgdir við sínar menn og teirra avrik í Streymnesi. Jóannes Hansen Mikukvøldið var HB í Runavík, og tað eydnaðist ikki at vinna úrtøku. Úrslitini mikukvøldið lagaðu seg soleiðis, at tað enn er møguleiki fyri, at HB skal flyta niður. HB kappast við 07 Vestur og B68 um at sleppa undan niðurflytingini. 07 Vestur tapti mikukvøldið 3-2 á heimavølli ímóti meistara­ biðlunum í B36, sum vóru frammanfyri 3-0: – Vit høvdu nógvar ungar menn á liðnum í 2. hálvleiki, tá ið hugburðurin var góður. Vit ætla at byggja víðari á hetta ímóti B68. Í síðsta umfari skulu vit vitja ÍF, sum mikukvøldið slapp undan niðurflytingini. Vit halda, at tað skal bera til at vinna seks stig, og so vóna vit, at tað verður nóg mikið, sigur Hans Jørgensen, málverji hjá 07 Vestur. Á Toftum harmast teir um 1-0 tapið á heimavølli ímóti ÍF: – Vit tosaðu um, at hesa ferð skuldu vit ikki fáa mál ímóti okkum beinanvegin, men tað kiksaði. Vit høvdu møguleikar og tóku ikki av. Harvið hava vit einki stig vunnið ímóti ÍF, staðfestir B68 miðvallarin André Olsen. Hann ásannar, at tað fram­ vegis brennur undir B68: – Vit hava verið óhepnir við skaðum, men vit hava góðan hugburð, og vit ætla at vinna í Sørvági. Eftir vitjanina í Vágum rundar B68 av á heimavølli ímóti EB/Streymi. Trongdir meistarar HB venjarin, Sigfríður Clementsen, hevði avgjørt ætl­ að sær stig í Runavík, men tað eydnaðist ikki. NSÍ vann 2-1: – Vit høvdu møguleikar, men vit tóku ikki av. Soleiðis hev­ur tað ofta verið fyrr í ár, og soleiðis var tað hesa ferð. Nú skulu vit spæla ímóti KÍ í Gunda­dali. At klaksvíkingar hava tryggjað sær plássið í deildini nýtist ikki at vera fyri­ munur fyri okkum. Seinastu tíðina hava vit spælt væl á heimavølli, og tað vóna vit, at vit aftur fara at gera sunnu­ dagin, og at tað fer at bera sigurin við sær, sigur HB venj­ arin. Í síðsta umfari skal HB spæla ímóti B36, men sum hjá favorittunum so er hetta ikki enn eitt tema í HB. Fokus er á avbjóðingini ímóti KÍ. joannes@sosialurin.fo Vodafonedeildin upptakt Gullið bíðar á silvurfati Fótbóltur B36 hevur møguleika at seta met í stigum í ár, og tað ætla teir í árstalsfelagnum at leggja nógv fyri at gera á næstsíðsta leikdegi, so FM spurnngurin verður avgjørdur undan grannauppgerðini í Gundadali annan leygardag nr. lið dystir vunni javnt tapt + mál - mál +/- stig 1 B36 25 19 4 2 58 25 33 61 2 EB/Streymur 25 18 3 4 63 30 33 57 3 Víkingur 25 16 5 4 54 30 24 53 4 NSÍ 25 10 8 7 54 44 10 38 5 KÍ 25 9 4 12 44 45 -1 31 6 ÍF 25 8 4 13 35 38 -3 28 7 B68 25 7 5 13 40 42 -2 26 8 HB 25 7 5 13 43 50 -7 26 9 07 Vestur 25 5 6 14 28 63 -35 21 10 B71 25 3 2 20 24 76 -52 11 Vodafonedeildin Meistarnir eru í trongum skóm Fótbóltur Tað er framvegis møguleiki fyri, at niðurflytingin ikki verður avgjørd fyrr enn á síðsta leikdegi Mynd: Álvur Haraldsen